lunes, 31 de diciembre de 2012

Feliz 2013 !!


viernes, 21 de diciembre de 2012

Un Nadal Solidario!!

En tempos de crise hai que botar unha man a quen máis o está a necesitar e nesta ocasión a solidariedade foi cos máis próximos, cos veciños e veciñas do noso Concello.

A 2ª Chocolatada Solidaria, que celebramos hoxe como remate do trimestre, e a recollida de alimentos, que levamos a cabo durante toda esta semana,  amosaron a sensibilidade dos membros da nosa Comunidade Educativa os verdadeiros artífices de que este tipo de iniciativas saian adiante. 

E non hai Nadal que se prece que non reciba a visita de Papá Noel  e nós, non íamos a ser menos, non si? Como, que queredes saber cales foron as peticións que lle fixemos? Pois cales ían ser, as mesmas que todas e todos vós tedes agora na cabeza. Xa veremos se nolas concede. Aínda que tal e como están os tempos, non sei eu se Papá Noel será quen de facer tales miracres... Xa veremos!

miércoles, 19 de diciembre de 2012

Suxestións de Lecturas para o Nadal

Chega o Nadal e con el, como xa ven sendo habitual, as nosas suxestións de lectura, cine, música e, por primeira vez, e non será a última, adentrámonos no mundo dos videoxogos, para que este sexa realmente, un Nadal "de todo tipo" de lecturas compartidas.

Que as disfrutedes!!



viernes, 30 de noviembre de 2012

Debate: "Bibliotecas en la Era Digital"

miércoles, 28 de noviembre de 2012

Roteiro Plambe-Ferrolterra (XII) CEIP Unión Mugardesa

Hoxe celebramos a segunda xuntanza do Plambe-Ferrolterra do curso e nesta ocasión achegámonos ata o CEIP Unión Mugardesa.

Nada máis chegar recíbenos un enorme lazo contra a Violencia de Xénero e xa na entrada do centro un cartel coas ilustracións feitas polos pequerrechos de 5º e 6º, e unha exposición baixo o lema "Aprende a quererte", femoso, non si? E xa dentro da Biblioteca do Dragón, decorada de outono e presidida pola súa mascota, o dragón Dominicus, marabillosos libros de poemas, álbumes ilustrados, diccionarios ilustrados feitos polos máis pequenos, libros informativos... todo feito con moito agarimo, tanto como co que nos recibiron.

Despois de mirar e remirar en cada recuncho e de facer unha pequena "memoria" do acontecido co proxecto do Bubisher que algunhas das bibliotecas de Ferrolterra levamos a cabo o curso pasado, chegaron o café e as larpeiradas e un interesantísimo libro "A Unión Mugardesa de Instrución" e un marcapáxinas co que nos agasallaron. Nós levámoslles "El Pequeño teatro de Rebecca" de Rebecca Dautremer, un pequeno recordo do noso paso por esta biblio e a súa fantástica "bibliotecaria"

Grazas polo recibimento. Ata sempre!!

domingo, 25 de noviembre de 2012

jueves, 22 de noviembre de 2012

Portobello, porque me peta!


Alumnado do Instituto Español Cañada Blanch en Portobello (Londres) na área de Lingua Galega ánima a xente da rúa a ler a "Celso Emilio Ferreiro" en Galego. 

Orgullosos da nosa cultura!!

Parabéns a ese fantástico profe e á rapazada por este marabilloso xeito de facer país!!

Graciñas Pablo!!

martes, 20 de noviembre de 2012

Medios de Desinformación - Rosa María Calaf


- "Ser un lector responsable"
- "Promover o espíritu crítico na rapazada"
- " A tecnoloxía como ferramenta"
- "Ser activos con coñecemento"
- "Reflexionar, questionar..."
- "Basar as nosas opinións en feitos contrastados..."

- Información honesta, plural, transparente, respectando as diferenzas..."

Mensaxe ben clariña de Rosa María Calaf unha grande profesional dos medios da que non deberíamos perder nin un so segundo dos 08.08 minutos que dura este vídeo ao que chegamos a través de Comunidade Cuadernalia.




20 Novembro: "O Humor e os Dereitos da Infancia" III

Para conmemorar o "Día dos Dereitos d@s Nen@s" en O Segrel temos unha fantástica exposición, "O Humor e os Dereitos da Infancia", cedida polo Museo do Humor de Fene. Exposición baseada na "Declaración dos Dereitos d@ Nen@" de 1959 que trata o tema destes Dereitos en clave de humor. 

