sábado, 14 de marzo de 2009

O Club de Lectura e Cine Palomitas !!

A última sesión de lectura do alumnado do pasado mes de febreiro foi algo diferente ao que soemos facer cada luns que nos xuntamos. Ese día tivemos unha reunión moi especial.

Dende que limos o libro "O neno do pixama a raias" tomamos a decisión de que no momento que saíra ao mercado o DVD da peli, teríamos unha xuntanza especial á que chamamos "Cine palomitas".

O 11 de febreiro, o mesmo día que saiu ao mercado, fomos ao FNAC e mercamos o noso exemplar. Estabamos desexando vela xuntos así que ninguén faltou á cita, nin sequera Laura López que xa a vira coa familia.

O luns 16 de febreiro a biblioteca converteuse no salón da nosa casa e, como adoita acontecer cando vemos unha peli en familia ou cos amigos, a mesa encheuse de palomitas, zumes, patacas fritas e demais chuches aportadas por todos nós.

Foi unha fantástica xornada na que puidemos ver como unha novela é adaptada ao cine, unha xornada na que non só compartimos comentarios, senón tamén moitos sentimentos. De feito pensamos repetila coa peli do libro que estamos a ler "El Señor Ibrahim y las flores del Corán".

Unha experiencia moi recomendable e da que vos deixamos aquí algunhas fotos.

Queremos agradecer a Beni e a Toño a súa xenerosidade compartindo connosco os seus magníficos materiais.

3 comentarios:

Biblioafonso dixo...

Pero que vos poderá faltar nesa biblioteca: cine, palomitas, libros, vídeos, wequest, amigos e amigas...

Beni dixo...

As veces o demos tennos conectados. Nós xa lemos O señor Ibrahim e as flores do Corán (Faktoría K) e fixemos a sesión do club. Tiñamos a peli mercada para vela pero non puidemos porque houibo que preparar o recital de "Pel de Muller". Agora teremos que ver as dúas pelis, xa que o ano pasado aínda non había pixama en DVD. E as grazas son por nada. Vémonos pronto.

Loly dixo...

O que nos falta, sobre todo, como xa é ben sabido, non é nin máis nin menos que TEMPOOOOOO!!!
Beni, eu espero que non sexa, precisamente, o demo quen nos teña conectados...

Related Posts with Thumbnails