viernes, 20 de diciembre de 2013

Felices Festas

Vía 

"- Yo sé que Santa Claus no existe.
 - Con todo, tienes que hacer que tu hija crea que esas cosas son reales.
- ¿Por qué, si no creo en ellas?
- Porque -explicó Mary Rommely con sencillez- la niña tiene que poseer algo muy valioso que se llama imaginación"
Betty Smith
"Un árbol crece en Brooklyn"

martes, 17 de diciembre de 2013

Despedindo o Ano cos Clubs de Lectura

Hoxe despedimos o ano os Clubs de lectura da rapazada de 3º e 4º e o de pais e nais, a semana pasada fixémolo co de 1º e 2º de ESO. 

No de rapaces, dando boa conta dunhas exquisitas pastas da Pastelaría Martínez de Fene, son a nosa perdición..., comentamos "El fantasma anidó bajo el alero" de Emilio Pascual. Falamos do poema Ítaca de Cavafis e, como non, da Odisea, e ao fío saiu o tema das lecturas obrigatorias, dos itinerarios lectores pechados e a rapazada expresou, e de que xeito..., a súa opinión.
Formando cidadáns críticos, non si?

E trala rapazada chegaron os pais e as nais. Hoxe tocaba un dos clásicos da literatura inglesa "Cumbres borrascosas" e que mellor que comezar visionando a adaptación dun dos grandes directores de todos os tempos, William Wyler, protagonizada por Sir Laurence Olivier. Extraordinaria! Unha ocasión perfecta para celebrar a despedida do ano e o santo de Yolanda, polo que non faltaron o café e os doces variados. Que nunca nos poñemos dacordo e logo pasa o que pasa... Tarta de queixo, pastas, bombóns, cocadas, bizcoito, galletas, en fin, que non faltou de nada para endulzar a tarde.

A próxima xuntanza será o martes 14 de xaneiro. Nesa ocasión darémoslle a benvida ao 2014 co club da rapazada máis nova e os pais e nais. Co grupo dos máis novos (1º e 2º ESO), comentaremos "A miña planta de laranxa lima" de José Mauro de Vasconcelos e co de pais e nais analizaremos dúas grandes obras da literatura universal "Cumbres borrascosas" (1847) e "Os Pazos de Ulloa" (1886) escritas ambas por mulleres, Emily Bronte e Emilia Pardo Bazán . 

Bo comezo de ano, non vos parece?


Velaí tedes o grupo de 3º e 4º a falta de Noelia, Sergio, Patricia e Andrea.

Vémonos no 2014!!

Saúde e libros !!

jueves, 12 de diciembre de 2013

Suxestións de Lecturas para o Nadal

POR UN NADAL CHEO DE LECTURAS COMPARTIDAS

SEDE FELICES!!

martes, 10 de diciembre de 2013

10 de Decembro: Día dos Dereitos Humanos




Con ocasión da conmemoración do vixésimo aniversario da Declaración e o Programa de Acción de Viena redobremos os nosos esforzos para cumprir a responsabilidade colectiva de promover e protexer os dereitos e a dignidade de todas as persoas en todo o mundo

Secretario Xeral das Nacións Unidas, Ban Ki-moon

viernes, 6 de diciembre de 2013

Nelson Mandela: In Memoriam

Invictus
Más allá de la noche que me envuelve,
negra como el abismo insondable,
agradezco a los dioses que pudieran existir
por mi alma inquebrantable.
En las azarosas garras de la circunstancia
no me he lamentado ni he llorado.
Bajo los golpes del destino
mi cabeza esta ensangrentada, pero erguida.
Más allá de este lugar de ira y lágrimas
yace el Horror de la sombra,
y sin embargo la amenaza de los años
me encuentra y me encontrará sin miedo.
No importa cuán estrecha sea la puerta,
cuan cargada de castigos la sentencia,
soy el amo de mi destino:
soy el capitán de mi alma.
William Ernest Henley

Nelson Mandela el preso 46664
Mandela, el hombre que derrotó el racismo
Nelson Mandela

Deseño do marcapáxinas

lunes, 25 de noviembre de 2013

O Segrel Contra a Violencia de Xénero

Literatura, Cine e Música Contra a Violencia de Xénero


miércoles, 13 de noviembre de 2013

Roteiro Plambe-Ferrolterra (XVI) "O Segrel do Penedo"

O   pasado mércores 6 de novembro, e como xa ven sendo habitual no Grupo do Plambe-Ferrolterra, tivo lugar a primeira xuntanza do ano. E novamente foi O Segrel o encargado de facer os honores ao grupo, xa ben consolidado despois de tantos anos de traballo colaborativo e compartido.

