O pasado martes 14 de Abril, e dentro das actividades desenvolvidas nos Clubs de Lectura do Segrel, o club de lectura de pais e nais celebrou un extraordinario encontro con Francisco Rodríguez o recoñecido escritor, mestre e político, arredor da figura de Rosalía de Castro.
Este encontro xurdiu trala lectura de "A memoria da choiva" de Pedro Feijoo. Na xuntanza do club, algúns dos seus membros preguntábanse canto de certo habería da vida de Rosalía no argumento desta fantástica obra así que decidimos que ninguén mellor, para aclararnos todas as nosas dúbidas, que Francisco Rodríguez, estudoso da súa obra e autor, entre outras, de "Rosalía de Castro, estranxeira na súa patria".
Francisco Rodríguez clarificounos moitos aspectos da vida e da obra de Rosalía. botando fóra tópicos e prexuizos e amosándonos o seu carácter de muller culta, descendente dunha familia fidalga do rural, sen ningún tipo de trauma por ser filla de solteira e de crego, familia que tivo especial cuidado na súa formación. Rosalía estudou francés, música, literatura europea..., e tiña aspiracións para ser independente. Unha imaxe ben diferente da que se proxectou dende as institucións.
Francisco deixou ben claro que so hai que lela para coñecela porque na obra de Rosalía está "todo"...
- "En las orillas del Sar": A Rosalía derrotada, a súa visión de Santiago.
- "Jamás lo olvidaré": Conflitos entre a burguesía e o arzobispado de Santiago.
- "Follas Novas" - "Nin ás escuras", "O encanto da pedra chan": Afectividade sexual, identidade de xénero, travestismo, homosexualidade...
- "Eva": Un poema feminista.
Francisco leunos poemas e algunha das cartas nas que Souto Freire ou Pondal, entre outros, confesan a súa fonda amizade con Rosalía.
E máis, moito máis, todo o que dou unha interesantísima e esclarecedora charla que durou máis de catro horas e que, de non ser que deron as nove da noite, aínda estaríamos de conversa... polo que non descartamos unha nova xuntanza.
Hoxe, e por terceiro ano consecutivo, celébrase en Galicia o Día da Ilustración. A data foi elixida por coincidir co aniversario do nacemento de Castelao unha das máis grandes figuras da nosa cultura. 
Hoxe, como ven sendo habitual cada primeiro trimestre, e dentro das actividades organizadas dende a nosa Biblioteca Escolar, o grupo de 1º ESO visitou a Casa da Cultura de Fene.
Celebrando o mes da Ciencia nas Bibliotecas Escolares cunha pequena exposición de parte dos fondos da nosa biblioteca. 
Dende hai xa
varios cursos, un dos nosos obxectivos é achegar a figura de Xosémaría Pérez Parallé (O Segrel do Penedo) ao alumnado que se incorpora ao noso centro en
1ºESO. Para tal fin, en colaboración co
departamento de galego, organízase un roteiro pola zona nos primeiros meses do
curso, pero nesta ocasión, o inverno mantívonos pechados no centro ata o 19 de
maio, no que amenceu un fermosísimo día primaveral que nos levou a percorrer os
lugares nos que O Segrel pasou a meirande parte da súa vida.
O pasado xoves, 23 de Abril, celebramos o Día do Libro. Foi unha xornada ben completa, pero as celebracións comezaron uns días antes, cando organizamos as exposicións para conmemorar tal día.
O pasado martes 14 de Abril, e dentro das actividades desenvolvidas nos Clubs de Lectura do Segrel, o club de lectura de pais e nais celebrou un extraordinario encontro con Francisco Rodríguez o recoñecido escritor, mestre e político, arredor da figura de Rosalía de Castro.
Hoxe, O Segrel encheuse de poesía, "Poesía por un tubo" que diría o noso admirado Carlos Negro, ou "Poemas susurrados" como nos propuxo hai uns días Gracia Iglesias no seu fantástico obradoiro "Si la vida te da limones... ¡haz poesía!".
A nai da Carla agasallounos cunha enorme caixa chea de tubos pequenos, que a rapazada se encargou de decorar, tamén prepararon os seus carteis de "Susurrador/a de poemas" e xa so quedaba elixir ese poema especial que logo "susurrarían" aos elexidos entre todos os membros da nosa comunidade, aínda que, por iso da vergoña, que a certas idades é moita..., todos os seus elixidos non foron outros que os seus compañeiros e amigos.
Este ano, como xa ven sendo habitual, o alumnado de 1º e 2ºESO participou na iniciativa organizada pola Concellería de Igualdade "Fene lendo mulleres" adicado este ano ás veciñas que contribuíron a escribir a historia de Fene. A lectura levouse a cabo o venres 6 ás 10.30.
O 24 de Febreiro celebramos o Día de Rosalía, pero nesta ocasión a celebración "Lectura de poemas e música" desenvolveuse en dúas xornadas, o martes 24 e o venres 27.
.jpg)
