O Segrel do Penedo

Os Nosos Venres Musicais (LXI)

2012-01-27T00:00:00.001+01:00

Neste venres achegámosvos a Leonard Cohén o último premio Príncipe de Asturias das Letras que o vindeiro martes, día 31, sacará ao mercado, despois dunha década, o álbum "Old Ideas", do que hoxe vos presentamos este fermosísimo tema "Show me the place"

A Arte de Benjamin Lacombe

2012-01-23T16:00:00.003+01:00

Entrevista ao extraordinario ilustrador francés Benjamin Lacombe, na que fala das súas tres últimas obras de arte: Blancanieves, El herbario de las hadas -cunha fantástica versión para tablets- e Cuentos Macabros onde recrea o ambiente e os personaxes creados polo gran Edgar Allan Poe.

Marabillosos álbumes dos que xa disfrutamos dende o momento en que sairon publicados. Verdaderas xoias!!

Benjamine Lacombe tamén nas Redes Sociais

El Mal del Cerebro

2012-01-21T17:00:00.001+01:00

La tecnología actual permite adentrarse en el cerebro para frenar su deterioro. No os perdais la primera parte de este impresionante viaje de 17 minutos al centro del cerebro "Cerebros reparados", la segunda parte, "En busca de la memoria", la tendremos el próximo jueves día 26...

Vía Facebook

Os Nosos Venres Musicais (LX)

2012-01-20T00:00:00.001+01:00

Adele, unha marabillosa voz que esperamos disfrutedes.

Se queredes saber máis...

Os Nosos Venres Musicais (LIX)

2012-01-13T00:00:00.001+01:00

Tinariwen - Tenere Taqhim Tossam (Official Video)

Hoxe achegámosvos a banda Tinariwen (Os desertos) creadores do blues tuareg (assouf) e que nós descubrimos vía Facebook da man do noso bo amigo Gonzalo Moure.

Poñéde o vídeo a pantaia completa, apagade as luces e disfrutádeo!

Se queredes saber máis sobre esta banda...
El país Tentaciones (non vos perdades o vídeo da cerimonia do café, fermosísimo!)
Máis Vídeos

Endulzámonos polo Bubisher!!

2012-01-10T00:00:00.001+01:00

Así foi como rematamos o 2011, cunha chocolatada solidaria para endulzar non só a recollida das notas, que nalgún caso boa falta facía, senón para endulzar unha miaxiña o cambio de ano aos nosos amigos e amigas do Bubisher, porque por e para eles e elas organizamos esta pequena festa.

A organización levounos uns días...
Comezamos facendo carteis cos que enchemos as paredes de entrada ao instituto para que tod@s souberan o que se ía organizar, os encargados foron os mozos e mozas de 1º e 2º de ESO. Logo houbo que preparar os vales que nos axudarían a saber de antemán de cantos chocolates e cantos churros estábamos a falar, porque Carmen, a "alma mater" desta iniciativa, sen ela sería imposible facelo, necesitaba saber canto chocolate tiña que preparar. E preparouno durante 3 horas, así estaba de exquisito. Hummmmmmm, houbo que repetiu ata... mellor non o decimos, que larpeir@s!. E que me decides dos churros, que chegaron ao instituto recén feitiños ás 10.00 da mañá? Riquísimos!!

E despois dunha semana na que os profes da biblio venderon un feixe de vales, chegou o mércores 21 de decembro, as 10.00 en punto todo estaba organizado, e comezamos, como estaba previsto a chocolatada. Todo saiu perfecto!!

Dende aquí agradecer a Carmen o seu exquisito chocolate e a súa marabillosa disposición para decirnos que sí dende o primeiro momento en que lle fixemos a proposta, ao alumnado que preparou os carteis e a tod@s canto mercaron o seu vale, que era o noso "graiño de area" - e nunca mellor dito... para ese Niño do Bubisher recén estreado, o Bubisher 1 e o Bubisher 2 nos campamentos de refuxiados en Tinduf.

Moitísimas gracias a tod@s pola vosa SOLIDARIEDADE con maiúsculas, porque sempre estades aí, e de que xeito!!