Falamos de proxectos, ideas, traballos... e decidiuse que as xuntanzas do grupo roten o día, luns, mércoes e xoves, para que non sexan sempre os mesmos os que por motivos de horarios perdan as xuntanzas

O mes de decembro reunirémosnos o luns día 2 no IES Fernando Esquío de Neda. Nesta ocasión o punto da orde do día será un monográfico no que Begoña tentará resolver todas as nosas dúbidas  con respecto ao Meiga.

Velaí tedes como se desenvolveu a reunión, café e lambonadas incluídas...

martes, 29 de octubre de 2013

Xornada dos Clubs de Lectura

Este curso a convocatoria para entrar a formar parte dos Clubs de lectura do Segrel foi, un ano máis, todo un éxito. Formáronse tres clubs, un para a rapazada de 1º e 2º de ESO, outro para a de 3º e 4º e un terceiro para Pais e Nais e, entre todos, xa somos 65!! Bo número, non si?

O grupo dos máis novos reúnese o primeiro martes de cada mes, os dos maiores o terceiro e os pais e nais primeiro e terceiro.  Como xa fixemos o curso pasado quedámonos a comer no centro e está a ser un boa experiencia compartir ese tempo da comida. 

As lecturas elixidas para a primeira xornada son:
Velaí tedes o grupo dos máis novos formado por 26 rapaces e rapazas de 1º e 2º de ESO.


miércoles, 23 de octubre de 2013

Ler Ciencia na Biblioteca Escolar

"Ler Ciencia na Biblioteca Escolar" é o lema elixido este ano para conmemorar o Dia da Biblioteca Escolar, que como cada ano se celebra o 24 de Outubro.

O grupo de profesorado encargado da biblioteca escolar organizou unha exposición para achegar ao noso alumnado unha pequena mostra dos fondos de ciencia tanto divulgativos como literarios que hai nos seus andeis. Esposición que estivo moi ben custodiada por un dos esqueletos do departamento de Ciencias.

sábado, 15 de junio de 2013

Suxestións de Lectura "Verán 2013"


Por un verán cheo de lecturas compartidas.

Ata a volta.

Sede Felices !!

martes, 11 de junio de 2013

Despedida do Club de Lectura de Pais e Nais do Segrel

Hoxe celebramos no Segrel a despedida do Club de lectura de pais e nais e fixémolo cunha sesión de cine palomitas na que recibimos a visita do Club de Lectura da BM de Ares.

Como no Encontro en Ares comentamos a fantástica novela de Clara Usón "La hija del Este", a película elixida foi "La caja de música" do gran Costa GavrasA historia de Ann unha avogada que no transcurso dun controvertido xuizo, irá descubrindo a verdadeira personalidade do seu pai, moi similar á historia de Ana, a filla do xeneral Ratko Mladic, na que se basa a novela de Clara Usón. 


Unha fantástica experiencia compartida que esperamos repetir o vindeiro curso. Velaí tedes unha mostra do que alí aconteceu.



A película completa!!


Non esquezades a nosa cita do venres 28 na xa tradicional comida de despedida.

Foi un pracer, como sempre, poder gozar destes momentos de lecturas compartidas con tod@s vós.

viernes, 7 de junio de 2013

jueves, 6 de junio de 2013

Encontro do Club de Lectura do Segrel con Manuel Portas

Esta tarde o Club de Segrel de pais e nais celebramos un fantástico encontro con Manuel Portas arredor da súa última novela "Faneca Brava". Un agasallo da nosa magnífica bibliotecaria municipal Sonia Iglesias, unha extraordinaria profesional coa que é un verdadeiro pracer traballar. 

Tras a presentación feita por Sonia, Manuel falounos de literatura, de libros (recomendounos Bichos de Miguel Torga), reivindicou a lectura por puro pracer, a lectura coa que nos sentimos identificados, e como esquecer aos grandes da nosa literatura, os autores do XIX, Rosalía, Curros, e como trataron o tema da emigración, Cunqueiro, o mestre do realismo máxico, e a partir de aí entramos de cheo en Faneca Brava e o papel da muller na Galicia rural, os líos de familia, o coidar das apariencias, "lavar" os asuntos na casa, o medo ao que dirán... e Concha, a ovella negra dos Pereira, unha muller á que descobrimos a través do seu primo Fernando, que non se resigna a calar, a non saber... 

Manuel falounos de como se desenvolve o proceso de creación, o seu traballo con esquemas, e o máis complicado, darlle forma á historia, o que o autor nos quere contar.

Unha tarde que dou moito de si, tanto que xa quedamos citados para o vindeiro ano... Manuel invitounos a coñecer a biblioteca e o museo do Xelmirez, e nós, que non nos facemos de rogar, xa argallamos que o encontro para falar da súa próxima novela, da que xa nos dou algunha pista, pero non seremos nós os que descubramos o segredo...., será en Santiago.

