domingo, 20 de febreiro de 2011

Roteiro polas Bibes de Ferrolterra (II) - IES Fernando Esquío

O pasado xoves, e seguindo coa boa costume de levar a cabo as reunións mensuais do Grupo de "Plambeir@s" de Ferrolterra visitando as Bibes da zona, estivemos na Biblioteca do IES Fernando Esquío de Neda onde Begoña, a súa "alma mater" fixo de extraordinaria anfitriona. Unha reunión na que non faltou un bo café e un mellor biscoito feito por Mari Gelis, mebro do fantástico equipo desta biblioteca exemplo de bo facer.

E arredor dese café falamos de libros, fixemos algún que outro intercambio de lecturas e demos os últimos toques a un proxecto común que levaremos a cabo con motivo do Día da Literatura Infantil e Xuvenil e que xa vos comentaremos máis polo miudo...

Grazas Begoña, foi un placer compartir proxectos en tan boa compaña e nunha biblioteca tan chea de vida!!

Velaí tedes unha mostra deste traballo en equipo que tanto nos gusta....


Fotografías: Maribel (CEIP Os Casais - Fene)
Montaxe: Rosana (CEIP de Pazos - Ferrol)
Grazas compañeiras!!

Reportaxe tamén en Biblioteca Xoán Farias

A próxima reunión será o 23 de marzo no CEIP O Ramo de Fene. Alí estaremos!!

martes, 15 de febreiro de 2011

Sobran Etiquetas !!


Sobran etiquetas, catalogacións, compartimentos estanco, illamentos... !!

Fóra prexuizos, muros, barreiras ...!!

Vía Grazas Jose

luns, 14 de febreiro de 2011

Poemas no Día do Amor !!


E que mellor xeito de celebrar o "Día do Amor" que cunha pequena escolma dalgúns dos máis fermosos poemas de amor...

Cal é o teu poema preferido?

venres, 11 de febreiro de 2011

Lecturas con Moito Amor !!


Calquera motivo é bo para sacar dos andeis do Segrel unha pequena selecciòn dos nosos fondos.

Calquera momento pode ser o axeitado para achegarvos algúns deses títulos que vos poden facer pasar un momento inesquecible...

Nesta ocasión, a festa de "Cupido" é a que nos leva a facervos estas suxestións. Unhas suxestións que teñen que ver co AMOR con maiúsculas, no máis amplo sentido da palabra...

Que, anismádevos a coller algún deles?

xoves, 3 de febreiro de 2011

Feliz 4709, O Ano do Coello!!

Hoxe, segundo o calendario Chinés, comeza o ano 4.709, o ano do coello.
Que vos parecería como recomendación, para que pasedes un fantástico momento de lecturas compartidas coa familia ou os amigos, unha pequena obra de arte onde aparece un "coello" moi especial?

Xa sabedes que somos uns namorados dos pop-up, así que hoxe vos traemos un que, para nós, foi todo un descubrimento, alo menos nunha das súas versións. "Alicia en el país de las maravillas" para ipad!!

Tíñades visto algo tan chulo antes? Nós, debemos confesar que non...





Cal vos gusta máis?

Nós non sabemos cal elixir...

martes, 1 de febreiro de 2011

"Blaksad" tamén nos nosos fondos...


Blaksad é un cómic que está a arrasar, dentro e fóra das nosas fronteiras, e que, como non podía ser menos, forma parte dos fondos da nosa biblio.

Anímate e descúbreo, se aínda non tiveches ocasión de facelo.
Related Posts with Thumbnails