23 febreiro, aniversario de Rosalía de Castro

Fixemos cos ESO unha escolma dos libros de Rosalía que temos na biblio, leron os seus poemas, falaron da súa vida e pintaron unhas fermosas caricaturas da poeta.

11 FEBREIRO. Día internacional da muller e nena na ciencia

Hoxe estivemos a falar do papel das nenas e mulleres no eido da ciencia cos rapces de 1º ESO.

Fixeron unha escolla de libros onde falaban de científicas; en parellas leron sobre unha delas e despois contáronlle aos compañeiros sobre a científica da que acaban de ler.

FEBREIRO NEGRO

 A profesora de Lingua Castelá Mónica Mouriz Porto montou esta exposición de novelas e películas de misterio e crimes tanto en galego coma en castelá. Coa axuda dos seus alumnos argallaron a presentación e escolleron o material. 

Poden atopar dende os clásicos Agatha Christie, Patricia Highsmith, Raymond Chandler, Edgar Allan Poe, G.H. Chesterton e Arthur Conan Doyle ata os máis modernos Paula Hawkins, Pedro Feijoo, Domingo Villar, Elena Gallego, Manel Loureiro, Lorenzo Silva, Stieg Larson etc.

Está tendo moito éxito entre a rapazada. Ler novelas de misterio é sempre unha boa forma de atraer lectores.