No remate do segundo trimestre haberá algo "especial" e tamén solidario... Esperamos contar de novo con tod@s vós!!

Os Nosos Venres Musicais (LVIII)

2012-01-06T16:00:00.000+01:00

Isaac Díaz Pardo "In Memoriam"

2012-01-05T16:00:00.000+01:00

Hoxe deixounos Isaac Diaz Pardo, referente da cultura galega.
Con el desaparece un dos grandes da nosa terra.
Onde queira que esté sempre levará Galicia, a nosa lingua e a nosa cultura como bandeira.

Descanse en Paz!

Desexos para o 2012!!

2012-01-03T00:00:00.000+01:00

Fermoso canto á liberdade, á amizade, ao amor... obra do autor taiwanés Jimmy Liao, que obtivo no ano 2006 o Premio Especial á mellor curtametraxe de animación no Festival Internacional de Berlín.

Estes son os nosos desexos para o ano que acaba de comezar .

Esperamos que se cumplan, que boa falta fan !!

Novos Tempos, Novos Soportes!

2011-12-31T00:00:00.003+01:00

E de repente atópome con esta marabilla de e-book que non podo deixar de presentarvos, porque aquel@s que aínda non o coñezades non debedes deixar de disfrutalo. Refírome a "The fantastic flying books of Morris Lessmore". Unha extraordinaria viaxe a través dunha fantástica historia. E aínda que non se poden comparar achégovos tamén a Pinocchio, Alice in New York and The Jungle book.

Mentres disfrutaba con estas marabillas, por suposto a pantaia completa, lembrei aquel fantástico vídeo que hai un tempo vira en Mangas Verdes e que tedes tamén neste recopilatorio, "unha revista é un iPad que non funciona"... Elemental, que diría aquel, non si?

Por un 2012 cheo de felices lecturas, con ou sen iPad!!

Os Nosos Venres Musicais (LVII)

2011-12-30T12:00:00.001+01:00

Non está mal para ir abrindo boca, non si?

Feliz 2012, todo o mellor!!

FELICES FESTAS!!

2011-12-24T12:00:00.008+01:00

O equipo da biblioteca "O Segrel do Penedo" quere desexarvos todo o mellor, dun dos mellores xeitos que pode facelo, cantando e bailando. Entrade e... disfrutade!!

"Se non fora pola música habería máis razóns para tolear"!!!

Tchaikovsky

Que saibades que somos tod@s @s que estamos, mais non estamos tod@s @s que somos...

Os Nosos Venres Musicais (LVI)

2011-12-23T12:00:00.002+01:00

Fantástica versión do "White Christmas" cantado por "The Drifters"

Sede moi felices e que non falte o humor!!

Roteiro polas Bibes de Ferrolterra (VI)

2011-12-20T00:28:00.003+01:00

Este ano rematamos as reunións que os coordinadores das bibliotecas do grupo Plambe-Ferrolterra vimos realizando durante o ano 2011 visitando as distintas bibliotecas escolares da comarca, na Biblioteca do CEIP Os Casais de Limodre, en Fene, a biblioteca "Paula Carballeira"

Unha fermosa biblioteca chea de vida na que peques e menos peques achéganse ao marabilloso mundo da lectura e a información da man da extraordinaria Mica Bigotes, a artífice de que o mundo da ilusión e dos soños, ese mundo da maxia que se agocha nos libros esté presente neste fantástico espazo de luz e cor.

E nesta biblio ten especial celebramos a nosa última reunión do ano. Una reunión onde o eixo principal xirou en torno ao noso proxecto común "Coñecernos para querernos" e ao Bubisher.

Organizamos formatos, tempos, pensamos en distintas actividades a desenvolver para conseguir materiais e fondos para quen tanto o está a necesitar... e todo acompañado por un bo café e unhas lambonadas que a Mica se encargou de ter preparadas para a ocasión.

Unha tarde que sempre da moitísimo de sí e que tod@s @s que alí nos reunimos, nesta ocasión estivemos presentes máis de 20 bibliotecas escolares da bisbarra, disfrutamos moitísimo.

