O luns, 24 de febreiro, o profesorado que dinamiza a biblioteca do Segrel, acompañado por compañeiros e amigos de outras bibliotecas escolares de Ferrolterra tivo o pracer de disfrutar do Encontro con Victor Moreno, un dos grandes dentro e fóra do noso pais cando se fala de escritura, lectura e literatura. O que nun principio ían ser dúas horas convertíronse en catro e aínda así quedaron curtas...
Victor comezou léndonos o conto "El unicornio en el jardín" de James Thurber, tal e como sempre facía nas súas clases. Cada día comezaba coa lectura dun conto, ou dun poema, co que ao remate de cada curso eran máis de 170 contos e poemas os que tiñan lidos. Que non é pouco!! Contounos unha divertida anécdota cun grupo de alumnos despois de ler os poemas de Spoon River de Edgar Lee Masters e deixou ben claro que a responsabilidade da competencia textual do noso alumnado é de todo o profesorado, non so dos departamentos de lingua, e que para iso está aí o "Proxecto Lector de Centro". E a partír de aí levounos paso a paso cara ao "Desenvolvemento da competencia escrita".
Ao longo da tarde podemos descobrir o Victor provocador, irónico, cun enorme sentido do humor e sempre apaixoado da que foi a súa profesión. E claro, houbo tempo para falar do Informe Pisa, da súa experiencia como crítico literario e de poder disfrutar da súa experiencia e bo facer. Todo un pracer!!
Clicar na Imaxe para ir ao Álbum do Encontro
Publicacións na serie Blitz do Goberno de Navarra
.png)
.jpg)
Ningún comentario:
Publicar un comentario