Xornadas Lectura Literaria III - Carlos Negro

O martes 5 de marzo celebráronse no Segrel as III Xornadas de Lectura Literaria organizadas polo CFR de Ferrol. Nesta xornada disfrutamos da presencia de  Carlos Negro e de que xeito, solo hai que ver o título deste encontro. "Praceres Intensos, Praceres Escuros. Poesía e Chocolate"!! 

Nesta ocasión o pracer foi dobre, xa que Begoña, profe de Tecnoloxía e membro do noso grupo da biblioteca e compañeira de Carlos Negro na Universidade foi a encargada de facer os honores. Un emocionante encontro no que os dous lembran aqueles anos na Universidade. 

A presentación comeza co alumnado de 3º e 4º de ESO, os nosos "Xoves Libro", que nos acompañan para salvar a obra de Carlos Negro así que recitan algúns poemas de "Makinaria" mentras son acompañados polos seus compañeiros Sarai ao teclado e Sergio co violín. Logo, Begoña, como non podía ser menos, fai a presentación do "poeta - amigo" Os dous recoñecen a emoción do momento. Quen lles ía dicir naqueles anos...!! 

Begoña comeza facendo unha pequena reseña biográfica para finalmente adentrarnos na súa obra. Carlos agradece a cariñosa presentación e comeza coa lectura de "Frederick: Un rato poeta!" "Porque os libros non existen ata que alguén os abre e os le!" E a partír da ahí... Que é un poema? "Un poema é unha onza de chocolate: pequeno, escuro e o máis bo do mundo" Así que para demostralo…"Chocolate" para todos!! E poesía por un tubo!! Porque "A poesía é un pracer gozoso" "Unha experiencia transformadora" Fala de como achegar a poesía á rapazada... "Hai que ler moita poesía, para coñecela e poder compartila!!" E falamos de poetas de aquí e de acolá... Lupe Gómez Arto, Ajo, Benjamín Prado, Álvaro Cunqueiro, Fran Alonso, Antón Lopo, Andrés Neuman, Kirmen Uribe, Uxío Novoneyra, Samuel L. Paris, Adriana Falcao, Jean-Pierre Simeon, Miguel Munárriz, Álvarez Blazquez, Ernesto Cardenal, Roger Wolfe, Rosalía... 

Unha tarde intensa e fermosa na que todos quedamos con gañas de máis... O tempo, que voa!! Pero sacamos un minutos... para as signaturas!! "Makinaria" "Cultivos Transxénicos" "Far-West"... todos levamos os nosos exemplares E, por suposto, asinou no noso "Libro de Ouro"!!!! Rematamos cos agradecementos aos asistentes e sobre todo a Carlos, tan cercano, tan agarimoso... e que nos fixo, unha vez máis, disfrutar do Pracer da Poesía!!

Clicar na Imaxe para ir ao Álbum fotográfico

Carlos Negro "De Cero a Cen en Tres Poemas"

Para celebrar o mes da Poesía, para nós, todos os días deberían ser e, de feito o son, o Día da Poesía, tivemos entre nós a Carlos Negro que pasou a tarde do martes 5 de Marzo co alumnado de 3º e 4º de ESO.

A rapazada, convertidos en "Xoves Libro", decidiron presentar a este extraordinario poeta, salvando a súa obra e o fixeron recitando tres dos seus poemas; "Roedores de Caucho", "061" e "Rústico Poema" acompañados por Sarai no teclado e Sergio co violín, un dos instrumentos que, últimamente, estase a converter en imprescindible en calquera das actividades que se desenvolven no Segrel...

Tras a presentación falamos de poesía, do que a poesía é para nós; Carlos leunos femosos poemas, e despois pasamos á práctica, escribimos extraordinarias Greguerías, poemas Dadá cheos de humor, fermosos poemas que falaban dos nosos medos... foi unha tarde ben productiva e moi doce "Un poema é unha onza de chocolate: pequeno, escuro e o máis bo do mundo", así que comimos chocolate...pero que nos soubo a pouco así que esperamos repetir axiña, porque nos quedou por falar do son, un dos elementos importantísimos na poesía. Un bo motivo para repetir este encontro antes de que termino o curso, que hai que rematar este extraordinario obradoiro... 

