Hoxe, no IES de Fene, alumnado de 3º e 4º de ESO e de Adultos, profesorado e unha nai (non viñeron máis...) disfrutamos de dous fantásticos obradoiros con Benito Lobariñas e Josiño da Teixeira, ou o que é o mesmo con "O Xordo e o Caco", dous excelentes regueifeiros que fixeron posible que as musas andiveran por O Segrel do Penedo facendo das súas.
Dende as catro e media da tarde ata as oito da noite (que rápido pasou o tempo!) sairon regueifas que falaban de profes, rapaces, de Fene, a favor e en contra do botellón e ata nos presentamos regueifando.
Cantas risas, canta diversión e canto nos aprenderon. Faláronnos do pasado o presente e o futuro da Regueifa, da súa estrutura, dos distintos tipos de Regueifa... Saímos con moitísimas ideas... concursos, unidades didácticas e volvemos á casa sen deixar de regueifar.
E para que vexades que vimos coa lección moi ben aprendida, aquí vos deixo unha Regueifa que fala, como non, da nosa teima "AS BIBLIOTECAS ESCOLARES" e que espero vos inspire e vos anime a continuala, sería todo un detalle pola vosa parte...
Ánimo compas, que estamos na Semana da Literatura de Tradición Oral!!!
Dende as catro e media da tarde ata as oito da noite (que rápido pasou o tempo!) sairon regueifas que falaban de profes, rapaces, de Fene, a favor e en contra do botellón e ata nos presentamos regueifando.
Cantas risas, canta diversión e canto nos aprenderon. Faláronnos do pasado o presente e o futuro da Regueifa, da súa estrutura, dos distintos tipos de Regueifa... Saímos con moitísimas ideas... concursos, unidades didácticas e volvemos á casa sen deixar de regueifar.
E para que vexades que vimos coa lección moi ben aprendida, aquí vos deixo unha Regueifa que fala, como non, da nosa teima "AS BIBLIOTECAS ESCOLARES" e que espero vos inspire e vos anime a continuala, sería todo un detalle pola vosa parte...
Ánimo compas, que estamos na Semana da Literatura de Tradición Oral!!!
REGUEIFA DAS BIBES
O Benito e o Josiño
se lles faia a inspiración
falarán de bibliotecas
ai teñen un bo filón.
Regueifando as bibliotecas
lembrarán as direccións
non esqueceran aos claustros
veredes canta tensión.
Esta tensión da que falo
a causa a administración
o traballo que facemos
non nos recoñecen non.
Antes dicían "coordina"
seique agora "dinamiza"
se aparecemos no ROC
será pa axudar na misa.
E aquí deixo esta Regueifa
non a quero rematar
os compas das outras "Bibes"
teranna que continuar...
O Benito e o Josiño
se lles faia a inspiración
falarán de bibliotecas
ai teñen un bo filón.
Regueifando as bibliotecas
lembrarán as direccións
non esqueceran aos claustros
veredes canta tensión.
Esta tensión da que falo
a causa a administración
o traballo que facemos
non nos recoñecen non.
Antes dicían "coordina"
seique agora "dinamiza"
se aparecemos no ROC
será pa axudar na misa.
E aquí deixo esta Regueifa
non a quero rematar
os compas das outras "Bibes"
teranna que continuar...
Deixovos unha mini-reportaxe de parte do que aconteceu en "O Segrel do Penedo"
Pero como podedes imaxinar, aquí non remata esta fantástica xornada...
O vindeiro venres, Benito Lobariñas e Josiño da Teixeira en Radio Barullo!!!
E ademáis... Programa de Actividades sobre a Literatura de Tradición Oral
Martes 11 de novembro: Regueifando con "O Xordo e O Caco"
Martes 02 de decembro: Tradición oral con "Antón Castro"
Martes 09 de decembro: Lendas con "Antonio Reigosa"
Non vos parece un programa fantástico para reivindicar a forza da oralidade?
Pero como podedes imaxinar, aquí non remata esta fantástica xornada...
O vindeiro venres, Benito Lobariñas e Josiño da Teixeira en Radio Barullo!!!
