25N: Contra a Violencia de Xénero (I)

Tod@s Contra a Violencia de Xénero

Comezamos cun magnífico traballo, cheo de arte e sensibilidade, que nos achegan @s amig@s de Mesturas.

Nen@s e Xoves do Mundo II (Nepal)

El niño yuntero

Carne de yugo ha nacido
más humillado que bello,
con el cuello perseguido
por el yugo para el cuello.

Nace, como la herramienta,
a los golpes destinado,
de una tierra decontenta
y un insatisfecho arado.

Entre estiércol puro y vivo
de vacas, trae a la vida
un alma color de olivo
vieja ya y encallecida.

Empieza a vivir, y empieza
a morir de punta a punta
levantando la corteza
de su madre con la yunta.

Empieza a sentir, y siente
la vida como una guerra,
y a dar fatigosamente
en los huesos de la tierra.

Miguel Hernández

Lendas
Cuentos y Leyendas de Nepal
Lenda do lago Pegua (Vídeo)

Nen@s e Xoves do Mundo I (Tibet)

Curros, Neno

O vento era segrel na Pedramoa

e na Coutada envolta en rechouchíos

ían mociñas loiras con pandeiros

nun remexer de risas e donaires.

En Celanova había un neno triste

con cárceres durmindo longas noites

e vagos sons de bronces nos abrentes

de torres sulagadas coma estrelas.

Era un meniño nado para lóstrego,

doído de soidá, lévedas mágoas

dun derradeiro amor que nin xiquera

fora casulo ou ar de volvoreda.

En Celanova había un neno triste

cun fondo río de orfandá no peito.

Dime, Señor, que voces temerosas

se pousaron na cume dos seus soños,

cativo Prometeo sin consolo

decote á pedra de volcán atado?

Que escuridá sin nome, buitre cego

mordéu a súa ialma, espello limpo,

pomba sin fel voando sobre a lama

en busca de quentura e de surrisas?

Pomo, Señor, á túa man direita,

pois era un neno triste e non xogaba,

nin tiña máis ledicia que o balbordo

de unhas campás ó alborexar o día.

Celso Emilio Ferreiro

Comezamos este percorrido, no que queremos achegarvos nenos e xoves do mundo, polo Tibet. Un pais marabilloso que xunto á sua xente tennos roubado o corazón.

Se queredes ler sobre o Tibet:
Gonzalo Moure: "Un loto na neve"
Tina Blanco: "Los cien ojos del pavo real"
Jaureguizar: "Plastilina nos pulmóns"
Margaret D. Williamson: "Memorias de la esposa de un diplomático en el Tibet"
Ramiro Calle: "Antología de cuentos de India y Tibet"
Josep Francesc Delgado: "Nima, el sherpa de la Namche";"Sagarmatha"
Patxi Zubizarreta: "El maravilloso viaje de Xia Tenzin"
Palden Gyatso: "Fuego bajo la nieve"
Heinrich Harrer: "Los años perdidos de Sherlok Holmes"
Javier Moro: "Las montañas de Buda"
Hergé: "Tintín en el Tibet"

Suxestións de lectura que nos chegan da man d@s amig@s de Bibliotecasescolares, Mesturas, Bemilladoiro, Arslegendi, Bibliofv, IES Chano Piñeiro, Cecilia Martín e Carmen Pardo.

Grazas por compartir!!

20 Aniversario da Convención dos Dereitos d@s Nen@s

Hoxe, 20 de novembro, celébrase o 20 aniversario da Convención do Dereitos dos Nenos e Nenas.

Esta Convención é un tratado das Nacións Unidas que recolle en 54 artigos todos os dereitos -civís, culturais, económicos, políticos e sociais- dos menores de 18 anos.

Os gobernos, aceptando os principios desta Convención, comprométense a protexer os dereitos de nenos, nenas e xoves.

Pero hoxe, 20 anos despois desa Convención, os datos dinnos que eses dereitos non están a ser respectados:

• 126 millóns de nenos e nenas están a ser explotados laboralmente no mundo.

