mércores, 7 de xaneiro de 2009

Gregory Colbert (I)

Hoxe traémosvos unha nova proposta de lectura de imaxes, a fotografía.

Cada mércores, achegarémosvos unha ou varias fotografías que pola súa temática, polo que nos transmitan, pola relevancia do seu autor,... consideremos que son obras de arte que non deberíades perder a oportunidade de coñecer e mesmo admirar.

E para comezar farémolo con Gregory Colbert, un fotógrafo e cineasta creador de "Ashes and Snow" unha exposición fotográfica e de vídeos que viaxa no Museo Nómada. Unha das maiores exposicións feitas nunca por un só autor en Europa.

Unha exposición que pola súa plasticidade e beleza consigue sorprendernos, admirarnos, pero sobre todo conmovernos e emocionarnos.

É poesía visual, unha poesía que aloumiña o noso esprito.

Non vos perdades a 2ª parte o vindeiro mércores!!

Esta entrada dedicámollela aos membros do club de lectura Ars Legendi

4 comentarios:

susana dixo...

Moitísimas grazas pola dedicatoria e por TODO. G. Colbert é un xenio da fotografía, un mago das sensacións e consegue coas súas imaxes enternecernos e transportarnos a mundos que semellan irreais. No noso blog do club de lectura Ars Legendi a imaxe do elefante que escoita(?) atento ao rapaz que le quere ser un símbolo desa irrealidade que nos rodea e da que participamos, ás veces, sen querer.
Unha forte aperta e boas lecturas.

Ronsel dixo...

Son marabillosas. Eu tamén as tiña gardadas como verdadeiros tesouros porque, como toda poesía, hai que volver de cando en vez. Grazas por esta entrada tan magnífica. Bicos. E feliz ano

Loly dixo...

Para comezar con esta proposta semanal de fotografía, non sabíamos de ninguén mellor que Colbert e a súa marabillosa poesía visual. E falando deste artista é inevitable lembrar a Ars Legendi.
Como di Ronsel, un verdadeiro tesouro que non debemos esquecer.
Bicos e Feliz 2009!!

celia dixo...

preciosas!! transportan a un polo mundo, como persoas que compartimos este increíble planeta terra.

Related Posts with Thumbnails