Ata a próxima benquerid@s Plambeir@s, que será xa no ano que está a piques de comezar para o que desexamos que os nosos gobernantes comecen a pensar no ensino como inversión, non como gasto, e que descubran a maxia dese lugar especial, que existe en todos os centros públicos do noso país, chamado "Biblioteca Escolar"

Os Nosos Venres Musicais (LV)

2011-12-16T00:00:00.005+01:00

Esta semana traémosvos "PERDÓNAME" tema que Pablo Alborán canta xunto á cantante portuguesa Carminho dándolle un fermoso toque de fado que a nós, xa o sabedes, encántanos. Que o disfrutedes!

Suxestións de Lecturas para o Nadal

2011-12-15T10:00:00.000+01:00

POR UN NADAL CHEO DE LECTURAS COMPARTIDAS!!

Axudémoslles a brillar!

2011-12-14T10:00:00.000+01:00

Vía Twitter

"I'm Scared! - Teño Medo!"

2011-12-11T12:00:00.002+01:00

Se mentres vemos este vídeo a angustia non fai presa de nós, é que na nosa viaxe pola vida pasamos por alto algunha peaxe...

Canto camiño queda aínda por percorrer para que ese "terror" desapareza?

"STOP BULLYING!"

Vía Twitter

MOI RECOMENDABLE!!

Grazas Aramis, botamos en falta a túa presenza nesta "nosa" bibe!!

10 de Decembro: Día dos DDHH

2011-12-10T00:00:00.005+01:00

63 anos despois da súa proclamación, segue sendo necesario lembrar esta data, 10 de decembro, na que a Asamblea Xeral das Nacións Unidas aprobou a Declaración dos Dereitos Humanos.

Necesario porque nin tan sequera nos países que asinaron esta declaración están garantidos estes dereitos en igualdade de condicións para toda a poboación. Non hai máis que botar unha ollada ao noso arredor, asomarse ás noticias.

Máis aínda así cabe pensar que un outro mundo é posíble, que hai arrecendos espallados no ar que nos permiten prender unha candea pola esperanza, por estas xeracións, hoxe nen@s, adolescentes, que medran nas nosas aulas, ao abeiro das nosas Bibliotecas -das súas lecturas, da súa información, da súa formación- nen@s e adolescentes que se implican ilusionad@s e con empeño en proxectos coma "Coñecernos para querernos", nun intercambio persoal e de coñecementos con nen@s dos campamentos saharahuis, para quenes a apertura dunha biblioteca con (o Bubisher) ou sen (O Niño do Bubi) rodas, supón moito máis que un mundo de oportunidades. Para acceder á ilusión, aos soños, á formación, ao coñecemento doutras culturas, doutro idioma.

E con esa candea acesa, brincan faíscas que prenden en case un cento de Bibliotecas Escolares Galegas, que por todo o país escollen cada unha un fermoso álbum ilustrado para agasallar a ese recén estreado Niño do Bubi, porque, coma nas nosas propias Bibliotecas, toda inauguración é unha festa. A esa festa que é a lectura, nesas bibliotecas acubilladas na area, queremos enviar estes álbumes como aves portadoras de boa sorte, como bubishers* cheos de cor, imaxes, historias. Porque as nosas bibliotecas, @s nos@s lectores e lectoras, compartimos co Bubisher, cos lectores e lectoras das súas bibliotecas a crenza firme nos Dereitos Humanos, dende o seu 1º artigo: Tod@s nascemos libres e iguais en dignidade e dereitos

* O bubisher (Oenanthe leucopyga e Oenanthe leucura) é un paxariño tímido que vive na Penísula e tamén en África, aquí chamámoslle collalba negra e no Sáhara o seu nome significa paxaro da boa sorte, no dialecto hassaní é Bubchir بوبشير (o da boa nova) porque adoita aniñar e criar despois das choivas, o que quer dicer que medrará a herba, algo moi importante para quen ten gando.

Bubisher é tamén o nome dun autobús-biblioteca que circula entre os campamentos do Sáhara para levar lectura e información. Ou sexa, unha biblio... pero con rodas!!!

