Blog BellónMaceiras
domingo, 14 de abril de 2013
Bellón-Maceiras "Músicos Solidarios"
Daniel Bellón e Diego Maceiras (ex-alumnos do IES de Fene) dous extraordinarios músicos e, aínda se cabe mellores persoas, que aquí podedes escoitar durante a súa participación no tema Amazing Grace coa orquesta de Músicos Solidarios "Voces para a Paz"
Blog BellónMaceiras
Blog BellónMaceiras
mércores, 10 de abril de 2013
Poesía, Poesía por un Tubo!!
Poesía por un Tubo!! Que diría o noso admirado Carlos Negro, porque o segundo trimestre estivo adicado á poesía, aínda que a celebración do Día da Poesía no Segrel, por mor da Semana Santa, decidimos pospoñelo á volta deste período vacacional.
O mes de marzo, comezou da man de Carlos Negro que pasou con nós o martes día 5. Primeiro foi un obradoiro para a rapazada do Club de lectura de 3º e 4º de ESO e despois as Xornadas de Lectura Literaria organizadas polo CFR de Ferrol. Un bo comenzo, non si?
En 4º de ESO, na materia de inglés, o alumnado traballou nun proxecto sobre "Música e Poesía" que os achegou a poemas de Neruda, Shakespeare, Poe, Oscar Wilde, Yeats, William C. Williams, Jack Prelutsky, Ted Hughes, Langston Hughes, Roald Dahl. Poemas que non só analizaron senón que tamén se encargaron de ilustrar. Unha experiencia extraordinaria que fixo posible que ese primeiro rexeitamento a desenvolver un proxecto arredor da poesía desaparecera completamente segundo ía tomando forma, e como proba aquí tedes o resultado. Estupendo, non si?
Cos proxectos do alumnado de 4º de ESO, o material elaborado polo alumnado de 3º e 4º no obradoiro con Carlos Negro, unha pequena escolma de poemas e caligramas e unha boa selección dos fondos da nosa biblioteca organizamos unha exposición que completamos cunha pequena actividade a desenvolver no "Recuncho da Poesía" onde todos aqueles membros da nosa comunidade que así o desexen poderán intercambiar poemas tanto de creación propia como doutros autores.
Aquí a tedes...
Aquí a tedes...
martes, 9 de abril de 2013
José Luis Sampedro - In Memoriam
"Traballei moito para ser o que son, un aprendiz de min mesmo"
"O diñeiro é o deus desta sociedade capitalista"
"O noso tempo é para min, esencialmente, un tempo de barbarie. E non me refiro so a violencia, senón a unha civilización que ten degradado os valores que integran a súa natureza.
Un valor era a xustiza"
A noticia na prensa:
luns, 8 de abril de 2013
Sara Montiel "Un Fito da súa Época"
Hoxe morreu o último gran mito do cine español, Sara Montiel, a primeira actriz que conseguiu entrar na Meca do Cine, nun tempo onde "abrir portas" era ben complicado, senón mesmo imposible, especialmente sendo muller...
Así recollen os medios a noticia:
El País
Especial El País
El Confidencial
ABS.CBN News
MSN.News
The Hollywood Reporter
The Inquisitr
The News
venres, 5 de abril de 2013
Roteiro Plambe-Ferrolterra (XIV) CEIP Santiago Apóstolo (Franza)
O pasado mércores, 3 de abril, tivo lugar, no CEIP Santiago Apóstolo de Franza, a xuntanza mensual do Plambe-Ferrolterra.Como adoitamos facer, a reunión sempre comeza cun percorrido pola biblioteca.Unha fermosa biblioteca con recunchos acolledores e moreas de detalles preciosos que fan dela un lugar marabilloso que nos achega ao mundo dos libros e a lectura dun xeito ben máxico e que podedes seguir a través do seu blog "A casa de Pulpi".
Despois do paseo, que aproveitamos para as conversas c@s compañeir@s, a orde do día chegou da man de Begoña e de Encarna, das que sobran comentarios porque as dúas son ben coñecidas no mundo das Bibliotecas Escolares polo seu bo facer, quen, nesta ocasión, nos levaron a adentrarnos no Google.Sites e no Pinterest, dúas ferramentas imprescindibles hoxe en día.
E, por suposto, despois do traballo tamén chegou o momento do café e as lambonadas, momento que sempre aproveitamos para entregar ese pequeno agasallo que nos gusta que quede nas bibliotecas como lembranza do noso paso por elas, e nós, tamén levamos o noso recordo, que nesta ocasión era de "produción propia". Encantáronnos os tres, un fermoso "Refraneiro Popular", os "Dereitos do lector" de Pennac e unha utilísima "Guía da Biblioteca".