Os Nosos Venres Musicais (LXXV)

Bebo Valdés In Memoriam

Sempre é Bo Momento para Escoitar e Ler Poesía!!

Build your own custom video playlist at embedr.com top web hosting

Non deixedes de visitar os blogues Son de Poetas e Antología de Poemas Musicados de Ángel Puente, onde atoparedes unha extraordinaria selección de poemas musicados.

E, por suposto, disfrutade unha e mil veces da fantástica película de Peter Weir "El club de los poetas muertos"

“Non esquezan que a pesares de todo o que lles digan, as palabras e as ideas poden cambiar o mundo (…) Contareilles un segredo: non lemos e escribimos poesía porque é fermosa. Lemos e escribimos poesía porque pertencemos á raza humana; e a raza humana está chea de paixón. Mediciña, dereito, comercio, inxeñería… son carreiras nobres e necesarias para dignificar a vida humana. Pero a poesía, a beleza, o romanticismo, o amor son cousas que nos manteñen vivos”

Lendo Mulleres no Día da Muller

Xornadas de Lectura Literaria II - Eliacer Cansino

O xoves 28 asistimos, no IES Fernando Esquío de Neda, á segunda sesión das Xornadas de Lectura Literaria  e que nesta ocasión nos permitiu disfrutar da presenza do escritor Eliacer Cansino, premio Nacional de Literatura Infantil e Xuvenil con "Unha habitación en Babel".

A presentación correu a cargo de "Abril" alumna de 4º de ESO que fixo un amplo percorrido pola obra do autor.

Eliacer Cansino comezou presentándose como "Un hombre de la galaxia Gutenberg" que sentiu o seu primeiro deslumbramento poético á idade de 13 anos, momento no que descobre a literatura, con esa estampa "Mariposas blancas" da obra "Platero y Yo" de Juan Ramón Jiménez, o primeiro libro que lle falou, "Porque, de vez en cuando, los libros te hablan" e a partir dese momento marabilloso, falounos de poesía, de libros, "El libro es el lugar donde mejor se conserva el espíritu", de educación lectora... de Literatura con maiúsculas, a literatura como eixo da educación sentimental, onde o importante é a "Revelación"

"Stéphane Hessel" In Memoriam

Descargar "Indignaos" de Stéphane Hessel

Xornadas de Lectura Literaria I - Emilio Pascual

O pasado xoves comezaron as Xornadas de Lectura Literaria organizadas polo CFR de Ferrol e que baixo o título "Bibliotecas Escolares para Lectores do Século XXI" nos achegan a autores de talla de Emilio Pascual, Eliacer Cansino, Carlos Negro e Paula Carballeira e que se desenvolverán en distintas Bibliotecas Escolares da Comarca. 

O xoves 21 reunímonos na Biblioteca do CEIP Couceiro Freijomil de Pontedeume para disfrutar do encontro con Emilio Pascual. A súa charla levaba por título "Biblotecas, reservas para el invierno del espíritu" e comezou falando da Biblioteca de Alexandría e chegou ata as bibliotecas do século XXI sen esquecer aquela pequena biblioteca escolar dunha escola de maio do 58, "dez anos antes do maio revolucionario", donde unha mestra inesquecible, despois de ter rematados os deberes e ante a pregunta do pequeno Emilio "Y ahora qué hago? ela contestou "Coge un libro y ponte a leer" e vaia que se leeu... 