Son 28 debuxos de 19 debuxantes (14 homes e 5 mulleres) de 10 países (España, Azeirbaijan, Arxentina, Brasil, Colombia, Cuba, Grecia, Italia, Perú e Suecia) que o Museo do Humor de Fene cede a todos os centros que desexen dispor dela e que estará no IES de Fene ata o 30 deste mes.


Para traballala máis fondamente preparamos unha serie de actividades nas que tratamos os dereitos da infancia, o humor gráfico... que serán desenvolvidas dende as titorías e nalgunha outra materia. 



20 de Novembro "Día dos Dereitos d@s Nen@s" II

20 Novembro: "Día dos Dereitos d@s Nen@s" I

Conferencia en TED da fotógrafa Lisa Christine sobre a escravitude no século XXI. Lisa pasou dous anos viaxando polo mundo para documentarse sobre a incriblemente dura realidade da escravitude hoxe en día.  As súas fotografías pretenden iluminar a vida e a difícil situación dos 27 millóns de persoas escravizadas polo mundo.
"Espero que estas imaxes esperten nos que as vexan unha forza que acenda un lume que bote luz sobre a escravitude, porque sen esa luz a besta da escravitude pode seguir vivindo nas tebras"
Lisa  Christine
"So seremos realmente libres cando aqueles sometidos á lacra da escravitude sexan finalmente liberados"
Desmond Tutu

miércoles, 14 de noviembre de 2012

miércoles, 31 de octubre de 2012

Cine de Terror para o Samaín

Chega o Samaín, bo momento para facer unha pequena compilación dalgunhas das mellores películas de terror de todos os tempos e das súas bandas sonoras. Non están todas as que son, pero sí son todas as que están...

viernes, 26 de octubre de 2012

miércoles, 24 de octubre de 2012

Roteiro Plambe-Ferrolterra XI "O Segrel do Penedo"

Nesta xornada de celebración do Día das Bibliotecas Escolares, as coordinadores e coordinadores dun bo número de bibliotecas da comarca de Ferrolterra incluídas no Plambe, reunímonos no Segrel nesta primeira xuntanza do ano. Foi unha reunión ben especial xa que recibimos novas incorporacións e tamén porque nesta ocasión o resto d@s plambeir@s da comarca coñeceron aos membros do noso equipo da biblioteca do que tan orgullosos nos sentimos. 

Compartimos proxectos, ideas e actividades de formación a desenvolver ao longo do curso, distribuíronse as tres maletas viaxeiras das que dispoñemos na zona e, como non, falamos do principal atranco que atopamos na nosa labor cotiá, a falta de horas para levar a cabo o noso traballo.

E durante o café, que Gabriela se encargou de endulzar cun exquisito Brownie, agasalláronnos con "Swing Café" un fermoso álbum musical de Carl Norac e ilustrado por Rébecca Dautremer, que nos leva de viaxe ás orixes do jazz; Duke Ellington, The Mills Brothers, Slim and Slam, Don Redman, Lionel Hampton, Fats Waller, Vess L. Ossman, Cab Calloway e Ella Fitzgerald aparecen nun marabilloso escenario facendo as delicias dos que coma nós amamos o Jazz. Que ben coñecen as nosas debilidades!

Graziñas compañeir@s pola vosa visita, para O Segrel foi un verdadeiro placer recibirvos. Vémonos no CEIP de Mugardos o 28 de Novembro.

 

Antón Castro ou A Maxia da Oralidade

Esta mañá celebramos o Día das Bibliotecas Escolares cun amigo ben especial para O Segrel. Antón Castro, extraordinario músico e contador de historias que nos achegou á riqueza da nosa tradición oral. Foron dúas horas de música, historias e risas que fixeron patente, a través da maxia da oralidade, o lema deste día "Bibliotecas escolares para o pasado, o presente e o futuro" amosando o noso pasado máis rico nunha biblioteca do presente chea de rapazada, o noso esperanzador futuro. 

Dende aquí o noso agradecemento a Antón, a súa visita foi un marabilloso agasallo neste día de festa.

Día da Biblioteca Escolar


Hoxe, día 24 de outubro celébrase o "Día da Biblioteca Escolar" este ano baixo o lema "A Biblioteca Escolar, unha chave para o pasado, o presente e o futuro"Para nós "todos os días son os días da biblioteca escolar", más nesta ocasión, despois da renovación que no espazo da biblioteca estamos a levar a cabo dende o curso pasado, queremos celebrar este día dun xeito especial. 