E ademáis... Programa de Actividades sobre a Literatura de Tradición Oral
Martes 11 de novembro: Regueifando con "O Xordo e O Caco"
Martes 02 de decembro: Tradición oral con "Antón Castro"
Martes 09 de decembro: Lendas con "Antonio Reigosa"
Non vos parece un programa fantástico para reivindicar a forza da oralidade?
.jpg)
.jpg)
47 comentarios:
Extraordinaria actividade nunhza magnífica biblioteca. Parabéns
Esta Loly de Ferrol
fala e fala ¡é unha lareta!
Tennos a cabeza quente
co conto das bibliotecas.
olga
É verdade, é verdade
eu xa non aguanto máis
cada día ideas novas
de onde as sacará????
E por Galiica adiante
unhos cantos abducidos,
fala que fala do mesmo
¡esta xente ten perigo!
Non sei que... informacional...
nos sei que... dos usuarios...
Esta xente eche moi rara
¡hai que espantala con allos!
E di a Consellería:
"imos ver se os aburrimos:
que ninguén mire para eles,
que só lles den para libros"
E eles dalle que dalle:
actuacións, seminarios...
Son dunha clase moi rara:
¡van contentos ó traballo!
E que ben falou Nautilus
Eu non podo competir
Para min son moitos versos
Non me quero deprimir.
Pero volvamos ao tema
O punto non esquezamos
Voltemos ás nosa bibes
Que é isto do que falamos.
E as familias? Esquecidas
E os horarios? Desquiciados
Alguén sabe que pretenden,
que queren estes chalados?.
Ben deitan das asesoras
esas que están en Santiago
mesmo lles limpan os mocos
que os teñen ben informados.
De chalados non falemos,
nin falemos dos horarios.
Quen nos dera ser, de tempo,
supermultimillonarios!
De proxectos, de memorias,
de comidas e reunións,
de ideas compartidas
e de compas coma vós.
Tanto traballo que temos,
e de tempo non falemos
que se nos sobra un minuto
para a biblio xa corremos.
Isto é unha tolemia
tanto correo, con tanta presa
isto non pode ser bo
dimo sempre o meu avó.
E cando chegou o Plambe
estabamos encantados
a maioría pensamos
que os tempos eran chegados.
Cando falamos de ROC
din: "Non sabemos bailar!"
Ai, mamasiña querida, con que xente imos ó mar!
A cousa que mais me gusta
a cousa que non lamento:
desde que chegou o Plambe
teño quen me lea un fragmento.
Benqueridas compañeiras
as grazas querovos dar
por seguir estas regueifas
como vós non hai igual.
A Loly ten boas mestras
pódese aquí comprobar
as "meigas" das bibliotecas
mellores nunca as habrá.
Máis debo aqui confesar
eu sinto certa tristeza
tanto mozo que hai nas bibes
e ningún saiu poeta.
Animo pois regueifeiros
sempre confiei en vós
sairedes deste trance
botando un par de... tariro.
A directora xeral
sempre nos bota piropos
“cantos cursiños facedes”
que si “traballades moito”.
Falando da conselleira
non debemos esquecer
tantos profes nos Encontros
seique non o podía crer.
Á inspección lle pedimos
tempo para traballar
pero eles nos contestan
aquí hai moito lacazán.
Mais falando de Cristina
e falando de Pilar
elas dende a Asesoría
despostas sempre a axudar.
Non sei como dicir isto
non sei como vos direi
menuda pandilla de tolos
este grupo no que entrei
Seica lles chaman plambeiros
son funsionarios ben raros
como "entrén" na túa escola
xa “podés” poñer cuidado
o centro patas arriba
non respetan os horarios
día e noite a traballar
¡¡sonche uns revolusionarios!!
meten a todos en danza
están fora de control
e si os pisas eles berran:
¡¡¡¡VEÑA LIBROS, VEÑA BLOGS!!!
Que razón tedes neniñas
todo o dito eche ven certo
pero recordade filliñas
que o que resiste gaña
non se sabe si un concerto
ou somentes unha caña.
Caña á que vos vou invitar eu cando vos pille polo rato tan divertido que me acabades de facer pasar.