Vémonos para falar do cuarto!!


martes, 4 de junio de 2013

Despedida dos Clubs de Lectura da Rapazada!!

Hoxe, martes 4 de xuño celebramos a reunión de despedida dos clubs de lectura da rapazada e notouse que
estamos en épocas de exames, porque nunca faltaron tantos... dos 33 que chegaron ao final de curso, so asistiron á última reunión 22.

O grupo de 3º e 4º pediron realizar esta despedida coa rapazada do outro club nunha sesión de "cine palomitas" e así o fixemos, o problema foi atopar a película que non tivéramos que deixar a medias, xa que o alumnado de 3º tiñan un exame a primeira hora da tarde. Todas as que propoñían duraban dúas horas e só dispoñíamos de 100 minutos, dende as 14.30 ata as 16.10 finalmente eliximos "Pa Negre", basada na novela homónima de Emili Teixidor.

Pero non so houbo cine, despois dos bocatas e as consabidas pizzas chegou o postre, un bizcoito riquísimo que nos fixo Mari, a fantástica cociñeira da cafetería de FP, zumes, bombóns e un fantástico agasallo de Miriam, dúas bandeixas das pastas máis deliciosas que xamás tivestes probado, pastas que fan na súa pastalería en Fene e que saben que son a miña perdición...


Como podedes ver, foi un fin de festa ben doce, que a peli xa era crú dabondo...

Agora só queda cubrir as enquisas, nas que avalíarán aa actividades desenvolvidas ao longo do curso, veremos canda sacan un oco...


Ata o vindeiro curso, se quedáchedes contentos, nós tamén... vémonos en outubro!!

domingo, 2 de junio de 2013

VI Xornadas de Clubs de Lectura

O venres 31 de maio, os coordinadores e coordinadoras dos 222 Clubs de Lectura dos centros de Secundaria Públicos de Galicia fomos convocados aos VI Xornadas de Clubs de lectura celebrados en
Santiago de Compostela.


A xornada comezou dun xeito inmellorable, Gemma Lluch, profesora da Universidade de Valencia e membro do grupo de investigación ERI Lectura, falounos de libros e lectura e dos criterios de selección para adolescentes. E durante a súa presentación, nas lecturas escollidas como exemplo entre as bibliotecas do Plambe, alí estaban as Suxestións de Nadal do Segrel,  un pequeno detalle que nos fixo especial ilusión.

"Nos clubs de lectura apréndese a argumentar, a debater, a usar fórmulas de cortesía... se forman lectores críticos."

"A lectura é o centro da vida. Vai ligada á vida e muda con ela. É un marco para compartir, que nos axuda a crecer como persoa e como cidadano"

Recomendación: "Yo las quería"  de Carmen Solé

Despois da pausa para o café, chegou a mesa de Experiencias onde os representantes de catro centros das catro provincias galegas, Begoña Valdés, Delio Chao a quen xa coñecemos dende hai anos polo seu bo facer, Julio Abalde e Almudena Platero, contáronnos a súa experiencia nos Clubs.

A mañá rematou con Xosé R. Lois que nos presentou RedeLibros e nos falou de distintas Redes Sociais que están ao servizo da lectura.

Tras o xantar organizaron uns encontros por eixos temánticos, nós fumos a "Recursos dixitais e medios audiovisuais ao servizo da lectura" que presentou Nine Paz, Falounos da iniciativa questasleyendo.org os encontros virtuais a través de Skype, elaboración de videos presentación co Movie Maker, etc, etc. fantástico traballo e moi interesante o debate posterior. 

A xornada rematou con Marcos Calveiro "Ler, escribir, amar", que nos falou da formación lectora, un proceso que comeza na casa dende ben pequenos, unha formación que ten que ver con todo tipo de lecturas en todo tipo de soportes. Expuxo a metáfora dos "libros potito e os libros chuletón", e resaltou a importancia da oralidade e dos "libros Matrioska", libros que levan a outros libos, do que é un magnífico exemplo Agustín Fernández Paz

"Nós crecemos e maduramos a través dos relatos dos demais"

E como fin de festa quen mellor que Cándido Pazó que nos fixo reir a todos a gargalladas co conto "O burro na biblioteca". Extraordinario!!

miércoles, 29 de mayo de 2013

Roteiro Plambe-Ferrolterra (XV) IES Catabois (Ferrol)

Hoxe, mércores 29 de maio, @s coordinador@s do Plambe-Ferrolterra celebramos a derradeira reunión do curso, nesta ocasión foi na Biblioteca Queremos Ler do IES Catabois en Ferrol.

Como era a despedida do curso, fixemos o posible por estar tod@s, aínda que foi imposible. Botamos en falta a máis dunha e a máis dun, pero é o que teñen as reunións cando estamos xa na recta final. Hai que botar a vista atrás e comezar a facer "memoria"... e iso implica papelame e máis papelame, e horas e máis horas de traballo.