Pola mañá disfrutaremos coa visita de "Antón Castro", extraordinario músico e contador de historias que nos achegará, un pouquiño máis, á nosa tradición oral. 

Pola tarde, celebraremos en O Segrel a primeira reunión deste curso do Plambe-Ferrolterra.  

Unha xornada festiva, da que vos daremos cumplida conta.

CADA DÍA MÁIS E MELLORES BIBLIOTECAS ESCOLARES!!

domingo, 21 de octubre de 2012

Comezamos!!

Así é! O Segrel bota a andar e este curso facémolo con moitas novidades que queremos presentarvos. Un novo membro no grupo de profes da biblio, mobiliario totalmente renovado, nova sección de música que levábamos tempo desexando organizar, un pequeno punto de lectura á entrada do instituto, o punto de lectura da sala de profesores cunha nova sección de revistas profesionais... en fin, o que vos dicía, moitas novidades que pouco a pouco irémosvos amosando. So dicirvos que o mércores, "Día das Bibliotecas Escolares" temos organizada unha gran sorpresa, a nosa particular inauguración deste renovado Segrel!!

viernes, 22 de junio de 2012

Suxestións de Lectura, Cine e Música para o Verán!!

Chega o final de curso, as ansiadas vacacións, e velaí tedes as nosas Suxestións de lectura, cine e música. Y é que a nós, tanto nos ten se estamos na praia ou na montaña, a carón dun dos nosos marabillosos ríos ou de viaxe coa familia e os amigos, en calquera lugar e en calquera momento, o cine, a música e un boa lectura, sexa en papel, e-book, no iPad... sempre nos proporciona momentos máxicos. Asi que aquí tedes unha pequena selección de cómic, narrativa, álbumes en inglés, divulgación, cine e música de entre os múltiples e variados fondos da nosa biblioteca escolar.

Ven a visitarnos e leva a túa bolsa para o verán.

Podes levar cantos títulos desexes!!




sábado, 2 de junio de 2012

As Mochilas Viaxeiras voltan a "O Segrel"

O pasado venres voltaron as Mochilas Viaxeiras que dende o pasado mes de febreiro, cando comezaron o seu roteiro, fixeron cada unha delas catro viaxes ás casas do noso alumnado de 1º e 2º de ESO.

A experiencia, despois destes cinco anos segue a ser moi positiva como así o confirman os comentarios que as familias nos fan nos libriños que se inclúen nas mochilas:

  • "Unha boa iniciativa para promover a lectura"
  • "Un gran método para intentar que os nenos lean algo e tamén para que se reunan e falen coa familia acerca dalgún dos libros propostos"
  • "É unha actividade moi interesante porque permite compartir lecturas e ver e comentar o cine e a música en familia"
  • "Parécenos unha boa idea xa que nos permite poñernos en contacto con novas suxestións de libros, cine e música"
  • "A nós parécenos unha moi boa idea xa que é unha forma de divertirse e disfrutar en familia"
  • "Penso que é unha actividade complementria moi válida, porque permite fomentar a lectura de obras ben distintas"
  • "É unha actividade moi boa con grandes libros que me encantan"
  • A idea de incluir na mochila o protocolo para consultar os fondos da biblioteca parécenos moi acertada"
No que tamén nos informan dos libros que máis lles gustaron: En primeiro lugar figura a revista National Geographic, seguida dos libros de divulgación 

En canto ás suxestións que nos fan destaca o apartado dedicado á música, onde propoñen se inclúa “música máis de moda”… e tamén hai quen bota en falta “algún material en inglés

Este curso destaca a falta de queixas... ata agora sempre aparecía "o peso" das mochilas, que evitamos rebaixando os materiais incluídos, e a falta de tempo que tamén se solucionou ampliándoo cando así o pediron as familias.

Libro incluído na Mochila Viaxeira de 2º de ESO





jueves, 17 de mayo de 2012

Día das Letras Galegas IV

E tras a presentación das actividades, compre amosar ao noso alumnado e profesorado "disfrutando" do Día!!



Graciñas a tod@s pola vosa magnífica participación

Día das Letras Galegas III

Dentro das actividades desenvolvidas para a celebración do Día das Letras é xa un clásico a "Xincana Cultural", actividades de busca de información elaboradas por distintos departamentos didácticos, aos que dende aquí amosamos o noso agradecemento: Lingua Galega, Ciencias, Clásicas, Tecnoloxía e Historia.