• 250.000 nenos e nenas reclutados para as guerras en distintos países do mundo.

• 1 de cada 12 nenos morre antes dos 5 anos.

Que están a facer os gobernos para que estes dereitos sexan respectados e protexidos?

Que estamos a facer nós para que isto sexa así?

Build your own custom video playlist at embedr.com

Para ver, ler e saber máis...
Os Dereitos d@s Nen@s
Educared

A Convención
Unicef

Lecturas
O Meu Libro dos Dereitos
Mafalda Reivindica Os Dereitos dos Nenos

El País Semanal - Reportaxe
"Nuestro Pequeño Mundo"

Imaxes
Fotogalería El País
The Rights of the Child - Unicef (1)
The Rights of the Child - Unicef (2)

Xogos
Unicef

O Poder da Imaxinación

Atopamos vía Trafegando esta marabillosa fantasía que nos fala do imenso poder da imaxinación.

Un pequeno agasallo para alguen moi especial con quen compartimos marabillosos momentos de lectura cheos de tenrura e moitísima imaxinación.

"¿Que é a nosa imaxinación comparada coa dun neno que intenta facer un ferrocarril con espárragos?"

Jules Renard

Novos Soportes de Lectura, Novas Sensacións...

Achégovos vía o Twitter da FGSR unha interesante reportaxe emitida por Informe Semanal sobre o libro electrónico.

Pero se despois de escoitar estas opinións non estades aínda moi convencidos, velaí van as "sensacións" de quen é o noso "profe web 2.0"

"[...] hablando de sensaciones. Descubro algunas que no sospechaba que pudiera experimentar. Como cuando utilizo la opción de la pantalla táctil para pasar las páginas. Deslizas suavemente las yemas de los dedos sobre el texto y se convierte casi en una caricia a lo que estás leyendo... es una sensación agradable, que provoca mucha continuidad en la lectura. Estoy seguro que a nada que nos acostumbremos, el pasar las páginas de forma física nos parecerá como emerger a la superficie para tomar aire y tener que volver a sumergirse para bucear en el texto..."

Quédavos algunha dúbida despois deste comentario...? A nós non.

Biblioteca de Libros Fantásticos

Esta mañá, na Casa da Cultura de Fene, e tras a visita á Biblioteca Municipal, poidemos disfrutar da extraordinaria exposición "Biblioteca de Libros Fantásticos" obra de Carmen Domech escritora e membro da compañía Títeres Cachirulo.

Unha exposición na que máis de 50 libros transfórmanse nunhas marabillosas historias que nos adentran no fantástico mundo da imaxinación, un mundo onde todo é posible.

Durante o noso percorrido puidemos coñecer a "O Señor X, quen perdeu a memoria e espera pescar unha boa historia para facela súa" -a historia favorita de Javi-, aprendimos a "receita básica do relato" e admiramos o "libro esgotado" e uns fermosos beizos que pedían ser bicados. Encantárononnos o "libro da acupuntura" -somos adictos...- e unha "réplica exacta da maceira das palabras" ante a que se retrataron un grupo de mozas. Déronnos arrepíos cando escoitamos o berro do "libro que pedía xustiza" e cando comprobamos que "sempre hai quen impón a súa vontade". Coñecemos "un dos libros máis sacados en préstamo", un bo feixe de "lectores atrapados polo libro" e un sinfín máis de fermosísimas historias.

Unha exposición que non debedes deixar de visitar se quederedes disfrutar dunha extraordinaria obra plástica chea de imaxinación e sensibilidade.

A Formación de Usuari@s na Biblioteca Municipal

Durante o primeiro trimestre, e como ven sendo habitual dende hai xa varios cursos, en O Segrel organizamos a Formación de Usuari@s destinada ao alumnado de 1º de ESO. Ás actividades desenvolvidas no centro súmanse as que se realizan na Biblioteca Municipal e que Sonia, a bibliotecaria, se encarga de organizar.