Parabéns a Carmen e ó equipo da biblioteca polo seu magnífico traballo.
Ata sempre!!
luns, 25 de marzo de 2013
Xornadas Lectura Literaria III - Carlos Negro
O martes 5 de marzo celebráronse no Segrel as III Xornadas de Lectura Literaria organizadas polo CFR de Ferrol. Nesta xornada disfrutamos da presencia de Carlos Negro e de que xeito, solo hai que ver o título deste encontro. "Praceres Intensos, Praceres Escuros. Poesía e Chocolate"!!
Nesta ocasión o pracer foi dobre, xa que Begoña, profe de Tecnoloxía e membro do noso grupo da biblioteca e compañeira de Carlos Negro na Universidade foi a encargada de facer os honores. Un emocionante encontro no que os dous lembran aqueles anos na Universida
A presentaci
Begoña comeza facendo unha pequena reseña biográfica para
finalmente adentrarno
Unha tarde intensa e fermosa na que todos quedamos con gañas
de máis... O tempo, que voa!! Pero sacamos un minutos... para
as signaturas
Clicar na Imaxe para ir ao Álbum fotográfico
sábado, 23 de marzo de 2013
Carlos Negro "De Cero a Cen en Tres Poemas"
Para celebrar o mes da Poesía, para nós, todos os días deberían ser e, de feito o son, o Día da Poesía, tivemos entre nós a Carlos Negro que pasou a tarde do martes 5 de Marzo co alumnado de 3º e 4º de ESO.
A rapazada, convertidos en "Xoves Libro", decidiron presentar a este extraordinario poeta, salvando a súa obra e o fixeron recitando tres dos seus poemas; "Roedores de Caucho", "061" e "Rústico Poema" acompañados por Sarai no teclado e Sergio co violín, un dos instrumentos que, últimamente, estase a converter en imprescindible en calquera das actividades que se desenvolven no Segrel...
Tras a presentación falamos de poesía, do que a poesía é para nós; Carlos leunos femosos poemas, e despois pasamos á práctica, escribimos extraordinarias Greguerías, poemas Dadá cheos de humor, fermosos poemas que falaban dos nosos medos... foi unha tarde ben productiva e moi doce "Un poema é unha onza de chocolate: pequeno, escuro e o máis bo do mundo", así que comimos chocolate...pero que nos soubo a pouco así que esperamos repetir axiña, porque nos quedou por falar do son, un dos elementos importantísimos na poesía. Un bo motivo para repetir este encontro antes de que termino o curso, que hai que rematar este extraordinario obradoiro...
venres, 22 de marzo de 2013
martes, 19 de marzo de 2013
Sempre é Bo Momento para Escoitar e Ler Poesía!!
Non deixedes de visitar os blogues Son de Poetas e Antología de Poemas Musicados de Ángel Puente, onde atoparedes unha extraordinaria selección de poemas musicados.
E, por suposto, disfrutade unha e mil veces da fantástica película de Peter Weir "El club de los poetas muertos"
“Non esquezan que a pesares de todo o que lles digan, as palabras e as ideas poden cambiar o mundo (…) Contareilles un segredo: non lemos e escribimos poesía porque é fermosa. Lemos e escribimos poesía porque pertencemos á raza humana; e a raza humana está chea de paixón. Mediciña, dereito, comercio, inxeñería… son carreiras nobres e necesarias para dignificar a vida humana. Pero a poesía, a beleza, o romanticismo, o amor son cousas que nos manteñen vivos”
venres, 8 de marzo de 2013
xoves, 28 de febreiro de 2013
Xornadas de Lectura Literaria II - Eliacer Cansino
O xoves 28 asistimos, no IES Fernando Esquío de Neda, á segunda sesión das Xornadas de Lectura Literaria e que nesta ocasión nos permitiu disfrutar da presenza do escritor Eliacer Cansino, premio Nacional de Literatura Infantil e Xuvenil con "Unha habitación en Babel".
A presentación correu a cargo de "Abril" alumna de 4º de ESO que fixo un amplo percorrido pola obra do autor.
Eliacer Cansino comezou presentándose como "Un hombre de la galaxia Gutenberg" que sentiu o seu primeiro deslumbramento poético á idade de 13 anos, momento no que descobre a literatura, con esa estampa "Mariposas blancas" da obra "Platero y Yo" de Juan Ramón Jiménez, o primeiro libro que lle falou, "Porque, de vez en cuando, los libros te hablan" e a partir dese momento marabilloso, falounos de poesía, de libros, "El libro es el lugar donde mejor se conserva el espíritu", de educación lectora... de Literatura con maiúsculas, a literatura como eixo da educación sentimental, onde o importante é a "Revelación"
mércores, 27 de febreiro de 2013
martes, 26 de febreiro de 2013
Xornadas de Lectura Literaria I - Emilio Pascual
O pasado xoves comezaron as Xornadas de Lectura Literaria organizadas polo CFR de Ferrol e que baixo o título "Bibliotecas Escolares para Lectores do Século XXI" nos achegan a autores de talla de Emilio Pascual, Eliacer Cansino, Carlos Negro e Paula Carballeira e que se desenvolverán en distintas Bibliotecas Escolares da Comarca.