Xincana 1º e 2º de ESO


Xincana 3º e 4º ESO

Día das Letras Galegas II

No Segrel do Penedo, como ven sendo habitual, o Día das Letras Galegas é un día grande, un día de celebración e este ano esa celebración tivo lugar onte. Este é o noso calendario de actividades:


Velaí tedes a ligazón á Webquest "Paz Andrade: Galeguidade e Empresa" que, como cada ano, elaboramos para esta data. (Entrade como convidados)


         E como non, á escolma de poemas que compoñen o libro "Poesías para un Día" que o alumnado de 1º e 2º de ESO debe completar nesta xornada de celebración da nosa cultura e a nosa lingua.

Día das Letras Galegas I

Hoxe, 17 de maio, celebramos o quincuaxésima edición do Día das Letras Galegas, pero sabedes "Cando e como xorde a idea?" e "Quenes son as figuras homenaxeades nestes 50 anos?". Máis información sobre a Historia do Día das Letras

Este ano adícaselle á figura de Valentín Paz Andrade, xornalista, poeta, xurista, político, empresario... un home comprometido co seu país. Na páxina da Secretaría Xeral de Política Lingüística atoparedes unha boa mostra dos materiais elaborados sobre a figura deste insigne Galego.

Imaxe do Primeiro Cartel do Día das Letras Galegas. Fonte RAG


viernes, 4 de mayo de 2012

Os Nosos Venres Musicais (LXXIII)


O pasado luns, 30 de abril, celebrouse o "Día Internacional do Jazz"

Esta data foi establecida pola UNESCO durante a súa Conferencia Xeral do pasado mes de novembro como símbolo intercultural e facilitador do entendemento entre os pobos.

Dende O Segrel, imos dedicar este venres musical ao Jazz, o modo de expresión para os que sufriron a escravitude, un verdadeiro símbolo de liberdade.




viernes, 27 de abril de 2012

Os Nosos Venres Musicais (LXXII)

Neste novo venres musical queremos achegarvos o proxecto musical "Desert Blues" que reune a músicos como "Habib Koité", "Afel Bocoum" e "The Tuareg-Women-Ensemble Tartit" de Timbuktu.

Todos os músicos son poetas e tocan instrumentos tradicionais como o Tinde, Tehardant, Balafon, Imzad, pero tamén guitarras eléctricas. Fusionan ritmos africanos e blues co obxectivo de transmitir a través da música unha mensaxe de paz, entendimiento e tolerancia.

miércoles, 25 de abril de 2012

"El elefante encadenado" por Jorge Bucay




Sempre que pensemos "Non sei", "Non podo" 
Cambiémolo por un "Si que sei", "Si que podo"
e INTENTÉMOLO UNHA E OUTRA VEZ ATA CONSEGUILO!!

martes, 24 de abril de 2012

O Día do Libro en O Segrel

Nesta ocasión, en O Segrel decidimos facer unha exposición múltiple na que poder achegar aos membros da nosa comunidade exemplares de distintas temáticas entre as que destacamos:
Álbumes
Libros de Ciencia
Teatro
Información
A Nosa Cultura
Centenario Celso E. Ferreiro
Outras Culturas
Música
Arte
Historia
Cine
Narrativa
Banda Deseñada

Esta exposición a completamos cos libros favoritos de alumnado e membros do Club de Lectura de pais e nais, para o que puxemos en práctica a idea que o noso admirado Agustín Fernández Paz propón na súa fermosa novela "O único que queda é o amor". O luns, Día do libro, todos os participantes nesta celebración recibiron un pequeno agasallo, unha bolsa coa mascota da nosa biblioteca, á que xa vai sendo hora que lle busquemos nome, non credes? Veremos logo de facer algo para solucionar este pequeno problema.

O cartel que ilustra esta entrada foi deseñado por Mariña Gándara Serantes alumna de 2º ESO para este día. Toda unha artista, non si? Dende aquí os nosos parabéns polo seu magnífico traballo.

Velaí tedes a reportaxe fotográfica do día...




lunes, 23 de abril de 2012

23 de Abril: Día do Libro II

Con motivo do Día do Libro, Agustín Fernández Paz un dos escritores galegos máis coñecido e recoñecido, ven de agasallar ás Bibliotecas Escolares Galegas con este fermoso texto que nos chega a través da Asesoría de Bibliotecas Escolares e que queremos compartir con todos e todas vós.


