Let's Get Together

Paseando pola blogosfera, un dos meus rituais diarios, entro en TRAFEGANDO RONSEIS (Un dos meus blogs favoritos polas súas propostas de literatura, cine e música, o seu compromiso cos dereitos humanos a ecoloxía... Non deixedes de visitalo, paga a pena!!) Nun dos seus últimos post falaban do que se podía facer coas mans. Eu tamén quero colaborar nesta especie de cadea, comezada por MESTURAS (outro blog dos insuperables!!), dándonos ideas sobre como empregar o noso “tempo libre”. Seica temos dabondo!!!
Despois da papiroflexia e das sombras chinesas, que tal se imitamos a Ilana Yahav? Ilana é unha artista israelita que coas súas mans, un pouco de area, unha boa música e algo de luz sobre unha mesa de vidro, constrúe as súas obras de arte.

Liberdade no cárcere

Inicio esta andaina co segrel facéndome eco dunha nova lida no xornal El País onde informaba dunha iniciativa levada a cabo por Alberto, o educador social do presidio de Teixeiro. Certamente, o sorprendente resulta ser o éxito dese taller de escritura e lectura que semanalmente reúne a tantos presos, que ademais, unha vez ao mes deciden invitar a un escritor. Por alí estivo Manolo Rivas, acompañado de tres músicos, acto que demostra unha vez máis o acertado da combinación letras e música.
Desde este blog doulle os meus parabéns a Alberto, desexandolle que teña continuidade con este proxecto.

Os Nosos Venres Musicais (I)

DULCE PONTES "FADO PORTUGUÉS"

Levados polo noso amor pola música, decidimos crear esta sección na que venres a venres tentaremos traervos distintos tipos de música, e distintos modos de dicila e sentila. Esperamos que vos guste e que nos fagades chegar as vosas suxestións. Deste xeito daremos sentido ao título “OS NOSOS VENRES MUSICAIS!!”

Neste primeiro venres comezamos con Dulce Pontes e o Fado.

Fado, do latín fatum, significa destino. O destino inexorábel e que nada pode mudar. É por iso que o fado é normalmente tan melancólico, tan triste. Os fados expresan as dificultades da vida, o amor perdido, a emigración... O Fado é, hoxe en día, un símbolo mundialmente coñecido de Portugal representado por Dulce Pontes

¡Birmania Libre!

El dinosaurio

Cuando despertó, el dinosaurio todavía estaba allí.

Augusto Monterroso

Esta é unha historia real que lle ocorreu a Manolo, "O Gafas", natural dunha parroquia de Monterroso, alá entre a Terra Cha e o Xistral. Foi o sábado pasado, cando levou á muller e aos fillos a un centro comercial de Lugo. Quedouse no coche, botando unha sesta e cando espertou viu o que viu. O home aínda tivo valor para facerlle unha foto.

Este ano, no San Froilán non se falará doutra cousa.

A Biblioteca Escolar: O servizo educativo mellor valorado

A biblioteca do IES Afonso X O Sabio , cóntanolo no último post do seu blog Biblioafonso. Nunha enquisa feita ao alumnado de secundaria a finais do curso pasado a súa biblioteca escolar resultou ser o servizo educativo mellor valorado.

Create Your Own

E por que será que non nos sorprende?
Antonio, no blog da biblioteca do IES As Mariñas danos algunhas pistas, pero eu engadirei algunha máis (por iso de non utilizar o copy&paste)
Porque coñecemos ao profesorado que dinamiza a biblioteca.
Porque sabemos das súas horas de traballo e do seu esforzo cotiá por mellorar.
Porque sabemos da ilusión que poñen en todo o que fan.
Porque todos eles/as son un exemplo do bo facer.
Porque somos conscientes de que por todo isto, e por moitas cousas máis, son unha das referencias das bibliotecas escolares galegas.

Parabéns compañeiros/as, esa é a recompensa ao traballo ben feito e o que a todos/as nós tamén, nos da folgos para continuar nesta “marabillosa” andaina de facer das nosas Bibliotecas Escolares puntos de encontro.
Cada vez máis e mellores BE!!

Comezou o curso!!