Este curso tivemos unha fermosísima sorpresa, nesta ocasión fomos recibidos por Fátima Fernández unha fantástica contacontos que fixo as delicias de mozos e profes.

Fátima falounos das súas lembranzas de nena nunha aldea preto de Foz, contounos a historia da Tía Miseria e a do tío Nesto e os calzóns do domingo. Canto rimos e como disfrutamos con este marabilloso achegamento á tradición oral, mesmo houbo quen botou un baile con Fátima...

Grazas Sonia polo agasallo.

Un Máxico Pop-Up

Onte, unha ex-alumna coñecedora dunha das nosas paixóns, achegounos este marabilloso pop-up obra da deseñadora e ilustradora Kate Davis e música de Bim.

A fermosa viaxe dunha moza a través dese máxico pop-up na busca do seu amor perdido

Ata Cando o Resto dos Muros?

Hoxe, na nosa clase con 2º de Bacharelato, conmemoramos a caída do muro de Berlín analizando varios dos temas do álbum "The Wall". Cando celebraremos a caída de tantos outros muros que seguén dividindo pobos, clara mostra da sinrazón humana? Cando deixaremos de construir "muros" entre nós?

Esa é a mensaxe que Pink Floyd quixo transmitir co concerto "The Wall" que organizou en Berlín oito meses despois da caída do muro da vergoña. Un concerto que foi retransmitido a todo o mundo e ao que asistiron preto de 350.000 persoas e no que Pink Floyd estivo acompañado por artistas como Bryam Adams, Sinead O'Connor, Sindie Lauper, Van Morrison...

A versión cinematográfica de The Wall (1982) foi dirixida por Alan Parker e protagonizada por Bob Geldof

Build your own custom video playlist at embedr.com

A Caída do Muro 20 Anos Despois

O 9 de novembro de 1989, 28 anos despois da súa construción, caeu o muro de Berlín. De xeito pacífico, sen derramamentos de sangue comezou a reunificación de Alemaña. O 3 de outubro de 1990 celebrouse o día da unidade alemana, un verdadeiro triunfo da liberdade.

Crédito da imaxe vía Flickrcc

Derrubando o muro (Fotos El País)

O MURO

Created with Admarket's flickrSLiDR.

Para ver, escoitar e saber máis:
Muro de Berlin: Auge y caida (The History Channel)

Berlin 1989 (El Mundo)
A caída do Muro de Berlín

Muro de Berlín hoxe e onte
Así caeu o muro (English 1 - 2 - 3 - 4 )

Música: Pink Floyd
The Wall
Good Bye Blue Sky
Waiting for the worms
The trial
Comfortably Numb
Mother

"Argine" e o Placer da Lectura

A nosa amiga "A pescadora de Historias" achéganos a curta "Argine" da francesa Julia Simeón. Unha fermosa historia que afonda no placer da lectura e o marabilloso mundo dos soños, da imaxinación...


Apagade a luz, prendede o son e deixádevos levar por eses campos de papoulas...

Premonición

Din que as premonicións existen. Non sei. Ao mellor é só unha aparencia. Vexamos un caso concreto: se ides a Puerto de Vega atoparedes esta interesante placa en recordo de Jovellanos:

O primeiro que chama a atención é o moi recordado que era o defunto. Que maneira de redactar! Aínda así, quedáronse cortos porque tamén se chamaba Baltasar.

Agora fixádevos nas datas: morre o 27 de novembro de 1811 e a placa “a la buena memoria de este esclarecido asturiano” é do VI de agosto de MDCCCI... Que dicides a isto?

Presentación de "Sol de Inverno"

Onte, BlogFesquío e O Segrel, xunto cun bo número de lectores e lectoras, asistimos á presentación de Sol de inverno de Rosa Aneiros na Galería Sargadelos de Ferrol. Unha presentación na que a autora estaba acompañada por Manuel Bragado, director de xerais, que falou de Rosa Aneiros como "unha escritora excelente" e de Sol de Inverno como "a mellor obra de todos os premios xerais". Con eles, unha das cinco persoas escolleitas pola editorial entre lectores e lectoras para formar o xurado do premio e a quen a autora lle pediu que fixera a presentación.