23 de Abril: Día do Libro

Hoxe, día 23 de Abril, celebramos o Día do Libro e para O Segrel, dende hai anos, a celebración ten un sentido moi especial, porque nesta data, fai hoxe 5 anos xa, saímos á blogosfera. O Segrel do Penedo saía á web nunha data especial, e a partir de aí chegaron as Redes Sociais e fixemos a nosa entrada en Twitter o 23 de abril de 2009, e ao ano seguinte, 23 de abril de 2010 creamos o noso perfil en Facebook.

O 23 de abril no Segrel estamos de cumpreanos por partida triple. Que o noso son os libros, a lectura e a información non ten lugar a dúbidas, non si?

Dende aquí Feliz Día do Libro e graciñas por acompañarnos nesta fantástica andaina que fai que o noso traballo sexa cada día mellor, ou polo menos esa é a nosa intención.

E para celebralo, fixemos unha pregunta ao noso alumnado e aos membros do club de lectura de pais e nais de O Segrel, "Cal é o voso libro favorito?" unha pregunta que non é tan doado contestar, pero velaí tedes as súas respostas...





Fantásticos favoritos, non creedes? E vós, xa o tedes elixido? Se queredes participar con nós só tedes que enviarnolo a osegreldopenedo@gmail.com e entrará a formar parte dos que xa están a decorar a exposición que mañá vos achegaremos.

Pintura obra de Hermann Kaulbach

O Libro Na Pintura




"O Libro" a través dos tempos, dos estilos, das culturas...


"O Libro na Pintura"


Disfrutadeo e "Feliz Día do Libro"


Vía Pinterest

Manifesto: Para un ambiente de lectura na escola

Coincidindo co Día do Libro 2012, que se celebra hoxe, 23 de Abril, existe unha iniciativa impulsada por Luis Arizaleta (especialista en lectura e desenvolvemento de iniciativas culturais), que nos fai reflexionar aos que subscribimos, sobre o que el coñece desde hai máis de vinte anos: o ambiente de lectura na escola, e é ese o nome do manifesto que vos invito a ler.

Son 12 puntos moi breves pero que, de telos realmente presentes, suporía un verdadeiro replantexamento da experiencia lectora, persoal e cultural dos nosos rapaces e rapazas. Para eso nos diriximos a toda a amplia comunidade vinculada coa lectura: escritores, mediadores, contistas, narradores, pais e nais, editores, profesionais da educación...

Aínda que sempre oímos aquelo de “neso todos estamos de acordo” o certo é que no mundo vinculado ao libro e á lectura hai moita palabrería e adorno estéril, pero tamén temos que decir que hai moita xente traballando, no noso país e máis alá del, para que as cousas non sexan así. Sabemos que hai unha corrente forte e consolidada de xente que traballa para que os pequenos, medianos e maiores vivan a lectura con pracer e sabemos que, ademáis, o consiguen. E non deixa de ser significativo que xunto a todas esas persoas, que irán en aumento, ou non, non tiveran dúbida en estampar a súa su firma xente como Francesco Tonucci, ou escritoras como Rosa Aneiros ou Fina Casalderrey, de entre un grupo de 108 profesionais relacionados coa lectura.

O dito, propóñovos a súa lectura:
Texto vía Vilán






Nós xa o temos asinado, se vós tamén queredes facelo so tedes que entrar nesta ligazón.


Cartel: Mariña Gándara Serantes (2º ESO)

domingo, 22 de abril de 2012

Campaña Fomento da Lectura

E Ti...? Onde les e con quen?





Os nosos parabéns aos compañeiros do IES Lamas de Quendas por esta extraordinaria Campaña de Fomento da Lectura que hoxe, véspera do Día do Libro, queremos achegarvos .

sábado, 21 de abril de 2012

Neira Vilas pregoeiro en Ferrol

O pasado xoves inaugurouse a "XXIII Feira do Libro de Ferrol - Festa da lectura, o libro e a palabra" que estará aberta ata o 24 de abril. Nesta ocasión está dedicada a Rosalía de Castro con motivo do 175 aniversario do seu nacemento.

