Un Xeito Distinto de Viaxar !!

E agora que para algúns comezaron as vacacións... e en vista de que nós non imos sair por aí fóra, dende O Segrel, amantes confesos do placer que supón viaxar, esa aventura persoal de coñecer outras terras, outras xentes, outras culturas, e volver impregnados de aromas, sabores, imaxes e sobre todo extraordinarias experiencias que nin queremos nin podemos esquecer, hoxe, imos presentarvos VirtualPlanet 360º un xeito distinto de coñecer mundo...

A través desta páxina podemos facer unha viaxe virtual por distintas cidades de España, Portugal, Francia, Suiza, Italia, Alemaña e Brasil.

Comezade por Galicia, visitaredes máis de 40 pobos e cidades do noso país e despois seguide por calquera outro e xa me diredes que vos parece esta proposta vacacional...