Os rapaces e rapazas empezaron a chegar ás 10.00. Algúns dos máis pequenos viñan acompañados pólos seus pais. Os nervios do primeiro día no instituto, xa se sabe, é o que teñen... Os “veteranos” formaban grupiños e buscábanse nos listados para ver con quen lles tocara.
A inauguración do curso correu a cargo de Ivan Puentes, o alcalde de Fene, quen foi presentado polo director.
O recen estreado alcalde, o alcalde máis novo de toda Galiza, blogueiro dende xaneiro de 2004 e antigo alumno do instituto, lembrou aos profes que por alí andaban nos seus anos de estudante. A Cari (“a mellor profesora que tiven nunca”), a Ramón e as súas discusións sobre fútbol, a Lula, e a Antonio, o noso vicedirector e profesor de ciencias, e de quen, según contou, todas as rapazas estaban namoradas. Hai cousas que nunca cambian...
Aos rapaces contoulles anécdotas da súa etapa no instituto. De como controlaban ao profesorado polos coches no aparcadoiro, de como se alegraban cando algún faltaba, e algunha outra que mellor non contamos... En fin, o que dixen, que hai cousas que nunca cambian...
Animounos a participar na vida do centro, na súa vida académica e cultural.
O noso alcalde, engaiolou a todos, tanto a alumnado como a profesorado.
Cando nos despedimos agradeceu a invitación que dixo lle fixera moita ilusión. Nós, dende a nosa bitácora queremos desexarlle todo o mellor na súa nova andaina.
Sorte Sr. Alcalde e que as relacións do Concello co noso Instituto sexan fructíferas!!

Estamos de estrea!!

A falta duns pequenos detalles, esta á a nosa, a vosa biblioteca.
Esperamos que a disfrutedes.
Cada vez máis e mellores Bibliotecas Escolares!!

A nosa nova Biblioteca!!

Despois de dous anos de PLAMBE, moitísimo traballo e algún que outro quebradeiro de cabeza, presentámosvos a nosa nova biblioteca. Grazas a todas e todos os que coa vosa axuda, o voso ánimo e o voso exemplo constantes fixéchedes posible que o noso soño sexa hoxe unha realidade. Pero o mellor aínda está por chegar, o comezo do curso, a chegada do noso alumnado e con eles o inicio desta nova andaina na que temos postas moitas ilusións. Esperamos seguir contando con todas e todos vós, coma sempre. Sodes moit@s, grazas por estares sempre aí.

Poemas pola PAZ

Iniciativas tan marabillosas como esta deberían espallarse e facer posible que os únicos bombardeos que houber polo mundo foran de poemas.

“A poesía é unha arma cargada de futuro”
Gabriel Celaya

(Vía Mesturas)

Festival no Día da Música

Disque o prometido é débeda e aquí estou eu, disposta a facer unha crónica do acontecido no Festival de Fin de Curso

Algún de vós estará pensando que ten que ver un festival de fin de curso co blog da biblioteca. Pois moitísimo. Onte era o Día da Música, e nós, no IES de Fene, celebrámolo por todo o alto... e nesa celebración, e como non podía ser menos, participamos todos os membros do equipo da biblioteca. Gústanos a lectura, a música, e como non a festa... Queredes velos? Pois aquí os tedes a todos e todas...

Alexandre: Na parte técnica

Inma e Mª Carmen: Titanic (Non veu Celine Dione, pero non a botamos de menos!!), Déjame e Guantanamera (Coros)

Ánxeles, Begoña e Loly: Déjame (Non son "Los Secretos" son "Woman's Secret") e Guantanamera (Coros)

Conchi: Guantanamera (Coros e percusión)

Sabela: Guantanamera (Baixos)

Xoán e Antonio: Guantanamera (Acompañamento)

Miguel Anxo: Guantanamera (Batería)

Xunto co resto do profesorado. De 44 profes que formamos o claustro, enriba no escenario ou abaixo cantando, aplaudindo e animando, practicamente estivemos todos. Tampouco faltaron os conserxes (son deles a maioría das fotos!!). Pero o mellor de todo o alumnado. As actuacións de 2º, 3º e 4º de ESO e 1º de Bacharelato así como a presentación a cargo de Samantha e Lourdes de 1º de bacharelato foron un éxito. E como público estiveron entregados dende o principio pois escoitaron con moitísima atención as interpretacións dos seus compañeiros e compañeiras e non deixaron de animar e corear todos os temas nos que participamos o profesorado. Ao final non había quen os botara do salón de actos. Querían seguir, pero o deber agardaba e tivemos que comezar as avaliacións!!