O pregón correu a cargo dun dos grandes das nosas letras, Don Xosé Neira Vilas que comezou facendo un percorrido pola historia de Ferrol, dende a orixe do seu nome ata facer unha fermosa lembranza do papel da emigración especialmente dos Ferroláns e Ferrolás como Ramón Castro, Pablo Iglesias, Calixto Loira, Bartolomé Crespo Borbón precursor do teatro en Cuba, Concepción Arenal, Xosé Fontenla Leal impulsor da Real Academia Galega e quen animou a Pascual Veiga e a Eduardo Pondal para que lle escribisen a letra e a música do Himno Galego estreado na Habana en 1907 e a quen homenaxea no seu ensaio "100 anos do himno galego" editado pola editorial ferrolá Embora e que presentou tras o pregón.

Falou do valor dos libros e a lectura "a lectura nos converte en homes e mulleres de ben" e lembrou a Cicerón "un fogar sen libros é como un corpo sen alma".

Facendo referencia a esta crise que nos está a afogar "unha crise económica, moral e de valores" dixo que "a cultura é o posible remo de salvación neste gran naufraxio" e falou dos "libros como sosego e serenidade nestes tempos tan complexos"

A pesar da choiva e do tempo tan desagradable que había no exterior, no interior da pequena carpa colocada no Cantón de Molíns o ambiente era moi cálido e agradable, porque se ler a Neira Vilas sempre supon un marabilloso viaxe no tempo no que achegarnos ás nosas tradicións, á nosa xente, á nosa cultura... escoitalo sempre é un enorme placer, xa que a súa conversa, sempre chea de anécdotas, onde amosa o seu grande amor pola literatura e por Cuba é un aloumiño que nos chega ao corazón.

Moitísimas grazas Don Xosé, tras máis de hora e media disfrutando da súa palabra, quedamos agora inmersos na lectura do seu último libro "Esperando o leitieiro" que xa nos ten enganchados dende a primeira páxina.


viernes, 20 de abril de 2012

Os Nosos Venres Musicais (LXXI)

"READ A BOOK" - "LE UN LIBRO"

domingo, 15 de abril de 2012

Actividade Día do Libro "O meu libro favorito"


Unha das actividades propostas para o Día do Libro consiste en facer unha compilación dos nosos libros favoritos, os libros favoritos de todos aqueles que queirades participar sexades ou non membros da nosa comunidade educativa, os voso favoritos seráns moi ben recibidos. Poden ser libros escritos en calqueira lingua, vós elixides en galego, castelán, portugués, inglés, etc, etc, etc

Somos conscientes de que é un verdadeiro desafío, é moi difícil elixir un só libro entre tantos que nos veñen á cabeza cando intentamos pensar nun só deles, pero algún ten que ser, por algún motivo, o que sexa, e se ves que tes dous ou tres aos que nin queres nin podes renunciar, xa sabes, envíanolos todos e asunto arranxado...

Para facelo só hai que baixar o documento que aparece nesta entrada, completalo seguindo as instrucións que nel aparecen e envialo ao correo do segrel (osegreldopenedo@gmail.com) antes do xoves día 19 deste mes para que o luns 23 poidan estar na exposición.

Agardamos a vosa participación.

Grazas!!

Baixar o documento Clica na ligazón, abrirase o documento, clica en "download" e xa o terás no teu equipo. Sigue as intrucións e envíanolo ao correo do Segrel.

viernes, 6 de abril de 2012

martes, 3 de abril de 2012

Mingote "In Memoriam"

Esta é a nosa pequena homenaxe a un dos grandes dibuxantes españoles que, coa súa fina ironía, soubo retratar a historia do país durante a segunda mitade do século XX.

"Yo no trabajo con inspiración, trabajo con reflexión"



lunes, 2 de abril de 2012

Día Internacional del Libro Infantil

A nosa suxestión para este día e para sempre... "Mis abuelos y yo"
Unha aventura persoal onde os avós son os protagonistas

Un álbum de Ángels Farré, ilustrado por Noemi Villamuza, que trata de que avós e netos constrúan xuntos a súa propia historia, facendo aos avós pescudar nas súas lembranzas aqueles acontecementos e sentimentos que teñen marcado a súa vida. Unha aprendizaxe para os pequenos sobre a experiencia de quen os quere e cuida. Unha fermosa proposta de escritura compartida chea de emoción e tenrura.

Cartel e Mensaxe para conmemorar o Día do Libro Infantil


OEPLI

domingo, 25 de marzo de 2012

Xuntanza Gastronómica en Vide!!

