Estes días os rapaces de 1º e 2º ESO co gallo do día das bibliotecas falaron dos seus libros favoritos. Foi unha experiencia esperanzadora, xa que temos rapaces moi lectores e que len libros moi interesantes. Dende Ana das tellas verdes, pasando por Invisible, un libro de como coidar tortugas, "Destinos perrunos", "Palabras de Caramelo", "Zapatillas rojas" etc...ata o último de J.K. Rowling ou manga. Aprendendo con eles!!
.jpg)
.jpg)
Onte 6 de outubro foi o día da ciencia en galego; mostramos abaixo algúns do amplo repertorio de libros sobre ciencia que temos na biblioteca do Segrel do Penedo:
Estamos a facer a formación cos novos lectores.
Como tódolos anos facemos esta formación necesaria para que sexan autónomos na procura dos libros de lectura que teñen que ler durante o curso.
Aprenden a buscar libros nas diferentes seccións da biblioteca e interpretan a información dos "tejuelos".
.jpg)
Xa temos os carnets para as voluntarias da nosa biblioteca que son de 1º ESO: Valeria e Ángela, de 2º ESO: Sofía e Laura e de 4ª ESO: Helena e Paula. Moitas grazas rapazas!!
Cos rapaces de 1º ESO, no Proxecto Competencial, fixemos un mural coa palabra biblioteca escrita en diferentes linguas.
.jpg)
.jpg)
O xoves 22 de setembro volve o ciclo de charlas de divulgación científica "contandoCIENCIA" organizado pola biblioteca do IES Fene e coa colaboración do Concello de Fene.
A información aparecerá publicada en Fene cidadán, na web do IES Fene e no twitter de @contandoCIENCIA é tamén nos diferentes medios de comunicación.
Se clicades en programa do II ciclo contandoCIENCIA veredes o programa completo.
Este é o cartel das primeiras catro charlas:
Os alumnos de Economía de 4º da ESO, coa súa profesora Carmen González, utilizaron o espazo da biblioteca para realizar diversos traballos multimedia (podcast, vídeos,…) sobre as temáticas de inversións, seguros e banca. Como requisito, tiñan que utilizar, de calquera forma que eles mesmos ideasen, os xornais de “La Voz de Galicia” que se proporcionan ao centro a través do programa “Prensa-Escola”.
Así se fixeron: sombreiros, micrófonos, mostachos, aparatos de TV... que serviron de atrezzo para os diferentes traballos.
Estas son algunhas fotos obtidas ao longo da semana e que amosan os grupos de traballo formados.
Co gallo das letras galegas a biblioteca fai esta actividade que consiste en que o alumno escriba a súa palabra favorita do galego de xeito artistico.
Participaron os rapaces de ESO e BACH nos recreos, e levan una regalíz ao deseñaren a súa palabra favorita e logo participan os mellores deseños no concurso de uns vales para a cafetería do IES.
O salón de actos do IES Fene dende hoxe, 6 de maio, chámase Salón de actos Xaquín Marín.
O mesmo Xaquín descubriu unha placa feita polo ceramista Fenés Pérez Porto.
No salón colocouse un mural feito polos rapaces de 1º e 2º Bach artístico: Aroa, Sabela, Adriana, Antón e Miguel guiados pola súa profesora de debuxo Luisa Parada e todo este acto de inaguración foi organizado pola vicedirectora Begoña Férnandez.
Asistiron ao acto o alcalde, varios concelleiros, profesores e membros do consello escolar.
Na biblioteca fixemos unha exposición de todos os libros de Xaquín Marín.
Foi auténtico honor poder ver escoitar a Xaquín Marín no noso Ies Fene.
Hoxe no IES de Fene vivimos un deses momentos que gardaremos na nosa memoria para sempre. Tivemos o pracer de contar co ilustrador e humorista gráfico, Xaquín Marín, para rendirlle unha humilde homenaxe poñendo o seu nome a un dos salóns de actos do noso centro.
Aprendendo ciencia!!. Organizado pola biblioteca do IES Fene coa colaboración do club de ciencias do centro.
Na semana do 19 ao 25 de abril celebráronse na biblioteca diversas actividades para celebrar o día do libro:
- - Exposición
de libros de “El Quijote”, fixemos unha
escolma dos que tiñamos na biblioteca e tamén pais e alumnos trouxeron da sú
asa algúns exemplares.
- - Fraseando
“EL Quijote”: trazamos un percorrido polos corredores do IES con frases do
libro.
- - “Adóptame”,
adopción de libros expurgados da biblioteca.
- - Obradoiro
de origami nos recreos: os voluntarios da biblioteca explicaron aos rapaces de
1º ESO como, mediante unha sinxela técnica de origami, facer uns sinxelos marcapáxinas
- - Tendal
de portadas favoritas dos alumnos: concurso das portadas dos libros favoritos
dos alumn@s.
- - Concurso
de microrrelatos en castelá, galego, inglés e francés, e os gañadores leron o seu microrrelato o día
25 na biblioteca e expuxéronse no taboleiro do IES.
