Hoxe, e dentro do programa de actividades sobre a Literatura de Tradición Oral, temos en Radio Barullo a dous dos mellores regueifeiros do panorama cultural de Galicia, Benito Lobariñas e Josiño da Teixeira.
un día moi musical
pola semana que estamos
imos todos regueifar!!
Imos todos regueifar
vaia coa papeleta
esto seique me enganchou
tanto como a biblioteca!!
“O NAUTILUS E O SEGREL”
O Nautilus e O Segrel
disque xa che son parella
eu non o podo crer
eles son xente moi seria.
E se son xente moi seria
que terá iso que ver
para ser unha parella
teñense que ben querer.
Se o de quererse ben
é o que estes necesitan
eu diso podo dar fé
polo moito que se bican.
Polo moito que se bican
non irán cambiar de estado?
O amor seique non dura
toda vez que tes casado
Pero logo que parella
é da que estás ti a falar?
Eu falei dunha parella
que lles gusta regueifar!
Se lles gusta regueifar
deberán ir practicando
os Plambeiros quererán
a estes dous xa actuando.
A estes dous eu actuando
mira que me custa ver
porque disque esta parella
iso non o levan ben…
disque xa che son parella
eu non o podo crer
eles son xente moi seria.
E se son xente moi seria
que terá iso que ver
para ser unha parella
teñense que ben querer.
Se o de quererse ben
é o que estes necesitan
eu diso podo dar fé
polo moito que se bican.
Polo moito que se bican
non irán cambiar de estado?
O amor seique non dura
toda vez que tes casado
Pero logo que parella
é da que estás ti a falar?
Eu falei dunha parella
que lles gusta regueifar!
Se lles gusta regueifar
deberán ir practicando
os Plambeiros quererán
a estes dous xa actuando.
A estes dous eu actuando
mira que me custa ver
porque disque esta parella
iso non o levan ben…
.jpg)
2 comentarios:
Sabedor de que se fala
delas dous desta maneira
O Segrel tivo unha idea
para arranxar esta leria
Para arranxar esta leria
e que deixen de falar
pensa en algo facer
e a todos así calar
E a todos así calar
e que deixen de “moler”
pensa na proposición
que a O Nautilus quer facer
E despois de que O Segrel
parella ser lle propuxo
O Nautilus contestou
nós ata o fin moi xuntos
Nós ata o fin moi xuntos
nas xuntanzas máis plambeiras,
se o que se fala é de blogues
e tamén para a Regueifa.
Xa non sei se chegho a tempo
de aceptar a invitación
que galante me fixeches
con todo o teu corazón.
Cando un día coñecín
ó que hoxe é o meu marido
non fixo con tanto esmero
o emocionante pedido.
Regueifar, rgueifarei
e serei a túa parella
por falar de bibliotecas
ata que sexamos vellas.
Ata que sexamos vellas
faremos con ilusión
este traballo bonito
que nos sae do corazón.
Do corazón saírá,
tamén do moito traballo
e os que non o queiran ver
que se vaian ó .....
E se non o queren ver,
benquerida compañeira,
nós seguimos a facer
a escola á nosa maneira.
A escola á nosa maneira,
a escola das biblotecas,
que ensinamos a usar
ós nosos nenos e nenas.
Os nosos nenos e nenas,
os cidadáns de mañá,
merecen que os preparemos
para no mundo triunfar.
Se queren triunfar no mundo
e facer o que lles pete
teñen que saber de libros,
de cedés e de inernete.
Non vaia ser que no fondo
lles estemos a furtar
o privilexio do medre
no escalafón social.
Non vaia ser que se esté
reservando para uns poucos
o que tería que ser
un dereito para todos.
Perdoade estas coplillas,
son un pouco "flower power"
pois cando falo dos nenos
o aguillón non me sae.
O agillón sairía
se se me poñen diante
aqueles que non permiten
que a escola publica avance
Publicar un comentario