Pasámolo moi ben, algún de nos “desmelenámonos” cun micro na man.... Debemos repetir este tipo de celebracións. De feito xa hai quen está a pensar o que vai facer co seu alumnado o próximo curso!!

Dende aquí queremos darlle a noraboa á nosa compañeira Bárbara, a profe de música, que non escatimou horas e horas de traballo para que todo saíse á prefección. Vaia repertorio!!. Bárbara PARABÉNS!! Unha experiencia FANTÁSTICA!!

Xornada Festeira

Pois iso é, o que será a xornada de mañá, bueno a xornada de hoxe, pois a estas horas xa estamos a xoves 21 de xuño.

Unha festa por todo o alto, non hai mais que ver o programa fantástico artellado pola nosa compañeira Bárbara Mourelo, a profe de música.

Estarán connosco, entre outros, “Los Secretos”, “Celine Dione”... e moitos máis. Máis de 20 actuacións que darán moitísimo que falar.

Que vos parece?

Como, que non decides nada? Quedáchedes sen palabras?

Non é para menos, con tanta “celebridade” en Fene. Pódovos asegurar que nunca tal se víu...

Pero non vos preocupedes, a reportaxe gráfica mañá. Non a perdades!!

XOVES 21, UN DÍA MEMORABLE!!

E para ir facendo boca, ahí vai un video de "Los Secretos" e unha das súas máis famosas baladas "Déjame" acompañados de algúns dos mellores artistas do panorama musical español. Unha pequena xoia!!

Por e para o alumnado de 3ºC - PDC

Cool Slideshows!

Pois si, este artigo é por a para todos eles. Catro mozas e tres mozos dos que estou moi orgullosa. Comezamos o curso con moitas reticencias. “Profe, nin nos gusta estudar nin tampouco nos gusta moito o inglés... e xa non digamos ler, non nos gusta nada de nada!!”

Non vou explicar aquí e agora como foi o curso, simplemente contarvos que cinco dos sete participaron nun dos clubs de lectura. Lemos ESKORIA. Fantástico!! E rematamos o curso facendo un cómic autobiográfico en inglés que vos queremos ensinar. Axudounos María, a profe de plástica. Tróuxonos os seus cómics, neles contaba as súas historias, as da súa avoa... Ela si que é unha artista!!

Así que visto o feito só lles podo dicir, “Preparádevos, o curso que ven MÁIS E MOITÍSIMO MELLOR!!

Suxestións para o Verán

"O Noso Faiado".

Nese espazo da nosa bitácora, onde imos gardando todos os materias elaborados e que poñemos a disposición de quen queira utilizalos, atoparás, na sección de Fomento da Lectura, as Suxestións de Lectura para o verán.

Hai suxestións para todos. Literatura Xuvenil e para Adultos.

Pero non esquezas algo importante,
"O espazo é pouco, os libros son moitos.

Anímate!!

Entra no mundo da aventura de ler!!"

Axuda urxente para "O Courel"

(Vía SOS Courel) Luar na Lubre: Terra

“SOS COUREL”

Que se pide?

• Que se declare O Courel Parque Natural

• Que se devolva á Rede Natura a superficie da cunca do Lor

• A posta en marcha dun Plan Urxente para a recuperación ambiental do patrimonio arqueolóxico, etnográfico, arquitectónico, e da paisaxe tradicional...

Queda moi pouco tempo!!

O prazo desta campaña remata o vindeiro xoves 21 de xuño.

Axuda urxente para O Courel

Traballo e Explotación Infantil - Nunca Máis!!

SOBRAN AS PALABRAS!!