Durante esa tarde máxica, Emilio Pascual falounos de Bibliotecas:

• "A Biblioteca Escolar é un ámbito privilexiado para o asombro"
• "Un novo modo de Biblioteca esixe un novo modo de Educación"
• "As Bibliotecas son oasis de resistencia"
• "As Biblotecas son os graneiros do espírito"

De Lectura e de Libros:

• "O libro como concepto está por enriba do soporte"
• "Os clásicos son as raíces da nosa cultura"
• "Debemos ler os clásicos porque permanecen influíndo no imaxinario colectivo" (Plinio)

E, como non, falamos de libros, dos seus "Días de Reyes Magos", "El fantasma anidó bajo el alero", "Apócrifos del libro", de outros autores como "La noche en la que Franikenstein leyó el Quijote" de Santiago Posteguillo, "Los cuadernos de Malte Laurids Brigge" de Rilke, e do último libro que está a ler "El espíritu áspero" de Gonzalo Hidalgo Bayal que nos recomendou encarecidamente.

Todo un placer poder disfrutar da súa palabra, e mentres a tarde transcurría, non podíamos deixar de pensar no noso alumnado, canto tería disfrutado coa súa charla! Algo teremos que facer para que este pequeno soño se faga realidade...

Reportaxe gráfica obra de Xarela e O Segrel

24 de Febreiro: Día de Rosalía

O pasado venres 22, O Segrel do Penedo, a Biblioteca Escolar do IES de Fene, uniuse á iniciativa da AELG, no 175 aniversario do nacemento de Rosalía de Castro, a autora máis universal en lingua galega "A lectura colectiva dos seus poemas".

Alumnado de 3º e 4º de ESO, e 1º de Bacharelato ao longo dos dous recreos da mañá, ás 10.00 e ás 12.00, recitaron os poemas "Follas Novas" e "Cantares Gallegos" acompañados ao violín por Sergio Malvar, alumno de 3º de ESO.

Nesta celebración estivemos acompañados, durante a primeira lectura, por Sonia Iglesias, a Bibliotecaria Municipal, e Almudena Marcos, directora do Museo do Humor, e durante a segunda pola Concelleira de Cultura, Juana Barro. O noso agradecemento ás tres e a todos os que fixeron posible esta fermosa xornada poética.

Unha celebración que estivo moi presente nos centros públicos do Concello de Fene. 

A noticia na prensa

Rosalía de Castro, Feminista na Sombra

Rosalía de Castro


Web Oficial da Fundación Rosalía de Castro


Rosalía de Castro na Biblioteca Virtual Miguel de Cervantes


Rosalía de Castro: Biografía e Poemas


"Con Rosalía en Xixón" artigo de Agustín Fernández Paz



Deseño do Cartel Rosana Rodiles

Bookcrossing en Fene

A Biblioteca Pública Municipal “Xosé María Pérez Parallé” comezou a celebración do Día de Rosalía poñendo en práctica a iniciativa do Bookcrossing e o IES de Fene foi un dos lugares elixidos para liberar catro títulos de literatura xuvenil: "Mareas Negras" de Rafael Lema Mouzo, "As cousas claras" de Xosé Neira Cruz, "Do outro lado do espello" de Jordi Sierra i Fabra e "Vestio" de Xosé Miranda.

Cada un dos títulos leva un pequeno apuntamento do que é o Bookcrossing, a súa historia, así como a explicación do que se debe facer con estes "Libros Libres"

A entrega dos exemplares a fixeron Sonia Iglesias (Bibliotecaria Municipal) e Almudena Marcos (Directora do Museo do Humor) o venres 22, durante a celebración do Día de Rosalía.

Esta iniciativa supón unha máis das colaboracións que entre a Biblioteca Municipal, o Museo do Humor e "O Segrel do Penedo", a Biblioteca Escolar do IES de Fene, estamos a levar a cabo nestes últimos anos. A verdade é que para nós e un verdadeiro placer traballar con estas dúas magníficas profesionais ás que dende aquí queremos facer chegar os nosos parabéns polo seu bo facer.