Unha presentación na que, baixo a forma dunha entrevista, Rosa falou das personaxes da súa novela, das que confesou que "todas teñen algo do que aprendín", de Ludivina dixo ser "pola que sentía debilidade", de Inverno "a quen nunca deixei ser feliz porque non me cadraba" , falounos da súa permanente construción da derrotada, da súa historia de perdas e prequenas vitorias que se nega a ver. Falou tamén da recreación do espazo, da importancia da memoria e da identidade, de xogos, trampas... "Toda realidade é un xogo, un xogo de palabras que acaba cadrando", para rematar afirmando que para ela "a literatura é xogar coas túas propias espectativas, pero sobre todo coas dos lectores"

Ao remate, e cando nos acercamos para que nos asinara o noso exemplar de Sol de inverno, non puidemos deixar de confesarlle que disfrutabamos coa lectura dos seus libros, pero que nos encantaba escoitala dende aquela primeira ocasión nas pasadas Xornadas de Clubs de Lectura.

E como non podía ser menos, xa organizamos un encontro cos membros dos clubs de lectura do Fernando Esquío e do Segrel con esta fantástica escritora de Ferrolterra para a vindeira primaveira na Casa da Cultura de Neda.

O Club de Lectura do Segrel no Tibet

O pasado luns celebramos a segunda reunión do club de lectura de rapaces e rapazas de ESO, e aínda que con algunha ausencia por mor dun autobús que non pasou pola parada... a xornada dou ben de si.

Hai quince días, na primeira xornada do club, decidimos que o primeiro libro que leríamos este curso sería "Un loto na neve" de Gonzalo Moure un fermosísimo libro que nos levou ata o Tibet!

Se ben esa viaxe non a realizamos físicamente, o noso espíritu sobrevoou o Monte Everest e soubemos do chamado mal de altura, visitamos Lhasa, subimos ao Potala, escoitamos as fermosas cancións dos traballadores e traballadoras durante a súa longa xornada laboral. Coñecemos aos monxes do Mosteiro de Drepung, vimos rezar aos fieis ante o Templo de Jokhang e contemplamos os seus cilindros de oración, algúns deles tan grandes que hai que rodealos. Os hai feitos dos máis diversos materiais e nós temos un de oso de yak, un animal moi apreciado neste país.

Coñecemos algunhas das tradicións do pobo tibetán, comprobamos que fan a sega como na Galiza de non hai tantos anos, vimos mulleres fiando, entramos na imprenta dun mosteiro, admiramos os seus libros de oracións e falamos de Mantras, Thangkas, Mandalas...

E que dicir da súa música! Aprendemos a tocar un cuenco tibetán e escoitamos unha marabillosa canción típica cantada por un rapaz cunha fermosísima voz.

E xa para rematar aprendemos a poñernos un sari, o noso non é vermello porque eses son para as mulleres casadas e nós aínda somo moi novos... Non diredes que mentimos cando vos dixemos que a tarde dera ben de si, no? Pois isto aínda non rematou, na próxima xuntanza seguiremos falando do Tibet, un pobo marabilloso que nos ten roubado o corazón.

Xornadas de Bibliotecas Escolares 09

Este fin de semana celebráronse en Santiago de Compostela as Xornadas de Bibliotecas Escolares baixo o lema "Novas lecturas, novos lectores" inauguradas polo Conselleiro de Educación que estivo acompañado polo Director Xeral de Educación e o Director Xeral de Centros.

Unha cita obligada, dende hai xa tres anos, para centos de docentes de toda Galicia -este ano 1.200- aos que nos une un mesmo obxectivo común, poñer en valor as nosas bibliotecas escolares e convertilas nun recurso educativo imprescindible na nosa labor docente.