Se queredes unirvos á iniciativa de Álbumes para o Bubisher, só tedes que que poñer os vosos datos xunto ao resto das Bibes Galegas.

Música e DDHH

Texto de Maribel Serantes (CEIP Os Casais)

Crédito da imaxe

Os Nosos Venres Musicais (LIV)

2011-12-09T00:00:00.002+01:00

JOHN LENNON

Esta semana, retomamos os nosos venres musicais dedicándolle a nosa entrada a quen 31 anos despois daquela data fatídica seguimos e seguiremos lembrando!!

Revista Bloc Online

2011-12-08T10:00:00.000+01:00

A través da Revista Babar coñecemos a noticia de que están dispoñibles para ler online os números da desaparecida revista de Arte e literatura infantil Bloc.

Bloc, unha publicación bilingüe (castelán-inglés), dedicada á literatura infantil en todos os seus ámbitos (arte, fotografía, cine, deseño, ilustración…), naceu no ano 2007 e desapareceu no 2010.

Velaquí tedes os seis números publicados

BLOC O

FOTOGRAFÍA

CIDADES ILUSTRADAS

ABECEDARIOS ILUSTRADOSHOMENAXE A JUAN FARIAS

OS INTERROGANTES

CINE E LITERATURA INFANTIL

OS XOGUETES COMO MATERIA PRIMA DOS ÁLBUMES ILUSTRADOS

Vía Twitter

"The Can" ou "O poder da publicidade"

2011-12-07T20:00:00.000+01:00

Mención de Honra á película de animación 2D no Hyde Tube Festival de París (2009)

Chico y Rita

2011-12-04T12:00:00.005+01:00

"Chico y Rita", de Fernando Trueba, Javier Mariscal e Tono Errando, elixida mellor película de animación na Gala dos Premios Europeos do Cine.

"Chico y Rita" narra a historia de amor entre unha fermosa cantante e un pianista cubanos. A trama desenvólvese nos anos 40 na Habana, París, Hollywood e Nova York.

A la carta

> Chico y Rita

> 'Chico y Rita', un innovador estilo de animación

Doa 1 Día!

2011-12-03T12:00:00.003+01:00

Axuda a combater a desnutrición

Doa os teus mellores días, para que outr@s teñan días mellores!

Porque 1000 días poden previr a desnutrición. Clica na imaxe e verás eses 1000 días en menos de 2 minutos.

Os Nosos Venres Musicais (LIII)

2011-12-02T00:00:00.002+01:00

Onte celebrouse o Día Mundial da Loita contra a Sida, e nós, hoxe, queremos retomar unha "vella celebración" máis non esquecida... "Os nosos venres musicais" con "Positive Generation", un proxecto musical de Médicos Sen Fronteiras (MSF). "Voces por un futuro sin Sida"

A música como vehículo de información sobre a SIDA nos proxectos de MSF en Zimbabue.

Vía

Que importante é saber Inglés!

2011-12-01T20:00:00.001+01:00

Vídeo especialmente dedicado @s meus benquerid@s alumn@s.

Ai, que importante é saber idiomas!!

Graciñas Sabela!!

Para saber máis visitade "Les Luthiers"

Aprendendo Xuntos con Scoop.it !!

2011-11-29T20:00:00.010+01:00

Cada curso comezamos con enerxías renovadas, as pilas a tope e sempre co desexo de innovar, mellorar e sobre todo disfrutar aprendendo co noso alumnado. E vaia que se aprendemos, de tod@s e con tod@s el@s!!

Hoxe queremos presentarvos o último achádego que fixemos da man de Javi Varela de 1º de ESO (como veñen empurrando estes mozos e mozas!!). Chegou o martes pasado a clase e comentounos que vira unha "especie de periódico" que lle parecía moi interesante e quería que lle aprendéramos a facelo.

Ensinounos un exemplo e claro, nin idea do que nos estaba a falar, pero tiña tanto interese que hoxe martes, unha semana despois, Scoop.it xa conta entre os seus seguidores co Segrel que xa é quen de poder darlle a Javi un cursiño acelerado para que tamén el poida sacarlle proveito.

