Os Clubs de Lectura do Segrel botan a andar!!

Así é. O vindeiro martes día 14 teremos a primeira sesión do club de lectura de 1ºESO e o martes 21 a de 2ºESO, así como a de pais e nais. 

Este curso, debido á grande demanda, temos apuntados 50 rapaces e rapazas dun total de 78 matriculados nestes dous cursos, decidiuse, para facilitar os encontros, que as reunións non fosen conxuntas polo que nos foi imposible ofertalo ao resto da ESO, dada imposibilidade de atendelos.

Canto o sentimos!

Os títulos elixidos este curso son:

Club de 1º ESO

•  Sierra i Fabra, Jordi “El asesinado del profesor de matemáticas” 
•  Docampo, Xabier “Cando petan na porta pola noite” 
•  Cimadevilla, Fernando “O ladrón de soños (O mundo secreto de Basilius Hoffman I)”
•  Castro, Carlos de “La casa de la linterna” 
•  Gleitzman, Morris “Una vez”   
•  Gómez Cerdá, Francisco “Eskoria” 
•  Gallego, Laura “Las hijas de Tara”   

Club 2º ESO

• Silei, F, Quarello M. “El autobús de Rosa”
• Pratt, Hugo “Corto Maltés” 
• Guarnido, J., Díaz Canales, J “Blacksad” 
• Dorison, X, Lauffray, M. “Long John Silver” 
• Tomás, Xosé “Nomades”
• Brami, E; Jeunet B. “Sálvate Elías “ 
• Innoccenti, R; Vander Zee, R. “A historia de Erika” 
• Roca, Paco “Arrugas” 
• Innoccenti, Roberto “Rosa Blanca“ 
• Satrapi, Marjane “Persépolis" 

       Club de Pais e Nais

• Feijoo, Pedro “A memoria da choiva”
• Grandes, Almudena "Las tres bodas de Manolita"
• Belli, Gioconda "El país de las mujeres"
• Camilleri, Andrea "El beso de la sirena"
• Fernández Paz, Agustín “A viaxe de Gagarin”
• Hosseini, Khaled "Y las montañas hablaron"
• Navarro, Julia "La Biblia de barro"
• Garrido, Vicente; Nieves Abarca "Crímenes exquisitos"
• See, Lisa "El abanico de seda" 
• Redondo, Dolores "O gardián invisible"

Unha noticia, que foi difundida esta mañá a través de Radiofusión Fene, a nosa radio local, cun titular ben fermoso "No IES de Fene a lectura é unha gozada"

Esperámosvos!!

Gústame o Galego

Comezamos a celebración do Día das Letras Galegas, este ano adicado a Roberto Vidal Bolaño, do mellor xeito posible, facendo a nosa declaración de principios dun xeito ben orixinal, dicindo ben clariño "Gústame o Galego" , unha iniciativa da Coordenadora de Traballadores pola Normalización Linguística que están a percorrer o noso país e o IES de Fene tamén quería estar nese "fotocol"

Dende as 9.00 ata as 12.00 da mañá, hora na que saíamos para o Teatro, alumnado, profesorado, persoal de administración e servizos, pais, nais e amigos do Segrel, achegáronse canda nós para dicirnos...
Gústame...

• o xeado con sabor á terra (O lema gañador do noso concurso - Andrea Goti - 3º ESO)
• que se faga xustiza co Galego
• que me digan "qrt m8" ; -)
• que che guste a miña lingua :-P
• soñar en galego e espertar cun "bo día"
• que che guste a miña lingua para pedirme que confíe en ti
• que no deporte o galego non quede fóra de xogo
• que as mates, a ciencia, a tecnoloxía... sexan en galego!
• que intentes falar en galego, aínda que che custe pouquiño
• poder ter o móbil, o tablet ou o ordenador en galego
• que me lembres en galego
• o galego con acento africano
• A Coruña, gústasme ti
• que non nos coma a lingua o gato
• o seseo (e a gheada, e o rotacismo...)
• poder entenderme en galego con máis de 200 millóns de persoas
• como empezan a falar galego @s pequerrech@s
• que me entren en galego ;-)
• que o galego me acompañe sempre

Algúns dos lemas do concurso organizado no centro: Gústame...

Velaí tedes como transcurriu a xornada no Segrel!!

E así recolleron a noticia dende Radiofusión Fene

A Noticia do Premio Espállase !!