O xoves 21 reunímonos na Biblioteca do CEIP Couceiro Freijomil de Pontedeume para disfrutar do encontro con Emilio Pascual. A súa charla levaba por título "Biblotecas, reservas para el invierno del espíritu" e comezou falando da Biblioteca de Alexandría e chegou ata as bibliotecas do século XXI sen esquecer aquela pequena biblioteca escolar dunha escola de maio do 58, "dez anos antes do maio revolucionario", donde unha mestra inesquecible, despois de ter rematados os deberes e ante a pregunta do pequeno Emilio "Y ahora qué hago? ela contestou "Coge un libro y ponte a leer" e vaia que se leeu...
Durante esa tarde máxica, Emilio Pascual falounos de Bibliotecas:
- "A Biblioteca Escolar é un ámbito privilexiado para o asombro"
- "Un novo modo de Biblioteca esixe un novo modo de Educación"
- "As Bibliotecas son oasis de resistencia"
- "As Biblotecas son os graneiros do espírito"
De Lectura e de Libros:
- "O libro como concepto está por enriba do soporte"
- "Os clásicos son as raíces da nosa cultura"
- "Debemos ler os clásicos porque permanecen influíndo no imaxinario colectivo" (Plinio)
E, como non, falamos de libros, dos seus "Días de Reyes Magos", "El fantasma anidó bajo el alero", "Apócrifos del libro", de outros autores como "La noche en la que Franikenstein leyó el Quijote" de Santiago Posteguillo, "Los cuadernos de Malte Laurids Brigge" de Rilke, e do último libro que está a ler "El espíritu áspero" de Gonzalo Hidalgo Bayal que nos recomendou encarecidamente.
Todo un placer poder disfrutar da súa palabra, e mentres a tarde transcurría, non podíamos deixar de pensar no noso alumnado, canto tería disfrutado coa súa charla! Algo teremos que facer para que este pequeno soño se faga realidade...
domingo, 24 de febreiro de 2013
24 de Febreiro: Día de Rosalía
Alumnado de 3º e 4º de ESO, e 1º de Bacharelato ao longo dos dous recreos da mañá, ás 10.00 e ás 12.00, recitaron os poemas "Follas Novas" e "Cantares Gallegos" acompañados ao violín por Sergio Malvar, alumno de 3º de ESO.
Nesta celebración estivemos acompañados, durante a primeira lectura, por Sonia Iglesias, a Bibliotecaria Municipal, e Almudena Marcos, directora do Museo do Humor, e durante a segunda pola Concelleira de Cultura, Juana Barro. O noso agradecemento ás tres e a todos os que fixeron posible esta fermosa xornada poética.
Unha celebración que estivo moi presente nos centros públicos do Concello de Fene.
A noticia na prensa
Unha celebración que estivo moi presente nos centros públicos do Concello de Fene.
A noticia na prensa
sábado, 23 de febreiro de 2013
Bookcrossing en Fene
A Biblioteca Pública Municipal “Xosé María Pérez Parallé” comezou a celebración do Día de Rosalía poñendo en práctica a iniciativa do Bookcrossing e o IES de Fene foi un dos lugares elixidos para liberar catro títulos de literatura xuvenil: "Mareas Negras" de Rafael Lema Mouzo, "As cousas claras" de Xosé Neira Cruz, "Do outro lado do espello" de Jordi Sierra i Fabra e "Vestio" de Xosé Miranda.
Cada un dos títulos leva un pequeno apuntamento do que é o Bookcrossing, a súa historia, así como a explicación do que se debe facer con estes "Libros Libres"
A entrega dos exemplares a fixeron Sonia Iglesias (Bibliotecaria Municipal) e Almudena Marcos (Directora do Museo do Humor) o venres 22, durante a celebración do Día de Rosalía.