Unha das nosas paixóns é a biblioteca escolar e como unha parte máis da biblioteca escolar, as xuntanzas gastronómicas coas responsables dalgunhas das mellores bibliotecas escolares galegas que, para o caso, é como dicir, das mellores do Estado. Este sábado tocaba repetir experiencia culinaria en As Neves para lembrar o sabor da lamprea en rolo (seca e cortada coma se fora fiambre). Mais este ano abandonamos o restaurante e dirixímonos, tras visitar a escola unitaria de Vide, á Casa da Auga, na parroquia de Vide, concello de As Neves.

A mestra, as mestras e as súas nais (as da escola, se entende) preparánronnos, con todo o amor do que é posible agasallar, un eterno xantar a base de empanadas, canapés, tortillas (ovos caseiros, con patacas, con xamón, con chourizo…) tortas de verduras, queixo, paté e logo, a lamprea con diversos tipos de ensaladiñas. De sobremesa: ademais duns fenomenais biscoitos, un licor café inconmensurable.

Tras o xantar, principiou a festa: dúas horas de música ao vivo a cargo das Pandereteiras de Vide. Impresionantes… cada ano fano mellor, aínda que nos pareza incrible. Como agradecer tanta xenerosidade?, tanta paixón polo "público"?, polo colectivo?

E que dicir desa mestra… desa FUNCIONARIA (así en maiúsculas, con orgullo do que somos, do noso traballo, e de para quen facemos o que facemos) que non sabe onde remata o seu traballo e principia a súa vida… que neste sábado parece que traballa e cando o luns abra o local de traballo seguro que parece que está de vacacións e feliz de convivir cos cativos na súa escola… E que escola…. Se hai que facer (¿) recortes que, por favor, a esta unitaria non a toquen.

Grazas Sabela. Grazas Lourdes. Grazas pandereteiras. Ata a próxima!




Artigo de Zapas do 42

viernes, 23 de marzo de 2012

miércoles, 21 de marzo de 2012

Educar (Gabriel Celaya)

Educar



Educar es lo mismo
que poner motor a una barca…
hay que medir, pesar, equilibrar…
… y poner todo en marcha.
Para eso,
uno tiene que llevar en el alma
un poco de marino…
un poco de pirata…
un poco de poeta…
y un kilo y medio de paciencia
concentrada.

Pero es consolador soñar
mientras uno trabaja,
que ese barco, ese niño
irá muy lejos por el agua.
Soñar que ese navío
llevará nuestra carga de palabras
hacia puertos distantes,
hacia islas lejanas.

Soñar que cuando un día
esté durmiendo nuestra propia barca,
en barcos nuevos seguirá
nuestra bandera
enarbolada.



Gabriel Celaya


Micropoemas



Micropoemas I from cocoe on Vimeo.

lunes, 19 de marzo de 2012

Bicentenario de "La Pepa"


Hoxe, 19 de marzo, celebramos o bicentenario de "La Pepa".
Se queredes ter máis información só tedes que navegar por este fantástico Popplet.
Dende O Segrel, o noso agradecemento á súa autora Begoña López Soto, coordinadora da Biblioteca do IES Fernando Esquío

sábado, 17 de marzo de 2012

Gabriel García Márquez toda unha lección!!

Gabriel García Márquez, premio Nobel de Literatura, ven de crear unha páxina en internet dende a que se poden descargar, de xeito gratuíto e legal, todas as obras e artigos deste autor universal. Toda unha lección ...!!


Vía

viernes, 9 de marzo de 2012

jueves, 8 de marzo de 2012

Día da Muller VI (Israel e Cisjordania)


Rematamos este percorrido polo mundo no Oriente Próximo coas mulleres de Israel e Cisjordania.

Día Internacional da Muller V (Noruega)


Chegámonos ao continente europeo e comezamos polos países nórdicos, por Noruega

Día Internacional da Muller IV (Canadá)


No noso percorrido polo mundo saltamos o charco e achegámonos ao Canadá

Día Internacional da Muller III (Nepal e Tibet)


No noso percorrido polo mundo pasamos ao continente asiático e achegámonos ás condicións de vida das mulleres de Nepal e do Tibet

Día Internacional da Muller II (Exipto)


Seguimos o noso percorrido polo mundo no continente africano e nesta ocasión achegámonos ás condicións de vida das mulleres exipcias

Día Internacional da Muller I (Etiopía)


Hoxe, Día Internacional da Muller, dende O Segrel queremos facer a nosa pequena homenaxe a todas as mulleres que en calquera parte do mundo están a loitar por sobrevivir, por facer deste un mundo mellor e máis xusto.