ALUCINANTE.....................
(Comentario dos Regueifeiros)
Benqueridas regueifeiras
isto non está moi mal
máis "pá" que sexa regueifa
alguen ten que contestar.
(Contestación das Regueifeiras)
Benqueridos regueifeiros
xente de moita cordura
o que primeiro debemos
é practicar a estrutura...
Contestar, Loly, querida,
contestar non é doado:
precisamos dun que faga
de abogado do diaño.
Os que contestar podían:
ni están ni se les espera.
Temos que facelo sós.
Unha vez máis:¡peixe e pedra!
¿Alguén quere contestar?
¿Alguén que contestar quiera?
¿Alguén quere contestar
por boca da Conselleira?
A ver eses reguiefeiros:
Beni, Antonio, Delio, Juán...
¿queredes vir á reguiefa
e o contrapunto nos dar?
Nunca tal antes eu vira,
¡cousa sobrenatural!
aproveitarme das TIC
para con vós regueifar.
Canta verdá miña amiga
todo o que dis é ben certo
máis boca da concelleira
nin eu podo nin o quero
Nós:
Aquí ninguén nos apoia
somos uns incomprendidos
á administración da as costas
importámoslle un pito.
¿?:
Se lle importades un pito
algun motivo haberá
teima que teima coas bibes
non vos poden aturar.
Nós:
Non nos poden aturar?
Isto creará tensión!!
Acaso non vos fixades
que fan cos de Relixión?
¿?:
Que fan cos de relixión,
que o seu posto consolidan?
Non teñen a oposición
chégalles con ir á misa.
Pois nós a misa non imos
e parécenos moi mal
se por dicir unhas preces
un posto fixo che dan.
E por certo compañeiros
e Cristina? e Pilar?
coitadas as nosas xefas
nin tempo teñen de ler
estas fermosas regueifas.
"Arrastradas" por Santiago
tan só saben traballar
mais eu teño unha sospeita
...non saberán regueifar?.
E por hoxe me retiro
que teño un día fatal
e xa non direi máis nada
ME CAMBIO A GAS NATURAL.
Levo a mañán teimando,
esperando a contestar,
quería eu ser o último
e toda a razón levar.
Pero, manda truco na Habana!
con quen me metín ó mar?
estas tipas son moi pillas
na arte de regueifar.
E non respectan a naide,
sexa divino ou humán,
que si lareta a Loly,
e a conselleira, que tal?
Menos mal que deixan algo
que se pode aproveitar:
non falan mal dos mozos juapos
nin de Cristina e pilar.
Pra rematar, cara Loly,
ti si que sabes pescar
que nos lanzas un isquiño
e nós todos a picar.
Benquerido compañeiro
non quero eu enmendar
Regueifa tan ben traida
por Plambeiro maxistral.
Canta ledicia e gozo
cando eu a recibín,
xa sabia eu que estes mozos
a estas lerias ia vir.
Moito en falta eu botaba
vosa presencia especial
e non daba adiviñado
o que o podia motivar.
Grazas querido Benito,
grandisimo compañeiro,
es aquí ti moi benvido
noso mellor Regueifeiro.
Mecachis na mar salgada!
entro aquí pa protestar,
pois por culpa da regueifada
querédesme o nome cambiar.
Téñenme dito de todo:
Beni,seudónimo co que escribo, tamén Basilio e Benito,
algunha incluso Bonito.
Non quero entrar na cegueira
da que o último nome dixo,
pero aclároche a ti a primeira
que o meu nome é Benigno.
Non desprezo ao latino Bene dicto
nin ao grego Basileo,
pero pra seren grecolatino
meu pai chamoume "Benino".
En efecto, así me chamo
sen querervos facer dano,
facéndolle ver a alguén
que eu son "quen enxendra o ben".
Mecachis na mar salgada,
este é un vicio demoniaco,
en verso sáeme a fala,
isto é peor có tabaco.
Disculpeme D. Benigno
que me disculpe lle pido
erro tan imperdonable,
tan tremendo desatino.