A organización inmellorable e o programa magnífico:
O venres a conferencia inaugural correu a cargo de Daniel Cassany "Como axudar a aprender a ler aos nativos dixitais" a quen seguiu Luis Iza Dorronsoro que nos falou do "Plan lector de centro".

O sábado comezamos con quen para moitos de nós foi o gran descubrimento destas xornadas, Guadalupe Jover, profesora de lingua e literatura castelá do IES Infanta Elena de Galapagar (Madrid) que tratou o tema "Escola e literatura: A educación do Imaxinario".

Guadalupe comezou a súa conferencia facéndonos unha confesión "las comunidades en las que no se ha apostado por las bibliotecas escolares como en Galicia os miramos con envidia y profunda esperanza" e a partir desa declaración de principios falounos do sentido da lectura, de educación literaria, do lugar que ocupa a literatura na escola do século XXI, de libros que forman lectores e recomendounos tres que dixo non deberíamos deixar de ler:
Michèlle Petit: "El arte de la lectura en tiempos de crisis"
Aidan Chambers: "El ambiente de la lectura"
Tzvetan Todorov: "La literatura en peligro"
Aos que nós engadimos o libro de Guadalupe "Un mundo por leer".

Tras a pausa do café chegou a mesa de experiencias onde varias compañeiras doutros centros falaron do seu Plan Lector de Centro, da súa experiencia cos Clubs de lectura -Fantástica a experiencia do Club de lectura de primaria presentada por Cova do CEIP Brea Segade de Taragoña - e a posta en práctica da chamada "Hora de Ler" - Interesantísima a experiencia do IES Río Miño de Rábade

E despois do xantar tivemos entre nós a Tiscar Lara, un placer poder ver en directo a quen hai tanto que seguimos na rede. O título da súa conferencia "Alfabetizar na cultura dixital".

O remate das xornadas correu a cargo de Glória Durban coa conferencia "A biblioteca escolar, un recurso educativo útil: o desenvolvemento de entornos presencias de aprendizaxe e lectura". A súa páxina "La dinamización de la Biblioteca Escolar" é ben coñecida e utilizada polos docentes que están ao fronte das nosas bibliotecas escolares.

Pero non hai xornadas que non rematen cunha gran sorpresa, e nesta ocasión chegou da man do actor, autor e director galego Carlos Blanco que nos ofreceu un magnífico fin de festa. (Xa en Radio Barullo a través do Canal YouTube de O Segrel)

Parabéns a Cristina Novoa e Pilar Sampedro que ano tras ano fan gala do seu bo facer.

Todos os materiais das Xornadas están dispoñibles na plataforma Moodle da Rede de Bibliotecas Escolares.

Pero para moitos de nós, estas Xornadas tiveron un agasallo especial, polo inesperado. Entre os asistentes atopámonos con Rosa Piquín, pioneira no Traballo por Proxectos gran amiga das Bibes Galegas a quen seguimos e admiramos.

Día da Biblioteca Escolar

Hoxe, 24 de outubro celebramos o Día da Biblioteca Escolar dun xeito ben festivo. Estivemos nas Xornadas de Bibliotecas Escolares que durante estes dous últimos días celebráronse en Santiago de Compostela baixo o lema "Novas Lecturas, Novos Lectores". Mañá teredes a crónica en O Segrel.

Este ano, o cartel que conmemora esta data foi deseñado por Miguelanxo Prado (A Coruña 1958) un dos nosos autores de BD máis recoñecido a nivel internacional.

Build your own custom video playlist at embedr.com

Fetiche

Entre a sorpresa e a nostalxia, Josefita Barallobre atopou a historia dun namorado que gardaba obxectos da súa amada. Recordáballe a aquel noivo habanero que lle cantaba...

Creando Historias con Anxo Fariña

O pasado venres tivemos o pracer de asistir ao encontro do alumnado de 1º e 2º de ESO con Anxo Fariña coñecido e recoñecido ilustrador, escritor -e non sei cantas cousas máis- galego. Un verdadeiro artista que engaiolou a mozos e non tan mozos.