Mentres facíamos a visita de rigor, pescudando todos e cada un dos recunchos da biblioteca, Xoán e Begoña do CEIP de San Sadurniño amosáronnos a súa "Bolsa dos contos", un fermoso mar azul cheo de peixes, polbos, caracolas...  E chegou o momento de comezar coa "orde do día". Nesta ocasión foi Gabriela que nos amosou o novo Blog da Biblioteca do CFR de Ferrol. Recomendámosvos que vos pasedes por el e comprobedes as moitas e estupendas novidades que alí aparecen. Despois A pescadora de historias, achegounos á plataforma Edu 2.0 que eles están a utilizar. E para rematar, nós presentámoslles a fantástica ferramenta de "curación de contidos" Scoop.it e os Planetakis das Bibes Galegas de Secundaria e de Infantil e Primaria así como o Planetaki dos Clubs de Lectura. Nesta reunión decidimos crear o Planetaki das Bibes do Plambe-Ferrolterra, para ternos a todos máis á mán, e será Rosana, unha das artistas do grupo, a encargada de deseñar o seu logo.

Rematada a sesión de formación, como recordo do noso paso por esta fermosa biblio, entregamos a  Laura, Mónica e Yolanda, as artífices desta magnífica biblioteca escolar, un Principito en formato pop-up que cremos lles encantou.

Tras a "dura" xornada, o que nos pedía xa o corpo era dar boa conta do café e das deliciosas lambonadas (Biscoito de cenoria, rosquillas e torta) que as nosas anfitrionas nos tiñan preparadas. 

Benquerid@s Plambeir@s de Ferrolterra, foi un pracer compartir con tod@s vós estas Xuntanzas.

O curso que ven "máis"!!

martes, 28 de mayo de 2013

Lecturas Compartidas Club do Segrel e Club da BM Ares

O pasado martes 28 de maio, o Club de lectura do Segrel de pais e nais reuníuse co Club de lectura da BM de Ares nunha xornada de lecturas compartidas. 

Durante este curso foron varias as lecturas que compartimos con este club, entre outras, "Tardes con Margueritte", "La ladrona de libros", "Sueños en el umbral"... pero nunca antes tivéramos unha xuntanza para comentar esas lecturas e decidimos propoñerlles unha reunión conxunta de ambos clubs, proposta que aceptaron ao momento. A lectura escollida foi "La hija del Este", extraordinaria Clara Usón cun relato cru que nos fai aflorar sentimentos, emocións... describindo a realidade dunha guerra fratricida e da que fomos testemuña directa a través dos telexornais hai pouco máis de 20 anos. 

O tema da novela, o proceso de documentación da autora, a estrutura da obra, as súas personaxes, todo foi escudriñado nese par de horas que durou o encontro. Unha reunión moi agradable, endulzada cuns chocolates suizos cos que nos agasallou unha das integrantes do club, recén chegada dese país, que esperamos repetir o martes día 11 no Segrel nunha sesión de "Cine palomitas" na que veremos a película "Mis soles espléndidos" dirixida por Christian Neri, adpatación da novela de Khaled Hosseini. Será o perfecto remate para un curso fantástico de lecturas e momentos compartidos.


domingo, 26 de mayo de 2013

Triunfadora "Miriam Otero" - 2º ESO

O pasado luns, 20 de maio, sorprendémonos, mentres tomamos un café, cunha noticia na sección deportiva de "La Voz de Galicia". Pasamos a folla e alí está ela, Miriam Otero, a nosa alumna de 2º de ESO, concedendo unha entrevista na que fala dos seus logros no atletismo, unha das súas paixóns, mais non a única.

Miriam, asemade no deporte, destaca nos seus estudos, é unha alumna extraordinaria, neste terceiro trimestre, na materia de Inglés, traballou nun proxecto sobre o chocolate, do que tamén recoñece ser unha apaixoada, pero confesa, resignada, que non pode comer tanto como lle gustaría... Mais non por iso deixou de saborear un bo chocolate con churros durante o noso pasado Nadal Solidario. Miriam é moi solidaria e participativa e lle encanta ler, de feito é membro dun dos clubs de lectura da rapazada dende o curso pasado, cando chegou ao instituto.

Como podedes comprobar, é unha moza moi responsable que sabe organizar moi ben o seu tempo para ser quen de disfrutar de todas as súas aficións.

Dende O Segrel os nosos parabéns á nosa benquerida Miriam.

"May all your dreams come true!!"



viernes, 24 de mayo de 2013

SOMOS

Somos
No Segrel hoxe, porque nós SOMOS ASÍ, saímos á rúa amosando, coa roupa volta do revés, que queremos cambiar o mundo!!