A culpa debe de ser
deste viçio demoniaco
que ás veces parece que
pon as letras o diaño
Pero ti no te incomodes,
isto non volve a pasar
e para que asi sexa
o teu nome eime tatuar.
Albricias! entrou Benino,
nesta regueifa plambeira
que en regheifando connosco
¡chámese como el quiera!
Menos mal que os homes teñen
agora un que xa fala.
De seguir como ata agora
moita vergoña amosaban.
Pois se eles teñen vergoña,
nós non témos a primeira
que en custión de descaradas
levamola dianteira.
A dianteira levamos
as rapazas na regueifa
pero todos a levamos
no conto das bibliotecas
Que conste que eu non quería
voltar ás biblioregueifas,
pero non funciona o EDU.XUNTA
e case que me aburría.
Acado de vir do Ikea
de mercar as poltronas TULSTA,
traballar no sábado non nos justa
pero pola biblio faise o que sea.
Eu pajei a jasolina,
a comida pajouna paco,
a xunta non pajou nada,
seremos parvos, ou aljo?
E que ninguén me responda
a esa última prejunta,
retórica é, por favor,
non me fagades máis pupa.
A xunta vaiche dicir
pa que queres a poltrona
pa tirarte a bartola
é millor que pajes tí.
E millor que pajes ti
que eles andan ocupados
en cousas serias e importantes
e non en libros e chalados.
E non en libros e chalados
que o que queren e que se lea
ainda que pa iso faja falta
ir un sábado ata o IKEA.
Ir un sabado a Ikea,
a Xunta vaiche dicir,
ai meu querido Benigno
e quen vos mandou alí?
E quen vos mandou alí,
ir mercar eses sofás?
Seique non tedes traballo
e vos queredes deitar?
Se vos queredes deitar
sitio non é a biblioteca
idevos a vosa casa
e alí mollade a palleta.
E ali mollade a palleta
que iso moi ben se vos dá
e deixadevos de lerias
e de a nós vir amolar.
Eu pedira por favor
que ninguén me respostara,
e veñen esas sabidillas
a darme co Ikea na cara.
Aquí solo ante el pelijro
deixáronme os dous do "Jebi"
e outros "duchos" nas regueifas,
con mulleres non se atreven.
Non se atreven con mulleres,
e non me parece mal,
porque a cada cousa que dijas
contestan sincuenta ou máis.
Remato con esta estrofa,
xa podedes rejeifare,
retírome a ver o Barça
e non me vou enterare.
Iso de non enteirarte
é o que ti ben quixeras
e como o Barça non gañe
terás maís de mil regueifas.
Teras máis de mil regueifas
pero non para amolarte
estas regueifas serán
só para a ti consolarte
Só para a ti consolarte
dese posible fiasco
como sigades así
mandade o Barça ao … “tariro”
Tumbado no seu sofá
a Beni non hai quen lle tosa
que janou o Barsa
e non é calqueira cousa.
E non é calqueira cousa
atreverse con tantas mulleres
por iso queda nomeado
"O máis valente entre eles".
(Onde c...está a cedilla no ordenador...?)
O máis valente entre eles
iso queda demostrado,
ningún outro se atreveu
a entrar neste fregado.
Ao entrar neste fregado
o Beni deixou moi claro
que de plambeiro valente
ninguén máis dalle a el o lado.
Se non lle dan a el o lado
é porque non hai narices
que outra palabra máis forte
O Segrel non a permite.
O Segrel non a permite
pois esta moi desgustado
seique non tedes a ben
Plambeiro a el consideralo.
No sofá aínda non tumbo
pois está sen estrenar,
e de que janara o barça
iso é o máis normal.
Escribín esa estrofiña
para disirlle a Isabel
que a letriña busque ben:
dereita, terseira liña.
Miña nai, miña naisiña,
bo que pa, que pa, que paasa?
estades aquí todo o día.
Pero vos non tedes casa?
Noso benquerido Beni
por suposto temos casa,
pero a nós sobranos tempo,
non nos liamos co Barça!!
Non nos líamos co Barça,
nin nós imos ao Ikea.
Fainos moita falta o tempo
para compoñer Regueifas!!