Comentounos que lle gusta contar historias de todo tipo, para lectores de todas as idades. Que experimenta con cores, estilos, técnicas e que traballa tanto con sistemas tradicionais como con sistemas dixitais. E logo de darnos unhas cantas pistas fomos quen de crear as nosas propias historias, microrrelatos que nun momento provocaron algunhas risas.

Contounos como xurdiron as historias dos Megatoxos. Historias ambientadas na Idade Media, porque segundo nos confesou gústalle a historia e tamén debuxar espadas, e falounos dos Templarios, de Mosteiros, das marcas de canteiro, de gárgolas -un personaxe que non tiña pensado que aparecera no libro pero que xurde despois de tanto visitar estes lugares- e dos personaxes, aos que lles presta especial atención porque para el son o elemento principal da historia. Ensinounos o seu "Moleskine" e puidemos ver bocetos dalgúns deles. Para crealos inspírase na moda, na xente, leva a realidade ao papel. Para el, "un libro é algo vivo que evoluciona segundo o vas escribindo"

Antes de rematar quixo deixar ben claro a importancia do esforzo "ás veces, para facer o que nos gusta temos que facer algo que non nos gusta", "para facer unha cousa ben temos que practicar. Non nos vai sair á primeira"

Adiantounos que está a piques de sair publicado o terceiro libro dos Megatoxos que está ambientado na época da Revolución Industrial e comeza nunha viaxe, unha das súas paixóns "Para min viaxar é unha forma de liberar a mente"

Ante a pregunta dun rapaz que quería saber se lle gustaría facer unha peli dos Megatoxos a Anxo abríronselle os ollos dúas cuartas e soltou un "home claro!" cheo de ledicia, e cando lembra a idea dun amigo de facer un videoxogo non pode reprimir un eufórico "vamos, eu toleaba cun videoxogo, con esas cousas se tolea!"

E falando de cine pedímoslle que nos recomendara algunha película e dounos tres títulos ben diferentes das últimas que tiña visto:

UP: "Unha película de animación -porque me ven do gremio- Pero é unha película estupenda que ten moitas lecturas e moitas dobles lecturas"

Distrito nueve: "Porque aínda que teóricamente é unha película de extraterrestres, en realidade non trata diso. Trata da marxinación, de como somos os seres humanos. Unha película que tamén ten varias lecturas".

Ágora: "Película histórica do cine español que conta a historia de Hipatia e trata o tema da astronomía que a min me gusta moito"

E logo destas recomendacións insistiunos en que visitáramos o blog dos Megatoxos onde pronto poderemos descargar un capítulo da terceira entrega, para ir abrindo boca. Animounos a que lle escribíramos asegurándonos que, aínda que polo moito traballo ás veces tarda un pouco, el sempre contesta. Así que a partir de agora seguirémolo na blogosfera.

Grazas Anxo por facer deste encontro unha experiencia moi motivadora e por deixarnos os debuxos de Ruxe que colocaremos nun lugar especial en "O Segrel do Penedo"

Axiña en Radio Barullo dende o Canal You Tube de O Segrel

Xuntos contra a Pobreza

"Xuntos contra a Pobreza" é o lema deste ano no Día Internacional para a erradicación da Pobreza.

O 17 de outubro foi declarado pola ONU no ano 1993, como o Día Internacional para a erradicación da Pobreza co obxectivo de promover unha maior concienciación sobre as necesidades de acabar c0a pobreza no mundo.

No ano 2000, 189 xefes de estado comprometéronse a cumplir os chamados Obxectivos do Milenio entre os que está o de reducir á metade o número de persoas que pasan fame no mundo. Hoxe, nove anos despois, e a tan só seis de chegar á data límite para acadalos (2015) podemos comprobar que esta promesa, como tantas outras, está ben lonxe de cumplirse.