.jpg)
O día 29 de marzo o
alumnado dos IES Fernando Esquío de Neda, IES Cabo Ortegal de Cariño, CPI do
Feal e IES As Telleiras de Narón, IES Concepción Arenal, Sofía Casanova e
Saturnino Montojo de Ferrol, e o CPI A Xunqueira e o IES Fene de Fene, asistiron no
Pazo da Cultura de Narón á charla “Verdades e trolas sobre as
vacinas e a covid-19” a cargo do pediatra e investigador Federico Martinón-Torres, ourensán e xefe e
coordinador do servizo de Pediatría do Hospital Clínico Universitario de
Santiago. Trala intervención do profesional sanitario, de aproximadamente unha
hora, os estudantes tiveron a oportunidade de realizarlle preguntas.
Esta actividade está organizada pola biblioteca do IES de Fene coa colaboración do Club de Ciencias do mesmo centro xunto coa concellería de Ensino de Narón. A presentación da mesma fixérona dúas alumnas de Bacharelato: Alba Rocha e Sabela López.
O Pazo da Cultura acolle anualmente, a excepción do pasado curso polas restricións da covid-19, unha charla dirixida a alumnado de Ferrolterra e Ortegal sobre temas de divulgación científica na que os relatores buscan a implicación da rapazada, con intervencións dinámicas, para que vexan a importancia do traballo que realizan e espertar as vocacións científicas.
Temos que dar as grazas á concelleira de ensino de Narón Mercedes Taibo e ao Pazo de cultura por permitirnos desenrolar esta fantástica actividade.
Co gallo do Día Internacional das Matemáticas e o Día de Pi o club de ciencias do IES de Fene, Conciencia Fene, organizou un concurso no que a rapazada tiña que escribir décimas (poema de dez versos octasílabos con rima consoante e estrutura abbaaccddc) e cuxa temática estivera relacionada co lema "Matemáticas que nos unen" e o número pi.
Os gañadores, de entre vinte participantes, foron:
1º premio Marcos Bares de 2º ESO A.
2º premio Lucía García de 2º Bacharelato B.
3º premio Sara Lorente de 1º Bacharelato A.
Hoxe, 21 de marzo, Día da Poesía, os tres gañadores leron as súas composicións para os seus compañeiros na biblioteca.
Noraboa aos premiad@s e grazas a tod@s por participar.
Xa está dispoñible a plataforma de préstamo e lectura dixital E-ELBE.2
Pica no enlace para ir á web E-ELBE.2
Como
todos os anos por estas datas estamos a piques de celebrar a Semana da
Prensa. Nesta ocasión será entre o 7 e o 11 de marzo.
Co gallo da citada conmemoración o alumnado de Economía de 1º de bacharelato, coa súa profesora Mª del Carmen Feijoo, estiveron traballando coa prensa na biblioteca. Despois de ler as novas da sección de economía, comentáronas e fixeron observacións das mesmas, sempre en relación a materia dada en clase.
Importante que nestes tempos de sobreinformación o noso alumnado sexa consciente da necesidade de facer análise das novas que chegan e de mostrarse críticos para así evitar a desinformación.
 |
Un novo 25 de novembro, e xa van 40 anos, conmemoramos internacionalmente o día para a eliminación da violencia contra as mulleres. Todo comezou alá por 1981 en memoria das irmás Mirabal, mulleres comprometidas e valentes que combateron contra o rexime dictatorial do xeneral Trujillo na República Dominicana e foron asasinadas o 25 de novembro de 1960.
En España, so este ano, van xa 37 mulleres asasinadas pola violencia machista que deixan ademais 24 menores orfas e orfos. Por enriba, dúas menores pereceron a mans dos seus proxenitores varóns que puxeron fin á vida das súas fillas so para facer dano ás nais.
No IES de Fene, como cada ano, seguimos a reivindicar un NUNCA MÁIS!! para esta violencia absurda. Nesta ocasión foron un grupo de rapazas de 1º e 3º de ESO as que leron un pequeno manifesto e os nomes de todas e cada unha das vítimas.
Para rematar escoitamos o tema de Rozalén "La puerta violeta".
Como xa sabedes, todos os 24 de outubro celébrase o día das bibliotecas. A edición deste ano, baixo o lema "Bibliotecas: leer, aprender, descubrir", céntrase en destacar o papel das bibliotecas de diferente tipoloxía como espazos libres, diversos e abertos para o acceso á cultura e o coñecemento.
E iso é o que fixemos!!
Os venres, nos recreos, xuntámonos para falar de libros e empezamos por "O meu libro favorito" e engadimos... favorito, por agora, porque se xa escoller un libro, ás veces é difícil, moito máis mantelo.
O pasado venres, Laura falounos dun dos seus libros favoritos, polo de agora, Crepúsculo. Non so lle gusta a historia, senón tamén o ambiente, as personaxes e o espazo físico no que transcorre a historia. Seguidora tamén das películas, recoñece que lle gusta moito esta saga e xa está rematando o segundo.
Seguro que ti tamén tes un libro favorito ou acabas de descubrilo!
Animámoste a participar!
Con motivo do Día das Letras Galegas convocouse concurso para o deseño de marcapáxinas, xunto co departamento de Lingua Galega. A temática dos marcapáxinas xirou arredor da figura de Xela Arias, escritora homenxeada este pasado 17 de maio.
Tamén se entregaron os premios aos gañadores da fase interna do Certame Literario Carmela Loureiro, Antón e Roi de 1º de ESO.
Fai click aquí para ver todo o álbum
Noraboa a todos os gañadores!!
.jpg)
.png)