Non á Explotación Infantil

En todo o mundo hai máis de 250 millóns de nenos e nenas que traballan

Neste documental “No és un joc” http://video.google.com/videoplay?docid=1479334347315462075

realizado por CCOO de Cataluña, pódese ver toda a crueza das diferentes formas de traballo infantil en latinoamérica:

• As fogueterías de Guatemala

• Os curileros no Salvador

• Os bóbiles en Perú

• Os vertedoiros da Chureca en Nicaragua

• As minas de esmeralda en Colombia

• O piedrín en Nicaragua

• A explotación sexual en Nicaragua

• A caña de azucre en Bolivia

Erradiquemos o traballo infantil e a explotación laboral dos nenos e nenas do mundo, pero para conseguilo debemos concienciar aos nenos e rapaces do chamado “primeiro mundo” pois deles é o futuro, nas súas máns está o poder acadar un mundo mellor!!.

Máis información:

http://www.edualter.org/material/explotacion/home.htm

http://www.educacionenvalores.org/article.php3?id_article=578

http://www.ilo.org/public/english/bureau/inf/wdacl/portuguese.htm

http://www.conc.es/noesunjoc/galego/treball_urba_galego.htm

http://www.juntadeandalucia.es/averroes/~eli/

http://www.enbuenasmanos.com/articulos/muestra.asp?art=225

http://www.cruzroja.es/portal/page?_pageid=33,26659&_dad=portal30&_schema=PORTAL30

http://www.monografias.com/trabajos/einfantil/einfantil.shtml

Os nosos parabéns!!

Make a game | Share | Free games | Pictogame

Fermosa Coincidencia

Unha das actividades de fomento da lectura que xa levamos realizando dende hai moitos anos é “A Frase da Semana”. Esta semana decidimos poñer unha frase de Alejandra Pizarnik e deste xeito poder acercala ao noso alumnado.

Alejandra Pizarnik, unha muller de cuxa poesía Ana María Fagundo dixo que “sobresaía pola intensidade expresiva, pola forza dos versos, pola desnudez punzante do seu dicir. Sen dúbida, atopábame ante unha muller á que lle doía fondamente o vivir”; á que César Aira calificou como “unha poeta na que culminou unha tradición e coa que se pechou hermeticamente e para sempre, un mundo” e da que Antonio Requeni dixo que «A pesar dalgunhas aproximacións a grupos poéticos de vangarda, era unha illa solitaria no noso ambiente literario, unha personalidade aparentemente desprendida do seu contorno social, só atenta aos propios ecos do seu subconsciente, marcada co selo (ou o estigma) dunha tremenda lucidez e dende o punto de vista literario, dona dun notable rigor estilístico».

E marabillas da blogosfera, coincidimos falando desta escritora cun blog amigo, o de “A biblioteca do Colmeiro”. Para nós é un pracer xa que somos verdadeiros admiradores do seu traballo e do seu bo facer. Poñemos un enlace ao seu artigo sobre esta fantástica muller.

EL AUSENTE

I

La sangre quiere sentarse.
Le han robado su razón de amor.
Ausencia desnuda.
Me deliro, me desplumo.
¿Qué diría el mundo si Dios
lo hubiera abandonado así?

II

Sin ti

el sol cae como un muerto abandonado.
Sin ti
me tomo en mis brazos
y me llevo a la vida
a mendigar fervor.

Para saber máis sobre Alejandra Pizarnik

http://sololiteratura.com/piz/pizarnik.htm

http://amediavoz.com/pizarnik.htm

Día das Letras e Día de Internet

Onte, nós celebramos ámbalas dúas datas. Tivemos unha mañá esgotadora, pero moi gratificante. Preparamos actividades para todos os cursos da ESO ao longo de toda a xornada, de 08.30 a 14.05 e a verdade é que os rapaces e rapazas participaron e o máis importante pasárono moi ben.

Comezamos ás 08.30 cunha webquest sobre María Mariño para o alumnado de 3º e 4º de ESO, webquest que preparamos o grupo de apoio da biblioteca. Mentres, os de 1º e 2º de ESO tiñan que completar o seu libro de poesías de autores galegos “Poemas para un Día”

Ás 10.00 recreo de 20’ e comeza a 2ª parte.