Con pantalóns, camisas, camisetas, chaquetas... voltas do revés, chegamos hoxe ao instituto tanto alumnado, case todo da ESO, como profesorado, e, no primeiro recreo, despois de que un grupo de 3º de ESO debuxase o logo de SOMOS no chan do patio, saímos para fotografarnos todos xuntos e dicirlle ao mundo que "queremos cambialo"!!

E vós, que dicides?                                                            Clicar na imaxe para ir ao Álbum fotográfico

miércoles, 15 de mayo de 2013

"Xogos Populares"

E rematamos as nosas actividades festivas con xogos populares, cos que tanto disfrutamos alumnado e profes... 
Coa buxaina descobrimos algún que outro artista, pero quen máis nos impresionou foi Antonio, alumno de 2º de ESO, todo un especialista ao que xa vemos organizando un obradoiro no que nos iremos poñendo ao día o resto.
Tamén houbo varios grupos que disfrutaron, e moito, saltando á corda e aí tamén estivemos os profes, que aínda nos esquecemos aqueles tempos cando xogar na rúa era a nosa actividade favorita...
A chave non podía faltar nun concello onde hai tanta tradición.
A Rá, na que destacou Natalia, de 1º da ESO. Vaia puntería!!
Coido que despois desta xornada festiva, se a primaveira non segue a facerse de rogar, haberá máis días nos que os xogos populares amenizarán os nosos recreos. Eu apúntome, e vós?

Álbum Fotográfico da Xornada

"Poemas para un Día"

Como xa ven sendo habitual no Segrel, a celebración das Letras sempre trae consigo unha actividade arredor da poesía. "Poemas para un Día" ven celebrándose nos últimos cinco anos. Unha iniciativa que ten como obxectivo o achegamento á poesía e aos poetas galegos. Nesta ocasión os elixidos foron:
"Como unha fisgoa" de Rafa Villar, "Os domingos, maiormente" de Kiko Neves, "O amor" de Lupe Gómez, "Saudade" de Eduardo Blanco Amor, "061" de Carlos Negro, "O puñal de dúas follas" e "No máis fondo, no máis fondo" de Ramón Cabanillas,"Meu avó dixo" de Eva Veiga, "A unidade componse" de Xela Arias, "Pedra figueira" de Mª Xosé Queizán, XLVI e XVLII" de Xoán Abeleira, "Non coidarei xa os rosales" de Rosalía de Castro, "Corrupción" de Yolanda Castaño, "Monólogo do vello traballador" de Celso Emilio Ferreiro, "Épica dos vencidos" de María do Cebreiro, "Con toda a roupa" de María Reimóndez, "Quedou o teu nome" e "Os teus ollos vivos" de Antonio Gª Teijeiro, "A viaxe en nave espacial" de Paula Carballeira, "Asoballábame o alento" de Mª Xesús de la Torre e "Cidades" de Fran Alonso.
Unha boa escolma, non?

Como actividade previa, organízouse un concurso de poesía que gañou Noelia Freire (3º ESO) 


martes, 14 de mayo de 2013

Teatro "As Bruxas das Penas de Montille"

As Bruxas das Penas de Montille
E tras o fotocol de Gústame o Galego, tendo en conta que as Letras Galegas 2013 adícanse a Roberto Vidal Bolaño, un dos grandes dramaturgos do teatro galego, toda a ESO marchou ao Círculo Mercantil de Fene, onde o grupo xuvenil de teatro "Xosé María Pérez Parallé" representou a obra, "As Bruxas da Pena de Montille", na que parte do elenco, - Aldara (protagonista), Silvia, Victoria, Andrea (bruxas) e José Carlos - son alumn@s de 4º da ESO do noso centro. 

A obra, adaptada e dirixida por Carlos Basoa, foi todo un éxito. Dende O Segrel, os nosos parabéns á rapazada, estiveron fantásticos e, por suposto, ao seu director, un home que leva moitos anos traballando na difusión do teatro entre grandes e pequenos do noso  Concello.

Clicar na imaxe para ir ao álbum fotográfico

Gústame o Galego

Comezamos a celebración do Día das Letras Galegas, este ano adicado a Roberto Vidal Bolaño, do mellor xeito posible, facendo a nosa declaración de principios dun xeito ben orixinal, dicindo ben clariño "Gústame o Galego" , unha iniciativa da Coordenadora de Traballadores pola Normalización Linguística que están a percorrer o noso país e o IES de Fene tamén quería estar nese "fotocol"