"Scoop.it" é unha nova ferramenta que permite seleccionar e compilar contidos e presentalos nunha páxina como a que podedes ver nesta imaxe do Scoop.it do Segrel

Podemos conectarnos con Tumblr (non podemos facelo co noso blog porque non é de Wordpress... mágoa!) coas contas de Facebook, Twitter e a través delas saber se os nosos contactos tamén están aí.

Os artigos poden incluir imaxes, videos, presentacións... podemos editalos, etiquetalos, admiten comentarios, podemos compartilos..., todo un feixe de posibilidades. En definitiva, un extraordinario repositorio de enlaces que nos permite organizalo segundo os nosos intereses, pero o mellor é que lle botedes unha ollada e vós mesmo decidades se pode ser ou non do voso interese.

Dende aquí dar as grazas a Javi e vós xa nos contaredes!!

25N Día Contra a Violencia de Xénero

2011-11-25T00:00:00.001+01:00

As penurias que unha nena sufre ao longo da súa vida polo feito de ter nacido muller

O acceso á Educación e os Dereitos Humanos poden romper o ciclo da pobreza e a discriminación que as nenas sufren en todo o mundo.

Por que tería que cambiar a Educación?

2011-11-21T16:00:00.001+01:00

"A Educación ten que preparar aos rapaces, non para o mundo que foi, senón para o que será"

Henry Jenkins

Reflexionemos sobre o noso papel nas aulas do século XXI !!

(Vía)

O Sistema Educativo é Anacrónico!

2011-11-20T21:30:00.010+01:00

"Non aprendemos repetindo, senón facendo, emocionándonos"

Ken Robinson

"O valor da educación está no camiño, non na meta"

Richard Gerver

Logo fagamos ese camiño emocionante e deste xeito emocionarémolos!

O Segrel

(Vía)

As Regueifas do BET 2011

2011-11-15T21:00:00.001+01:00

E como ao Segrel non hai quen o faga ir cara atrás cando de retos se trata, velaquí tedes as regueifas do Congreso de Bibliotecas Escolares en Tránsito.

Animámosvos a que vos unades e fagades posible este traballo colaborativo que posteriormente será compartido con tod@s vós nun libro dixital.

Máis se alguén ten algunha dúbida e pensa que non é quen de escribir unha regueifa, que bote unha ollada a esta lección maxistral a cargo de dous extraordinarios regueifeiros Benito Lobariñas e Josinho da Teixeira no obradoiro de Oralidade que se desenvolveu en O Segrel hai un par de anos.

&amp;amp;amp;amp;amp;amp;amp;amp;ampamp;amp;amp;lt;a href="http://mystudiyo.com/act81260/mini/go/que_aprendemos_das_regueifas?"&amp;amp;amp;amp;amp;amp;amp;amp;ampamp;amp;amp;gt;que_aprendemos_das_regueifas?&amp;amp;amp;amp;amp;amp;amp;amp;ampamp;amp;amp;lt;/a&amp;amp;amp;amp;amp;amp;amp;amp;ampamp;amp;amp;gt;

Xa rematou o Congreso

todos de volta na casa

grande chute de enerxía

do que "Celaya" falaba.

Bibliotecas Escolares,

libros e información

as "novas" tecnoloxías

todo envolto con paixón.

Máis os Plambeiros de pro

o que nós máis celebramos

son os momentos de maxia

de bicos, bailes e cantos.

Momentos de compartir

experiencias e cultura

linguas e mais tradicións

vaia o que fai a lectura!

E agora benqueridos

e benqueridiñas todas

se Plambeir@s de pro sodes

esta Regueifa é vosa...

Por certo... pasaremos nesta ocasión das 40 regueifas como naquela Semana da Literatura de Tradición Oral ? Estaredes á altura? Non sei eu que dicir !!!!

Congreso Bibliotecas Escolares en Tránsito

2011-11-15T19:00:00.002+01:00

Despois de tres días ben intensos no Congreso de Bibliotecas Escolares en Tránsito en Santiago, voltamos coas pilar ben cargadas, foi un verdadeiro "chute de enerxía" que diría Javier Celaya.