Graçiñas pola indicación
Agora xa no esquezo
De por Barça con precisión
Claro que temos casa
E a moita honra señor
Pero ti querido Beni
queres dicir a última palabra
E eso si que non
Asi que vai silenciando
A tua prezada voz
Senón imos cambiar de século
Entonando esta canción.
O difícil da regueifa
seica é o improvisar
niso sodes uns artistas
sempre andades a argallar.
Neste tema compañerir@s
douvos as felicidades
porque é moi divertido
cultivar a oralidade.
Os rapaces e rapazas
de seguro han aprender
anque sexa rapeando
regueifas han de facer.
Estou flipando bastante
coas historias desta xente,
abofé nunca pensara
qu´houbese tant´ocurrente.
Non se pode flipar tanto,
que as tías axiña atacan
como se no mundo só
coubesen bibliotecarias.
Que si "por que no te callas"
que tés a última palabra,
mellor será ir ler un libro
ou ir correndo pa cama.
Que si che cambian o nome,
que si che mandan calar,
Ai Beni, meu parruliño,
que te van a desplumar.
Pero si de tías falamos,
téñolle ganas á xefa
porque sempre qu´esa tía pode
mándam´algunha tarefa.
Mala centella vos coma!
Coa rima e todo isto
Desde hai uns oito días,
xa non parezo ben listo.
Pois se ti non es ben listo
a culpa penso será,
non por mor destas Regueifas,
senón por non estudar.
Mais Toñito, que é o que dis?
Ai Toñito que cabeza!!
Vouche dar un bo consello
non te metas coa xefa...
A xefa é boa xente,
a xefa é muller cabal.
Se che manda traballar
é por ser un lacazán.
Chamar, chamarasme
entre outras cousas lacazán,
será porque o que fas coas dúas
eu fágoo cunha soa man.
E que pasa cos plambeiros?
Qu´andan sempre de sobrados,
agora qu´imos en serio
están todos moi calados.
Se o que fas cunha mán
é como esta Regueifa,
ai Toñito deixao xa
ti non tes nin p… idea!!
E nin a ti se che ocorra
mentar mal a estes Plambeiros
que aínda na lúa subido
non lles chegas ti ao ombreiro.
Mirade todos e todas
como se pon de faltón
este segrel pequeniño
ao temblarlle o pantalón.
E mirade aos plambeiros
non hai ningún que abra o pico
están todos moi quietiños
por si acaso os critico.
Ai osado regueifero
nunca ti fixeras tal,
enfrontarte a O Segrel
moito a ti te pesará !!
O Segrel é un Galego
intelixente e versado
amante da nosa lingua
pola que el ten loitado.
Metete ti perguiceiro,
argallante e lacazán,
metete ti cos Plambeiros
e moito mellor te irá.
Ay! Mirade para esta
que di que non teño idea.
Se para atopar a rima
a pobre xa se marea.
Por riba estase quentando,
e vai reinvidicar a lingua.
Pero a estas horas da noite
a forza máis ben xa lle mingua.
Pero de que demos falas,
que falas ti de minguar?
Se falamos dese tema
o teu “nome” has mirar.
En canto ao tema da lingua
moito tes ti que estudar
pois nin tan sequera sabes
como escribir un “ai!”
Ás críticas non tememos
dun home que é tan manual,
calamos porque veu a menos
o anterior nivel cultural.
En pleno XXI mundano
non se pode regueifar
con que "hago con la mano"
a sinapsis cerebral.
A regueifas de O segrel
tiñan gracia, tiñan sal,
falando entre amigos ben
sen rebaixa neuronal.
(Pero entón chegou aquel)
Pensei que era un das bibes
aquel con quen regueifei,
pero mala cousa fixen
pois non parece de lei.
Pois non parece de lei,
por iso aquí me despido
nunca máis contestarei
e nunca por min será lido.
(El, non o segrel)
En falando así Benigno,
un home el tan cabal,
todo queda moi ben dito
eu aquí non volvo entrar.
Eu aquí non volvo entrar
refirome a estas regueifas
pois no blogue de O Segrel
sen el eu non me quixera.
Publicar un comentario