O Concello de Fene moi implicado na difusión do premio conseguido por "O Segrel do Penedo". Pero este non é un feito que nos sorprenda, xa que sempre sentimos o recoñecemento ao noso traballo e o seu apoio e colaboración en todas e cantas iniciativas lle propuxemos dende o centro.

RadioFusión, nada máis coñecer a noticia, fíxonos unha entrevista. Uns minutos entre clase e clase foron suficientes para intentar contarlle aos veciños do concello, a pesar dos moitos nervos, o que nos estaba a acontecer, a inmensa alegría que viñamos de recibir. Se entrades en Radio Barullo podedes escoitala.

A concellería da Cultura, a través da súa páxina web, tamén espalla a noticia.

Como podedes comprobar, no concello celebraron este premio como algo propio, como así é. E nós contentísimos e orgullosos deste recoñecemento á nosa tarefa cotiá. Como nos dicía o alcalde na súa felicitación, enviada a través do seu perfil en facebook, " [...] os recoñecementos sempre dan folgos para seguir adiante" e nesa estamos, dispostos a seguir adiante, con "máis folgos" se cabe...

E, como non podía ser menos, na páxina web do IES de Fene tamén contamos a nova... que nos sentimos ben orgullosos e queremos facervos partícipes de tan extraordinaria noticia.

Moitísimas grazas a tod@s!!

Letras Galegas X: "Poemas á Rúa"

"Chove pra que eu soñe"

E así comezou o día, chovendo...

Os "Poemas á rúa" convertéronse en "Poemas na Casa do Concello", pero o lugar foi o de menos, o mellor foi o momento no que compartimos o sentir dos poemas de Novoneyra, a lectura coral, da que foron protagonistas todas as persoas alí presentes, da "Letanía de Galicia" dirixida por Tamara Miragalla alumna de 2º de ESO, para rematar cantando Lela e por suposto o Himno Galego.

A recompensa ao traballo feito foi unha fermosa experiencia de música e lecturas compartidas que pensamos repetir e da que a RTVG dará noticia o vindeiro luns á mañá nunha reportaxe sobre a celebración do Día das Letras no programa Bos Días Magazine.

Grazas a todas e todos os que fixéstedes posible que puidéramos celebrar con vós, fóra das paredes do noso centro, o que foi unha xornada festiva chea de emocións.

Tamén en

Radio Barullo

Radio Fusión

Obradoiro de Radio (I)

A pasada fin de semana, catro alumnos e dous profes asistimos, xunto con outros cinco mozos e mozas, a un obradoiro de Radio organizado pola Concellería de Xuventude do Concello de Fene.

A inauguración correu a cargo do Alcalde, Iván Puentes, e da Concelleira de Xuventude, Mª Carmen, que nos falaron da implicación do concello neste tipo de iniciativas así como da importancia dos medios na sociedade.

O obradoiro está dirixido por Tomi e Mariano dous experimentados profesionais do mundo da comunicación que están a facer posible que o verme da radio entre en nós.

O venres foi a nosa primeira toma de contacto coa terminoloxía radiofónica, a produción e o guión, pero como non hai nada mellor que a práctica comezamos facendo unha "Presentación" por parellas para logo entrar xa cun "Magazine". Estabamos todos ben nervosos, algunhas máis que outros, pero cando escoitamos as gravacións seique non o fixéramos moi mal, sobre todo tendo en conta que para a maioría de nós esta era a primeira vez que nos víamos ao outro lado das ondas.

O sábado comezamos cunha actividade moi divertida de lectura de textos, era un xeito de inicicar o que sería un día ben intenso... O primeiro foi elaborar unha "Axenda Cultural", noticias, música e unha entrevista e por último cada un de nós tivo que facer a súa "Cuña Publicitaria". Nesta ocasión fixémonos nós tamén, cargo do control técnico.

Neste segundo día os nervos estaban máis controlados, xa estabamos a coller confianza entre nós e mesmo co medio pero sobre todo, e neso coincidimos todos, é que as prácticas as fixemos en RadioFusión, estabamos na radio de verdade e iso seique imprime carácter... ou alo menos nós estabamos máis cómodos.

Velaí tedes unha mostra do que alí aconteceu.

Vale, xa sei o que estades a pensar... pero non vos preocupedes, o vindeiro fin de semana, cando remate o cursiño, e como non podía ser menos, en Radio Barullo poderedes "escoitar" todo o que aquí vos conto.