Falouse de bibliotecas escolares, da transformación que están a acometer, do seu papel na sociedade de hoxe en día, de lectura, de información...

O Congreso foi inaugurado polo Ministro de Educación Ángel Gabilondo que falou do valor da lectura como parte substancial da nosa vida, e disfrutamos coa Nova Galega de Danza, logo cantamos con Constanza Mekis ao ritmo dos seus libros castañuelas, limos a Benedetti nun balón poema, e dimos un pequeno paseo polo que se está a facer en Extremadura, Navarra, Andalucía e Galicia. Para rematar a primeira xornada visitamos a Cidade da Cultura.

O venres comezamos a xornada con Javier Celaya que, como sempre, nos levou un pasó máis aló e nos achegou á narrativa transmedia, á realidade aumentada. Extraordinario! E chegou a pausa para o café e disfrutamos dun vídeo que facía un pequeno percorrido por algunhas das nosas bibliotecas escolares. Trala pausa outra vez o "corazón partido", cal elixir das dúas fantásticas mesas redondas? Decidímonos por Cassany e Joaquín Rodríguez - este último foi para nós o grande descubrimento deste Congreso. Fantástico!- Falaron da Lectura despois de internet.

Trala comida a tarde comezou con varias experiencias simultáneas de Boas prácticas de integración cultura impresa/cultura dixital. Experiencias de fomento da lectura nas distintas CCAA, e nesta ocasión non tivemos opción, estabamos nunha delas. Para O Segrel foi un verdadeiro honor dar a coñecer o magnífico Proxecto Colaborativo que se está a desenvolver nas Bibliotecas Escolares do Plambe-Ferrolterra.

Para rematar a xornada disfrutamos e nos emocionamos con Victor Freixanes que nos falou das Bibliotecas escolares e do seu papel na contrución da sociedade lectora. O segundo día a visita cultural levounos polas bibliotecas universitarias: Fonseca e Xeografía e historia, magníficas ambas!

E chegou o sábado, última xornada do congreso e novamente toca decidir e eliximos "La biblioteca escolar y la competencia en información" Rosa Piquín e Puerto Menéndez moderadas por Juana Vázquez. Fantástico exemplo de magnífico traballo nun CEIP e un IES. E tras unha pequena pausa para un café chegou a conferencia final a cargo da antropóloga e estudiosa do mundo da lectura Michèle Petit "Leer y hacer uso de una biblioteca escolar: ¿y eso para qué sirve hoy en día?

O congreso rematou coa lectura dun documento coas aportacións do Congreso que en breve publicaremos.

Dende O Segrel os nosos parabéns ás nosas asesoras Cristina Novoa e Pilar Sampedro polo seu bo facer. Sempre que rematamos unhas Xornadas, Encontros... parece imposible que se poidan superar, pero elas, sempre se superan. Xefas, sodes incribles!!

Os vídeos de todas as ponencias en Radio Barullo (Vía)

Crédito das imaxes Montse, Xarela e Loly

Congreso Bibliotecas Escolares en Tránsito 2011

2011-11-08T12:00:00.001+01:00

Durante os días 10, 11 e 12 de novembro celebrarase en Santiago de Compostela o Congreso "Bibliotecas Escolares en Tránsito" organizado polo Ministerio de Educación e a Consellería de Educación.

Nel daranse cita profesorado responsable, coordinador de bibliotecas escolares, membros dos equipos de bibliotecas, membros dos equipos directivos ou dos servizos de inspección, asesores de formación no ámbito das bibliotecas escolares e a lectura, así como responsables de todas as Comunidades Autónomas no desenvolvemento de programas de bibliotecas escolares.

Un extraordinario programa que contará coa presencia de relatores de recoñecido prestixio e, como ven sendo habitual neste tipo de actividades, todas as ponencias serán retransmitidas en directo, polo que estaremos puntualmente informados de todo o que alí aconteza.

Extraordinario Forges!

2011-11-06T12:00:00.001+01:00

O noso eterno agradecemento por alegrarnos cada mañá, ou non...!