Dende as 9.00 ata as 12.00 da mañá, hora na que saíamos para o Teatro, alumnado, profesorado, persoal de administración e servizos, pais, nais e amigos do Segrel, achegáronse canda nós para dicirnos...
Gústame...
  • o xeado con sabor á terra (O lema gañador do noso concurso - Andrea Goti - 3º ESO)
  • que se faga xustiza co Galego
  • que me digan "qrt m8" ; -)
  • que che guste a miña lingua :-P
  • soñar en galego e espertar cun "bo día"
  • que che guste a miña lingua para pedirme que confíe en ti
  • que no deporte o galego non quede fóra de xogo
  • que as mates, a ciencia, a tecnoloxía... sexan en galego!
  • que intentes falar en galego, aínda que che custe pouquiño
  • poder ter o móbil, o tablet ou o ordenador en galego
  • que me lembres en galego
  • o galego con acento africano
  • A Coruña, gústasme ti
  • que non nos coma a lingua o gato
  • o seseo (e a gheada, e o rotacismo...)
  • poder entenderme en galego con máis de 200 millóns de persoas
  • como empezan a falar galego @s pequerrech@s
  • que me entren en galego ;-)
  • que o galego me acompañe sempre
Algúns dos lemas do concurso organizado no centro: Gústame...



E así recolleron a noticia dende Radiofusión Fene

viernes, 26 de abril de 2013

Os Nosos Venres Musicais (LXXVI)


Viaxe a Ítaca

Cuando emprendas tu viaje hacia Ítaca
debes rogar que el viaje sea largo,
lleno de peripecias, lleno de experiencias.
No has de temer ni a los lestrigones ni a los cíclopes,
ni la cólera del airado Posidón.
Nunca tales monstruos hallarás en tu ruta
si tu pensamiento es elevado, si una exquisita
emoción penetra en tu alma y en tu cuerpo.
Los lestrigones y los cíclopes
y el feroz Posidón no podrán encontrarte
si tú no los llevas ya dentro, en tu alma,
si tu alma no los conjura ante ti.
Debes rogar que el viaje sea largo,
que sean muchos los días de verano;
que te vean arribar con gozo, alegremente,
a puertos que tú antes ignorabas.
Que puedas detenerte en los mercados de Fenicia,
y comprar unas bellas mercancías:
madreperlas, coral, ébano, y ámbar,
y perfumes placenteros de mil clases.
Acude a muchas ciudades del Egipto
para aprender, y aprender de quienes saben.
Conserva siempre en tu alma la idea de Ítaca:
llegar allí, he aquí tu destino.
Mas no hagas con prisas tu camino;
mejor será que dure muchos años,
y que llegues, ya viejo, a la pequeña isla,
rico de cuanto habrás ganado en el camino.
No has de esperar que Ítaca te enriquezca:
Ítaca te ha concedido ya un hermoso viaje.
Sin ellas, jamás habrías partido;
mas no tiene otra cosa que ofrecerte.
Y si la encuentras pobre, Ítaca no te ha engañado.
Y siendo ya tan viejo, con tanta experiencia,
sin duda sabrás ya qué significan las Ítacas.
Konstantínos Kaváfis

Hoxe, luns 29 de Abril, Kaváfis cumpliría 150 anos e, casualmente, fai 80 do seu pasamento!!
Konstantino Kaváfis, un dos grandes poetas do século XX

martes, 23 de abril de 2013

Exposición de Novidades no Día do Libro

Así recibiu a rapazada a marabillosa exposición de novidades organizada para celebrar o "Día do Libro"...

Día do Libro e dos Dereitos de Autor (II)

O "Día Mundial do Libro e dos Dereitos de Autor", é unha xornada moi especial para todos os que amamos os libros e a lectura, e no Segrel queremos celebrala.

Organizamos unha exposición ben especial porque, como afirma Irina Bokova, Directora Xeral da UNESCO, na súa mensaxe con ocasión desta data que estamos a celebrar, "Os Libros son os nosos aliados para difundir a educación, a ciencia, a cultura e a información en todo o mundo"

Unha exposición que completamos cunha serie de citas sacadas dalgúns dos libros lidos nos Clubs de Lectura do Segrel, tanto no de pais e nais como no de alumnado, ao longo destes seis últimos anos. Son citas que nos falan da paixón polos libros e a lectura, de amores e desamores, doutras épocas, doutras culturas,  de relacións humanas,  en definitiva, da vida, e que queremos compartir con todos vós.

"Por grandes e profundos que sexan os coñecementos dun home, o día menos pensado atopa nese libro que menos valor ten aos seus ollos, algunha frase que lle ensina algo que ignora"




E por suposto que aí están tamén os Proxectos que o alumnado de 2º e 3º de ESO elaborou durante o 2º trimestre na materia de Inglés "My favourite book".


Con motivo desta celebración, e como xa ven sendo habitual nestes últimos anos, a Asesoría de Bibliotecas Escolares de Galicia, edita un marcapáxinas cun texto orixinal, nesta ocasión escrito por Paula Carballeira, no que se fala do valor do libro e a lectura.