A noticia en Fene Cidadán

Fene Lendo Mulleres

Onte, e como ven sucedendo dende hai xa nove anos o Concello de Fene organizou a marathón “Fene lendo Mulleres” unha actividade que ten que ver coa celebración do Día Internacional da Muller e na que o alumnado do IES de Fene de todos os niveis educativos, como ven sendo habitual, tamén participou. Velaí tedes a crónica que nos envía Roberto Rodríguez Pazos (4º ESO)

Ayer día 6 de Marzo de 2009, los alumnos y alumnas de los diferentes niveles educativos del IES de Fene acudieron, junto a otros alumnos del municipio, a la biblioteca de Fene a recitar poemas escritos por mujeres y relacionados con la evolución hacia un mundo igualitario en el que no exista la discriminación por razón de sexo.

Este recital se celebró como anticipo de la conmemoración del Día Internacional de la Mujer que tiene lugar el 8 de marzo de cada año desde 1911 y en el que las mujeres reivindican los mismos derechos que sus homólogos humanos, los hombres.

El acto transcurrió con total normalidad, los alumnos y alumnas realizaron la lectura de poemas y alguna que otra redacción personal en las que estaba plasmado el deseo de conseguir restablecer la estima de la figura femenina. Durante 50 minutos pudimos disfrutar del aire literario que muchas veces perece en las mentes, sobre todo de la juventud. Un impedimento o barrera que nos ponemos nosotros mismos y que sólo nos conduce a un camino, el desconocimiento.

Desde la antigüedad la figura femenina ha sido infravalorada, estando situada en una posición poco privilegiada. Como ejemplos claros tenemos a Eva esa mujer creada a partir de la costilla de Adán, símbolo de apoyo del hombre que, desobediente, sucumbió al pecado y como castigo fue desterrada, al igual que Lilith, la primera mujer de la humanidad a la cual su afán por alcanzar la sabiduría la ha llevado a ser considerada hasta el día de hoy como un ser demoníaco.

La mujer ha estado reprimida durante mucho tiempo, pero desde el siglo anterior hasta el actual hemos vivido un proceso que, aunque ha sido lento y no del todo fácil, ha elevado la consideración de la mujer. También cabe destacar que en algunos países aún conservan esa visión retrograda de la mujer, aferrándose a teorías absurdas que sólo la perjudican.

El mundo necesita progresar, pero si en la sociedad siguen existiendo resquicios de desigualdad, esos pasos que hemos dado hacia delante volverán a su posición inicial denotando así que el mundo se está viendo envuelto en un proceso de involución.

Texto e fotos; Roberto Rodríguez Pazos

E se queredes escoitalos, aquí vos deixamos non só a grabación da lectura dos poemas, senón a entrevista que lles fixeron dende Radiofusión a Alba Currás, Lucía Paz e Laura López

"O Segrel do Penedo" en Radio Fusión

Onte, 26 de novembro, O Segrel do Penedo foi invitado por Radio Fusión, a nosa radio local, a falar sobre Bibliotecas Escolares.

Se queredes escoitar a entrevista completa só tedes que entrar en Radio Barullo, a nosa Radio Escolar.

Chegamos ás 10.50 á Casa do Concello e todo hai que dicilo, estábamos unha miaxiña nervosos. Non é este o medio onde soemos desenvolvernos, pero grazas a Almudena Marcos, unha grandísima profesional, sentímonos tan a gusto que, como xa ela nos comentara antes de comezar a entrevista, esquecimos completamente que estabamos ante un micrófono.

Durante case media hora falamos do modelo de biblioteca escolar, do papel que as bibliotecas escolares están a desenvolver nos centros de ensino, da labor dos coordinadores e dos equipos de apoio, da Asesoría de Bibliotecas, do Plambe, da Hora de ler, dos Clubs de lectura, das Mochilas viaxeiras, de Agabel... e tamén, como non, das necesidades que teñen as nosas Bibes. Como íamos deixar de falar do que tanto nos preocupa?

E falando de bibliotecas non podíamos esquecer o fomento da lectura, o importantísimo papel da familia na adquisición do hábito lector... e por suposto a visita da Ministra a Galicia para a sinatura da addenda 2008 ao convenio para a mellora das bibliotecas escolares, acto no que tamén estivo presente o IES de Fene.