Refráns para o Outono

2011-11-04T12:00:00.000+01:00

Fermosísima selección de refráns do outono feita polos amigos do CEIP de Esteiro a quen, dende aquí, enviamos os nosos parabéns polo traballo e o agradecemento pola súa xenerosidade compartindoo con todos nós.

Sáhara: "Coñecernos para querernos"

2011-10-02T12:00:00.000+02:00

"Coñecernos para querernos" este é o título dos proxectos documentais que imos desenvolver na ESO e nos Clubs de lectura do alumnado. Proxectos que xirarán en torno ao continente Africano. Queremos saber como son os nosos "veciños", coñecer a súa cultura, as súas tradicións... Comezaremos achegándonos ao pobo saharaui, aos campamentos de refuxiados en Smara e a partires de aí, todo un país por percorre e moito por coñecer...

Pero non pensedes que este proxecto xurde sin máis, non, é un proxecto que comezou a planificarse o pasado mes de xuño e se perfilou nunha inesquecible xuntanza entre os coordinadores de varias bibliotecas escolares de Ferrolterra e o noso benquerido e admirado Gonzalo Moure, un dos artífices do marabilloso proxecto do "Bubisher" do que esperamos formar parte xunto co noso alumnado e demais membros da nosa comunidade educativa.

Para comezar, velaí vos deixamos unha fermosísima curtametraxe onde a través de Lalia nos adentramos na realidade dos habitantes dun campo de refuxiados en Arxelia

Lalia from ASPA on Vimeo.

Para saber máis do problema saharaui e poder chegar a entender a situación na que se atopan na actualidade, tedes unha compilación de documentais que tratan o tema en Radio Barullo, a nosa radio escolar.

Escola Pública para Tod@s

2011-10-01T12:00:00.001+02:00

Sempre hai quen se lembra de nós...
Graciñas Necho!!

Kseniya Simonova. Extraordinaria!!

2011-09-25T10:00:00.001+02:00

Kseniya Simonova foi a gañadora dunha das edicións de "Ukreine's got talent" por animación con area.

Kseniya acadou a final e, durante a súa actuación en directo executou, ante un emocionado público, unha animación sobre a invasión de Ucrania durante a segunda guerra mundial, utilizando os seus dedos e area.

Puro arte. Extraordinaria!!

Graciñas Olga.

AS BIBLIOTECAS GALEGAS DESPIDEN A Mª DOLORES

2011-09-13T22:00:00.000+02:00

Comezamos o curso con tristeza.

Temos que despedir á compañeira Mª Dolores Martínez Tobío, docente no IES Luis Seoane de Pontevedra e responsable da biblioteca escolar do centro. Hai só uns meses que Mª Dolores nos puxo a Salvar Libros por centros de toda Galicia. Salvar os libros que valen a pena, as linguas nas que se escriben eses libros, as bibliotecas nas que se gardan... a memoria dunha mestra que día a día traballou a favor da cultura e a educación.

Este é un documento colaborativo como tantos outros nos que Mª Dolores adoitaba participar co seu habitual entusiasmo. Desgraciadamente convocounos hoxe a súa despedida e pensamos nesta pequena homenaxe que xorde da mesma rede que ela axudou a tecer. Canto tempo e ilusión dedicados a Biblioiris, a súa bitácora vinculada á biblioteca escolar do instituto! Por iso os nosos blogs lamentan hoxe a súa ausencia. Por iso esta entrada será publicada por moitos outros centros, ademais dos que aquí figuran. Esperamos que este documento saiba representar tamén a tantas persoas que, desde a rede PLAMBE das bibliotecas escolares galegas, desexan expresar o seu pesar e as súas condolencias á familia e amigos da nosa compañeira. Son tantos os centros que a súa relación excede as dimensións deste documento.

Grazas Mª Dolores polas palabras, polas reflexións, polas propostas, polo tempo, polo que fixemos xuntos e que permitirá seguir camiñando pola ruta das bibliotecas escolares.