Pero estes obxectivos non son só unha tarefa dos gobernos, todos e todas nós podemos e debemos traballar para conseguilos. Cada un de nós, dentro das súas posibilidades, debería actuar de xeito responsable, debería velos como parte dos seus "Obxectivos de Vida". Rebélate contra a Pobreza!

Xornalistas e ONGs propoñen Sete Claves para comezar a loitar contra da pobreza.

IntermonOxfam achéganos as súas Propostas de Traballo na Aula

Manos Unidas

Ayuda en Acción

Fundación Ciudadanía

Médicos sin fronteras preséntanos o xogo "Y comieron felices"

Otro Mundo es posible danos a súa "Receta para pasar hambre"

Amnistía Internacional

O mundo da cultura, do cine, da música... únese tamén neste mesmo obxectivo común:

XUNTOS CONTRA A POBREZA!!

NÓS SOMOS A PRIMEIRA XERACIÓN QUE

PODEMOS ACABAR COA POBREZA EXTREMA!!

A QUE ESTAMOS A ESPERAR??

Build your own custom video playlist at embedr.com

Non vos perdades o Making Off de "El grito de mi generación"(vídeo 2), fermosísimo exemplo de traballo en equipo, do positivo de sumar, de aunar esforzos en prol dun obxectivo común.

Vinganza

A principios dos anos 70, James Lovelock, escritor e prestixioso investigador que chegou a traballar para a NASA, fixo pública a hipótese Gaia. É unha visión de como funciona o planeta. Ao parecer, os seres vivos serían capaces de controlar as condicións que permiten a vida. A pesar do interese que suscita esta idea nos ambientes New Age, estamos a falar dun enunciado científico que desde un primeiro momento descarta a posibilidade de que ese control se faga dunha maneira consciente. Estaríamos máis ben a falar dun mecanismo que se autoregula a escala planetaria.

Ata aquí todo ben. Pero unha posible conclusión desta hipótese é que se unha especie é prexudicial para o resto, o planeta podería eliminala. Aí entra o ser humano: de todos é sabido que nos estamos cargando o mundo.

Pois ben, estou en condicións de aportar imaxes que demostran que o resto dos habitantes da Terra veñen a por nós, sen cortarse un pelo nin cos mandatarios internacionais.

A ver como explicades isto:

Que probabilidades hai de que, logo de espantar unha mosca, se che pouse na man e sexas capaz de matala? Que estaba a facer a mosca para non darlle tempo a escapar?

E que me dicides do da semana pasada en Praga, nun ambiente superpulcro e refinado?

E a vós non vos picou ningún bicho este verán?

O Premio é chegar!

Comezamos o curso cunha charla a cargo de Edgar Vigo e Fátima Ameneiro, antigos alumnos do instituto, e membros do primeiro equipo galego mixto que participou no Mongol Rally Solidario dende o 17 de xullo ata o 24 de agosto, data na que fixeron entrega da axuda á Christina Noble Children's Foundation. Unha experiencia que os levou a cruzar toda Europa e que según as súas propias palabras será imposible de esquecer .

Na súa magnífica e por momentos emocionantísima exposición deixáronnos ben claro que neste rally tan especial, "o premio era chegar" e que tras esta durisima experiencia - física e psicolóxica- non só polos moitos kilómetros que tiveron que percorrer ata acadar a súa meta, "Entregar axuda en Mongolia" senón por todas as persoas que coñeceron e coas que compartiron esta marabillosa vivencia, a súa orden de prioridades mudou completamente.

Durante a súa visita, unha das principais ideas que quixeron transmitirlle ao noso alumnado foi que dende Fene, dende o noso pequeno pobo, podemos facer calquera cousa que queiramos, só temos que propoñérnolo e traballar para acadar a nosa meta, que con esforzo os nosos soños se poden facer realidade.

Moitas grazas Fátima e Edgar, foi un verdadeiro pracer escoitarvos.



Se queredes coñecer todos os detalles desta fantástica viaxe, visitade o seu blog Scratch Galicia.