Nesta ocasión os de 3º e 4º tiñan a actividade “As caras das letras”, similar á dos poemas para un dia, pero nesta ocasión o que cambiaban eran as fotos e caricaturas de 22 dos escritores/as aos que se lles dedicou en algunha ocasión o Día das Letras .

Preparamos para os de 1º e 2º unha xincana cultural, composta de preguntas, enigmas, xeroglíficos, poemas para completar... 10 probas moi diferentes que para resolver tiñan que utilizar internet, os fondos da biblioteca, o seu enxeño e imaxinación, en fin moi variada e que lles gusta moito.

Ás 12.00 da mañá o 2º recreo de 20’ tralo que entramos na recta final.

Xogos populares que algúns profesores, recordando vellos tempos, aprenderon aos rapaces e rapazas, e paralelamente un obradoiro de barro impartido polo ceramista Francisco Xosé Pérez Porto, fillo de Xosémaría Pérez Parallé (O Segrel do Penedo) e con quen todos os que participamos, tanto alumnado como profesorado disfrutamos moitísimo. Vaia pezas que saíron!

Chegamos ás 13.50, hora de prepararse para coller o autobús e volver á casa. O alumnado encantado con todas as actividades e os profes que participamos moi contentos pola súa resposta, pero esgotados... despois dunha mañá onde a literatura galega e es TIC estiveron tan presentes, pero na que non nos quixemos esquecer das tradicións e dos traballos artesáns.

Dende aquí o noso agradecemento a Fran P. Porto, e a todos os rapaces e rapazas que participaron con tanto entusiasmo e nos fixeron esquecer todo o traballo destas dúas últimas semanas. Que non foi pouco!! Poemas para un Día Xincana Cultural Álbum fotográfico

Historia do Cómic

Preparamos unha exposición que quedou organizada onte. Dividímola en dúas partes diferenciadas, unha, a historia do cómic español e a outra o cómic do século XXI. A verdade é que arredor desta exposición, e visto o éxito que está a ter, comezan a xurdir novas ideas e proxectos co alumnado. En concreto a semana próxima, comezamos a escribir un cómic autobiográfico en inglés, co grupo de 3ºC de ESO. Os rapaces e rapazas do grupo están moi ilusionados coa idea. Para a súa posta en práctica contamos coa axuda de María a profe de plástica, como non podía ser menos, xa que como sabedes ela é a “inductora” da febre polos cómics en algúns de nós. O vindeiro mércores explicaranos a técnica a utilizar e daranos algúns consellos e trucos para facilitarnos o traballo aos que somos novatos no tema... Manterémosvos puntualmente informados de como vai saíndo a historia, se é que non nos volvemos atrás!!

A exposición non quedou mal, así que aquí tedes algunhas imaxes, o resto poderédelas ver no noso álbum fotográfico a partir do venres. Agradecémoslle a Toño do IES Afonxo X O Sabio de Cambre a súa xenerosidade, pois prestounos a algúns dos "protagonistas" para a decoración. O Venres veredes os mellores...No álbum da historia do cómic no noso álbum fotográfiico

Get Your Own!

E con ela chegou o "Comic"!!

Así é, tivo que chegar ela, Mª José Sánchez (para nós María), unha profesional fantástica, con ilusión, ideas e ganas de poñelas en práctica que só leva connosco tres meses, pero que enganchou aos rapaces e rapazas dende o primeiro día, que está levando un dos clubs de lectura, e a algúns de nós amosounos o fantástico mundo dos Cómics dun xeito extraordinario.

Da súa man coñecemos a Blacksad, El Escorpión, Maus, Lucille, Watchmen, Capitán Patapalo, Paracuellos, Thorcal, Paul, Persépolis (símbolo da loita contra as inxustizas e as barbaries do integrismo islámico) e a moitísimos máis. Todos eles, dende hoxe, na nosa biblioteca. Pero non remata aí a súa implicación e traballo na nosa biblio, a partir do vindeiro luns, unha exposición e unha presentación de todas estas novidades. Se pode pedir máis?

Grazas a María e ao seu "anxo"!!

Enlace á guía do comic e ás suxestións de lectura en "O Noso Faiado"