Poemas Musicados para o Día de Rosalía

Aprende a Buscar na Rede

Para reforzar o traballo que vimos desenvolvendo na aula na nosa tarefa cotiá, en canto á busca de información na rede de xeito eficiente, velaí tedes un extraordinario documento (que podemos imprimir ao remate da presentación) realizado en colaboración por dúas das bibliotecas escolares de centros públicos galegos punteiras dentro e fóra do noso país.

Os nosos parabéns a Charo (IES Sánchez Cantón de Pontevedra) e a Olga (CEIP Milladoiro de Malpica) artífices deste magnífico exemplo de traballo colaborativo.

No Día de San Valentín...

El viento comenzó a mecer la hierba

No día de hoxe, moi especial para nós, queremos facernos un agasallo, tamén ben especial, e compartilo con tod@s vós. Estámonos a referir a "El viento comenzó a mecer la hierba" un fermosísimo libro de poemas de Emily Dickinson  marabillosamente ilustrado por Kike de la Rubia, e ao que todos, amantes ou non deste xénero literario, deberíamos dedicarlle un tempo porque, como dicía Gabriel Celaya, "La poesía es un arma cargada de futuro" e tal e como están as cousas... non deberíamos perder a esperanza nun futuro mellor.

Primeiras páxinas en Pdf

El agua se aprende por la sed;

la tierra, por los océanos atravesados;

el éxtasis, por la agonía.

La paz se revela por las batallas;

el amor, por el recuerdo de los que se fueron;

los pájaros, por la nieve

Proxecto Fahrenheit 451 "As Persoas Libro"

Hoxe recibimos no Segrel a Antonio Rodríguez Menéndez o artífice do "Proxecto Fahrenheit 451 (As persoas libro)" Pola mañá celebramos o encontro con parte da rapazada dos clubes de lectura - a folga mermou o número de asistentes á metade - Antonio presentounos o Proxecto e falounos da "Palabra Vinculada" que implica un cambio de actitude ante a lectura. Explicounos a importancia da respiración e da mirada, que dan existencia ao outro, da importancia dos silenzos, de que non debemos esquecer o noso corpo, unha ferramenta fundamental, e por suposto falounos das "Palabras de Chocolate Fundido"... 

Pola tarde o encontro ía dirixido ao grupo de profes encargados da biblioteca. Souponos a pouco, quedamos con ganas de seguir afondando nesta experiencia lectora á que todos nos sentimos xa "vinculados"

Antonio enganchounos a mozos e grandes, é a súa paixón polo que fai e no que cre firmemente e o seu xeito de transmitilo. Nos sentimos parte desta fermosa iniciativa e desta experiencia tan enriquecedora xurdiu o compromiso de poñela en práctica todos os días nos tres primeiros minutos da clase. Estamos moi motivados, así que empezaremos mañá mesmo, veremos que tal nos vai!!

Álbum fotográfico da Xornada

Roteiro Plambe-Ferrolterra (XIII) CEIP José Mª Lage

O pasado mércores, 30 de xaneiro, tivo lugar no CEIP José Mª Lage de Ortigueira, a primeira reunión do Plambe-Ferrolterra do 2013. 

Chegamos nunha terrible tarde de tormenta que grazas á calorciña coa que nos recibiu Bea, non podía faltar unha "hippy" no día da Paz, tornouse nunha fantástica tarde Plambeira. O primeiro que fixemos, como é habitual, foi un completo percorrido pola súa fantástica biblioteca chea de ratos lectores. Canto nos gustou a súa CDU nun fermoso baobá, as pombas da Paz, o libro do medo, o Don Quijote, o libro colaborativo, os contos da cestiña, os libros do mundo... e tantos e tantos detalles que fan desta unha biblioteca máxica.

Despois do paseo chegou o traballo. Nesta xuntanza disfrutamos coas fantásticas experiencias levadas a cabo no CEIP Couceiro Freijomil "A prensa na escola" e no CEIP de Andrade "As cores de Galicia". Canto e que ben se traballa nas Bibes Escolares Galegas!