Día do Libro e dos Dereitos de Autor (I)

Hoxe, 23 de Abril, Día do Libro, e para celebrar esta data como se merece, temos unha sorpresa moi especial para todos vós, os membros da nosa comunidade educativa, unha extraordinaria colección de Álbumes Ilustrados, cómics e algún libro moi especial de pintura, cine, poesía... que sabemos que apreciaredes.

Pasade pola exposición e botádelles unha ollada. Atoparedes fermosos textos de Rudyard Kipling, Emily Dickinson, Paula Carballeira; os mundos fantásticos de Lewis Carrol e JRR Tolkien, ou o terror de  Edgar Allan Poe. Coñeceredes un pouco máis a xenios como Van Gogh, Charlot ... e disfrutaredes duns marabillosos álbumes ilustrados, obra dalgúns dos máis grandes ilustradores, como son Benjamin Lacombe, Rebecca Dautremer, Jimmy Liao, Sahun Tan, Mauro Evangelista ou Sonja Danowski, entre outros. Todos eles verdadeiros agasallos para a vista.

Velaquí tedes unha selección das últimas novidades que atoparedes na exposición. Que as disfrutedes!!

FELIZ DÍA DO LIBRO!!

Estamos de Aniversario!!

Hoxe, estamos de aniversario no Segrel. Foi un 23 de abril do ano 2007 cando, da man do noso benquerido amigo Antonio Alonso, entramos a formar parte deste tolemia colectiva que aínda é a blogosfera. E para celebralo pensamos que era bo botar a vista atrás e velaí tedes, seis anos en poco máis de catro minutos. É unha pequenísima pincelada do que estivemos a argallar estes anos... 

Grazas a tod@s os que o facedes posible día a día!!




sábado, 20 de abril de 2013

Club da Rapazada de 3º e 4º de ESO

O pasado martes, e como ven sendo habitual dende que comezou o curso, cada terceiro martes de mes
reunímonos o club de lectura de 3º e 4º de ESO.

Case todos quedamos a comer no centro, un bo momento para compartir pizzas e risas antes de compartir lecturas. Nesta ocasión acompañounos un sol radiante e, despois do inverno que pasamos, non estabamos dispostos a comer dentro, así que collimos todos os petates e, aínda que non temos moito campo, parece mentira estando onde estamos...., decidimos aproveitar o recunchiño a carón das pistas e disfrutar das marabillosas vistas da Ría de Ferrol.

Pero como Aitor, e algún outro, seique non aguantan a pleno sol... a sesión do club a fixemos como sempre, na biblioteca. Nesta ocasión comentamos Maus, unha novela gráfica que a todos lles gustou incluso houbo quen a elixiu como unha das súas favoritas, senón a favorita.

Este curso dedicámonos a ler cómic e novela gráfica, o que nos dou bastantes quebradeiros de cabeza para facernos cun exemplar para cada un, xa que somos 20 e, dado o elevado custo destes exemplares, non podemos mercar máis dun exemplar para o centro. Pero botamos man dalgún centro amigo e sobre todo da BM de Fene e a BM de Redondela que dispoñen dun bo fondo. A todos eles agradecerlles a súa extraordinaria colaboración.

Nesta xuntanza, a penúltima xa do curso, fixemos algo que non é habitual, pero debido ao que vimos de expoñer decidimos que nesta ocasión cada un de nós levara un título distinto a escoller entre o noso fondo de cómic que é bastante bo. 


Boa selección, non si?

Álbum fotográfico da Xornada


lunes, 15 de abril de 2013

Con "Olga Uzal" na Guinea dos 60

A reunión do Club de lectura de pais e nais do martes pasado levounos da man de Olga Uzal, e acompañadas dun bo café e unhas deliciosas lambonadas, a terras africanas .

A nosa última lectura foi "Palmeras en la nieve" de Luz Gavás. Unha novela que nos adentra na vida daqueles emigrantes españoles dos anos 50 que chegaron á entonces Guinea Española en busca dun futuro mellor. Mentras comentabamos esta lectura, Alsira, membro do club, falounos dunha prima do seu home que vivira na Guinea nos anos 60, nin que decir ten que o primeiro que lle pedimos foi que a invitara a unha das nosas xuntanzas para contarnos as súas experiencias neste país africano, e o pasado martes Olga veu a O Segrel.

A súa é a historia dunha muller casada cun militar destinado en Cartaxena que chega a Santa Isabel, hoxe Malabo, como celador de porto a finais dos anos 60 onde pasan, xunto aos seus tres fillos, cinco anos, os dous últimos nas oficinas militares en Bata, naquel momento a capital.