Por todas elas, por todas nós!!


Faremos un percorrido achegándovos ás condicións de vida das mulleres de distintos países e comezamos polo continente africano, coas femosísimas, fortes e loitadoras mulleres etíopes.

miércoles, 7 de marzo de 2012

Roteiro polas Bibes Ferrolterra (VIII) - IES Fragas do Eume

O martes 14 de febreiro, vaia data máis agarimosa, non si?, e como ven sendo habitual dende hai xa algúns anos, o grupo de bibliotecas escolares do Plambe-Ferrolterra reunímonos para coordinar actividades, colaborar en proxectos..., en definitiva compartir experiencias e, nesta ocasión, compartimos tamén unha fantástica cea servida polo alumnado do Ciclo Superior de Hostelería do IES Fragas do Eume, centro ao que lle tocaba organizar a reunión e Glarifa, a coordinadora da biblioteca, vaia que se a organizou, tan alto deixou o listón que agora non hai quen quera facer a seguinte... ¡!

Foi un exquisito menú típico da época:

Entrantes (táboa de queixos galegos, empanada de zamburiñas e bacallau, minipreñados de chourizo, chulas de cabaza con anchoa, crema de cabaza e bocados de tortilla) e un delicioso cóctel.

Cocido galego regado con Rioxa Vinestral e Albariño Xelmírez

Postres de Entroido (filloas recheas, orellas e frores de entroido), Petiscos doces de San Valentín (froitas da paixón, crema catalana e mousse de fresa) e fondue de froitas, café e licores.

Hmmmmm, todo estaba delicioso!! Os nosos parabéns a profesorado e alumnado polo seu magnífico traballo. Quedamos convidados!!

Pero esta cita, como non podía ser menos, comezou cun percorrido pola biblioteca escolar. Unha biblioteca moi ampla, con espazos ben diferenciados á que non lle falta detalle algún.


Para nós foi un verdadeiro placer a visita ao Fraguas do Eume e por suposto en compañía das bibliotecas escolares da comarca.


sábado, 3 de marzo de 2012

Javier Bahón e as Intelixencias Múltiples.

O pasado mércores remataron as Xornadas de Innovación Educativa que o CFR de Ferrol organizou este curso. Dende O Segrel xa fixemos mención tanto aos fantásticos poñentes como á organización das Xornada.

O pasado mércores tivemos a oportunidade de asistir á Conferencia-coloquio "Achegamento ás CCBB a través das intelixencias múltiples" impartida polo profesor D. Javier Bahón Gómez director da "Fundación Nuevas Claves Educativas". Extraordinario !!


Fixo especial fincapé no fundamental que é, para o futuro dos nosos nenos e nenas, a etapa de 0 a 6 anos ("
non podo deixar de pensar en alguén que debería ter asistido a esta ponencia, coido que algo tería aprendido...")

Animounos a facer o noso perfil de destrezas para ver en que temos fortalezas e onde están as nosas debilidades e comparalo cos perfís do noso alumnado e deste xeito poder comprobar que todas as persoas somos moi similares, que en moitos aspectos, en moitas intelixencias, haberá rapaces que estean por enriba de nós, polo que lonxe de estar sacrificando o seu futuro, o que temos que facer é coñecer en que son fortes e axudalos, porque o mundo desenvólvese con todas as fortalezas e o éxito na vida non sempre é o éxito escolar…

Para axudarnos a actuar coas distintas intelixencias presentounos unha caixa de ferramentas. Unha serie de ferramentas que van máis aló do que é a instrución común, non só a aprendizaxe de contidos senón a aprendizaxe de destrezas, a aprendizaxe de sistemas para pensar, e de pensar con destrezas, para pensar con razóns. (Plantilla aplicación IM)

Magoa non ter a gravación desta ponencia que comezamos a ritmo de Aretha Franklin e rematamos despois de tres horas do máis interesantes, pero achegámosvos dous vídeos que vos recomendo (1), (2).

Velaí tedes a Howard Gardner, Premio Príncipe de Asturias de Ciencias Sociais 2011 quen, hai xa máis de dúas décadas, revolucionou a psicoloxía coa súa teoría das intelixencias múltiples.


Gardner, Howard "Arte, mente y cerebro. Una aproximación cognitiva a la realidad"


Related Posts with Thumbnails