Tras o traballo chegaron o café e as lambonadas, e un pequeno agasallo que sempre deixamos como lembranza do noso paso polas bibes de Ferrolterra, nesta ocasión o fermosísimo álbum de Benjamin Lacombe "El Herbario de las Hadas". Que o disfrutedes tanto como nós na vosa compaña!!

Álbum fotográfico da Xornada

Agustín Fernández Paz Doutor Honoris Causa Universidade Vigo

Onte, día 28, Agustín Fernández Paz, un dos grandes das nosas letras, foi nomeado Doutor Honoris Causa pola Universidade de Vigo. Un nomeamento no que se ve recoñecido non so o seu papel no eido da Literatura Infantil e Xuvenil senón como loitador pola nosa cultura e a nosa lingua como podemos comprobar, non sen emocionarnos, cando lemos o seu discurso de investidura que aquí vos achegamos .

Vía

Dende O Segrel, en nome de todos os membros da nosa comunidade educativa, queremos achegar os nosos parabéns por tan merecidísimo recoñecemento ao noso benquerido e admirado Agustín.

Fina Casalderrey nos Blogues das Bibes Galegas

Vía Biblioteca do Cole

Con motivo do nomeamento de Fina Casalderrey como membro numerario da Real Academia Galega, en datas recentes, as bibliotecas escolares galegas quixeron xuntarse de forma virtual e facerlle unha homenaxe publicando, nos seus blogues, unha mesma entrada de felicitación e recoñecemento. Con Fina Casalderrey a Literatura Infantil e Xuvenil entra na Academia como o que é, como literatura de pleno dereito. E tamén entra o profesorado cos pés na terra e o corazón vivo. Parabéns!

Vía Blog Bibes Galegas

Fina Casalderrey: Unha Escritora de LIX na RAG

A RAG (Real Academia Galega) acaba de elixir a Fina Casalderrey como académica numeraria. 

Con Fina entra na Academia unha muller (por méritos propios) pero tamén a literatura infantil e xuvenil. Diso vai tratar o seu discurso de entrada,  escoitaremos esas palabras que tratan desta literatura non sempre asumida como LITERATURA (con maiúsculas).

Realmente estamos de noraboa, pois sentímonos moi ben representadas por esta muller que entre outros conta con Premio Nacional de Literatura Infantil e Xuvenil. Unha muller que ademais é mestra (¿acaso se deixa de ser por non ir xa á escola?) e, polo tanto, mediadora do libro. Unha académica de luxo!

Vía Asesoría Bibliotecas Escolares

Presentación da Novela Gráfica "Bóveda"

Hoxe, na Asociación Veciñal de Perlío, tivo lugar a presentación da Novela Gráfica Bóveda, un alegato pacifista contra a inxustiza, con texto de María Xesús Arias, de quen xa tivemos ocasión de falar no Segrel con motivo da presentación da publicación "O Cine na comarca de Ferrol", da que é coautora; e debuxos de Carlos Sardiña magnífico ilustrador a quen coñecemos a través desta novela e non pensamos perderlle a pista, encantounos o seu traballo. 

Esta novela enganchounos dende a súa primeira páxina, pode que tamén axudase o feito de que parte dunha realidade que nos é moi familiar, un rapaz que ten que facer un traballo sobre a figura de Alexandre Bóveda e a súa nai e quen lle bota unha man para facer esa pescuda a través de rede e da información que ela mesma lle facilita. Texto e imaxes métennos de cheo na Galiza de Castelao, de Otero Pedraio, de Ramón Cabanillas, no nacionalismo galego e na guerra civil, e cando rematamos a súa lectura xorde a necesidade de saber máis, de informarnos e de comprobar o actual que hoxe en día está a figura de Alexandre Bóveda, un loitador polas liberdades, un dos grandes do noso país.

Dende O Segrel, os nosos parabéns a Pitusa e a Carlos polo seu magnífico traballo e a todos os que fixeron posible que este proxecto sexa unha realidade.

Velaí tedes algunhas imaxes da sinatura de exemplares trala presentación

Feliz 2013 !!