Olga falounos da súa magnífica relación cos nativos, atentos e agarimosos e que "nunca me devolveron mal por ben" aínda que tamén nos contou que non todos os trataban moi ben... Vivía nunha casa de dúas plantas, no seu baixo vivía unha familia de Chanteiro, na que tiña tres rapaces, "boys" como se chamaban daquela, que facían as tarefas domésticas, porque as mulleres so se encargaban de atender ao pequenos. 

Contounos algunhas anécdotas como a daquel día recén chegada cando un rapaz que non tería máis de cinco ou seis aniños, chegou á súa casa completamente espido e cunha cesta chea de laranxas. Ela  vestiuno coa roupa e as sandalias dun dos seus fillos e mercoulle a cesta de laranxas. Ao día seguinte volveu a aparecer o rapaz con outra cesta de laranxas e cando ela lle dixo que tiña laranxas dabondo para unha semana o rapaz contestoulle que eran un regalo. 

Durante a súa estancia dedicouse a preparar a rapaces para facer o ingreso. Entre os seus alumnos tivos aos fillos de Macías "Un oficinista que chegou ao poder de casualidade"

Foi unha etapa moi feliz da súa vida e do único que non garda moi bo recordo é dos tornados, "cando chegaban o día tornábase en noite".

Un encontro extraordinario que nos mantivo tres horas, as reunións sempre son dúas.., moi atentos a todo canto Olga nos ía contando quen respostou á chea de preguntas que todos lle queríamos facer. Dende aquí o noso agradecemento a esta muller que compartiu con nós as súas particulares "Memorias de África"

Para saber máis
   Álbum fotográfico do Encontro


domingo, 14 de abril de 2013

Bellón-Maceiras "Músicos Solidarios"

Daniel Bellón e Diego Maceiras (ex-alumnos do IES de Fene) dous extraordinarios músicos e, aínda se cabe mellores persoas, que aquí podedes escoitar durante a súa participación no tema Amazing Grace coa orquesta de Músicos Solidarios "Voces para a Paz"


Blog BellónMaceiras

miércoles, 10 de abril de 2013

Poesía, Poesía por un Tubo!!

Poesía por un Tubo!! Que diría o noso admirado Carlos Negro, porque o segundo trimestre estivo adicado á poesía, aínda que a celebración do Día da Poesía no Segrel, por mor da Semana Santa, decidimos pospoñelo á volta deste período vacacional.

O mes de marzo, comezou da man de Carlos Negro que pasou con nós o martes día 5. Primeiro foi un obradoiro para a rapazada do Club de lectura de 3º e 4º de ESO e despois as Xornadas de Lectura Literaria organizadas polo CFR de Ferrol. Un bo comenzo, non si?

En 4º de ESO, na materia de inglés, o alumnado traballou nun proxecto sobre "Música e Poesía" que os achegou a poemas de Neruda, Shakespeare, Poe, Oscar Wilde, Yeats, William C. Williams, Jack Prelutsky, Ted Hughes, Langston Hughes, Roald Dahl. Poemas que non só analizaron senón que tamén se encargaron de ilustrar. Unha experiencia extraordinaria que fixo posible que ese primeiro rexeitamento a desenvolver un proxecto arredor da poesía desaparecera completamente segundo ía tomando forma, e como proba aquí tedes o resultado. Estupendo, non si?


Cos proxectos do alumnado de 4º de ESO, o material elaborado polo alumnado de 3º e 4º no obradoiro con Carlos Negro, unha pequena escolma de poemas e caligramas e unha boa selección dos fondos da nosa biblioteca organizamos unha exposición que completamos cunha pequena actividade a desenvolver no "Recuncho da Poesía" onde todos aqueles membros da nosa comunidade que así o desexen poderán intercambiar poemas tanto de creación propia como doutros autores.
Aquí a tedes...

martes, 9 de abril de 2013

José Luis Sampedro - In Memoriam

Crédito da Imaxe

"Traballei moito para ser o que son, un aprendiz de min mesmo"

"O diñeiro é o deus desta sociedade capitalista"

"O noso tempo é para min, esencialmente, un tempo de barbarie. E non me refiro so a violencia, senón a unha civilización que ten degradado os valores que integran a súa natureza. 
Un valor era a xustiza"


A noticia na prensa:



lunes, 8 de abril de 2013

Sara Montiel "Un Fito da súa Época"

Hoxe morreu o último gran mito do cine español, Sara Montiel, a primeira actriz que conseguiu entrar na Meca do Cine, nun tempo onde "abrir portas" era ben complicado, senón mesmo imposible, especialmente sendo muller...

Así recollen os medios a noticia:
El País
Especial El País
El Confidencial
ABS.CBN News
MSN.News
The Hollywood Reporter
The Inquisitr
The News

E non vos perdades á gran Sara cantando "Eu de Marin Ausenteime..." (Minuto 2.04) na película "El último tango" dirixida por Luis César Amadori (1960) Vía

Related Posts with Thumbnails