Esta iniciativa supón unha máis das colaboracións que entre a Biblioteca Municipal, o Museo do Humor e "O Segrel do Penedo", a Biblioteca Escolar do IES de Fene, estamos a levar a cabo nestes últimos anos. A verdade é que para nós e un verdadeiro placer traballar con estas dúas magníficas profesionais ás que dende aquí queremos facer chegar os nosos parabéns polo seu bo facer.
venres, 22 de febreiro de 2013
luns, 18 de febreiro de 2013
Aprende a Buscar na Rede
Para reforzar o traballo que vimos desenvolvendo na aula na nosa tarefa cotiá, en canto á busca de información na rede de xeito eficiente, velaí tedes un extraordinario documento (que podemos imprimir ao remate da presentación) realizado en colaboración por dúas das bibliotecas escolares de centros públicos galegos punteiras dentro e fóra do noso país.
Os nosos parabéns a Charo (IES Sánchez Cantón de Pontevedra) e a Olga (CEIP Milladoiro de Malpica) artífices deste magnífico exemplo de traballo colaborativo.
xoves, 14 de febreiro de 2013
luns, 11 de febreiro de 2013
El viento comenzó a mecer la hierba
.jpg)
No día de hoxe, moi especial para nós, queremos facernos un agasallo, tamén ben especial, e compartilo con tod@s vós. Estámonos a referir a "El viento comenzó a mecer la hierba" un fermosísimo libro de poemas de Emily Dickinson marabillosamente ilustrado por Kike de la Rubia, e ao que todos, amantes ou non deste xénero literario, deberíamos dedicarlle un tempo porque, como dicía Gabriel Celaya, "La poesía es un arma cargada de futuro" e tal e como están as cousas... non deberíamos perder a esperanza nun futuro mellor.
El agua se aprende por la sed;
la tierra, por los océanos atravesados;
el éxtasis, por la agonía.
La paz se revela por las batallas;
el amor, por el recuerdo de los que se fueron;
los pájaros, por la nieve
mércores, 6 de febreiro de 2013
Proxecto Fahrenheit 451 "As Persoas Libro"
Hoxe recibimos no Segrel a Antonio Rodríguez Menéndez o artífice do "Proxecto Fahrenheit 451 (As persoas libro)" Pola mañá celebramos o encontro con parte da rapazada dos clubes de lectura - a folga mermou o número de asistentes á metade - Antonio presentounos o Proxecto e falounos da "Palabra Vinculada" que implica un cambio de actitude ante a lectura. Explicounos a importancia da respiración e da mirada, que dan existencia ao outro, da importancia dos silenzos, de que non debemos esquecer o noso corpo, unha ferramenta fundamental, e por suposto falounos das "Palabras de Chocolate Fundido"...
Pola tarde o encontro ía dirixido ao grupo de profes encargados da biblioteca. Souponos a pouco, quedamos con ganas de seguir afondando nesta experiencia lectora á que todos nos sentimos xa "vinculados"
Antonio enganchounos a mozos e grandes, é a súa paixón polo que fai e no que cre firmemente e o seu xeito de transmitilo. Nos sentimos parte desta fermosa iniciativa e desta experiencia tan enriquecedora xurdiu o compromiso de poñela en práctica todos os
días nos tres primeiros minutos da clase. Estamos moi motivados,
así que empezaremos mañá mesmo, veremos que tal nos vai!!
Álbum fotográfico da Xornada
Álbum fotográfico da Xornada
venres, 1 de febreiro de 2013
Roteiro Plambe-Ferrolterra (XIII) CEIP José Mª Lage
O pasado mércores, 30 de xaneiro, tivo lugar no CEIP José Mª Lage de Ortigueira, a primeira reunión do Plambe-Ferrolterra do 2013.
Chegamos nunha terrible tarde de tormenta que grazas á calorciña coa que nos recibiu Bea, non podía faltar unha "hippy" no día da Paz, tornouse nunha fantástica tarde Plambeira. O primeiro que fixemos, como é habitual, foi un completo percorrido pola súa fantástica biblioteca chea de ratos lectores. Canto nos gustou a súa CDU nun fermoso baobá, as pombas da Paz, o libro do medo, o Don Quijote, o libro colaborativo, os contos da cestiña, os libros do mundo... e tantos e tantos detalles que fan desta unha biblioteca máxica.
Despois do paseo chegou o traballo. Nesta xuntanza disfrutamos coas fantásticas experiencias levadas a cabo no CEIP Couceiro Freijomil "A prensa na escola" e no CEIP de Andrade "As cores de Galicia". Canto e que ben se traballa nas Bibes Escolares Galegas!
Tras o traballo chegaron o café e as lambonadas, e un pequeno agasallo que sempre deixamos como lembranza do noso paso polas bibes de Ferrolterra, nesta ocasión o fermosísimo álbum de Benjamin Lacombe "El Herbario de las Hadas". Que o disfrutedes tanto como nós na vosa compaña!!
Subscribirse a:
Publicacións (Atom)
.png)
.jpg)