Cristina Novoa

Pilar Sampedro

Asesoría Bibliotecas Escolares

Imaxe das ligazóns: Rapaza lendo. Gustav Adolf Hennig

Suxestións de Lectura e Música para o Verán

2011-06-17T01:26:00.002+02:00

Xoán Farias "In Memoriam" (II)

2011-06-13T12:00:00.000+02:00

Para ti...

Unha vez, mentres lia unha viaxe polo deserto, mentres ia na procura da cidade perdida, tiven que apearme na páxina 77, baixar á cociña e beber un vaso de auga.
A miña gorxa estaba seca e case estaría por xurar que tiña area nos petos.

O meu corazón, durante aquela lectura, tivo o latexar parado e paciente do corazón dun tuareg.

Se un día estás enfermo, se pillache a gripe, se chove a cachón e se por algunha razón non podes ou non te deixan sair da casa, vaite sen irte, rompe a pechadura dun libro e lisca.

Eu fíxeno máis dunha vez e por iso coñezo os sitios, as persoas e as cousas que doutro xeito nunca chegaría a coñecer.

Juan Farias
(A infancia de Martiño Piñeiro)

Xoán Farias "In Memoriam"

2011-06-12T12:00:00.006+02:00

Onte deixounos Xoán Farias, un grande da literatura xuvenil a quen as bibliotecas escolares dos centros públicos de Ferrolterra lle dedicamos esta ano o Día do Libro Infantil e Xuvenil. Foi a nosa pequena homenaxe a este extraordinario escritor ferrolán e en O Segrel estivo Xabier Docampo para falarnos da vida e a obra do seu grande amigo, un marabilloso exemplo do valor da AMIZADE.

Traballos arredor da vída e a obra de Xoán Farias elaborados polos CEIP e IES de Ferrolterra.

O noso agarimo para a súa familia e amigos nestes momentos de dor.

Biblioteca Xoán Farias

La Voz de Galicia

Público.es

Proxecto Documental "Mark Twain"

2011-06-04T20:41:00.004+02:00

A Insoportable Levedade das Bibliotecas Escolares Galegas

2011-06-01T00:00:00.001+02:00

Ante a previsible retirada de formadores específicos no ámbito das bibliotecas escolares no Servizo de Formación do Profesorado, no Centro Autonómico de Formación e Innovación e nos centros de formación e recursos dependentes da Dirección Xeral de Educación, Formación Profesional e Innovación Educativa, segundo o borrador da orde que convocará concurso público de méritos para cubrir postos de persoas directoras e asesoras nestes centros queremos manifestar o seguinte:

Hai proxectos que nacen marcados pola vulnerabilidade e a razón desta circunstancia non ten nada que ver coa falta de rigor ou a pouca entrega das persoas que os poñen en marcha. Máis ben ten que ver co feito de que nacen destinados a nadar contra corrente. Con todo, esa é a principal razón da súa existencia: xorden porque responden a unha necesidade non satisfeita pero compartida por un número crecente de persoas que senten que é posible compartir e facer viable o proxecto xuntos. Así naceu o movemento que cristalizou na iniciativa que todos coñecemos como PLAMBE. De xeito que dende hai algúns anos, esa iniciativa levou o mellor da creatividade e o esforzo de moitos docentes que xenerosamente regalaron o seu tempo e a súa capacidade de formar equipos e ilusionar a outros docentes en centros e centros de toda a nosa comunidade. Xuntos aprendemos a ser rigorosos e esixentes nos nosos proxectos, a crear espazos de aprendizaxe colaborativo, de cambios de estratexia, de achegamento ás novas tecnoloxías, de racionalización na xestión da información. Que ninguén se equivoque: os responsables das bibliotecas escolares non son seres evanescentes perdidos en vanas quimeras que tentan “roubar” horas a materias “importantes” para que o alumnado esmoreza entre mundos de ficción. Nada máis lonxe da realidade. Nun centro onde hai un equipo que xestiona a biblioteca de forma eficaz nótase. Os fondos adquírense con criterio, establécense acordos para xestionar a información, créanse espazos de colaboración e docencia compartida. Non é doado porque a maquinaria educativa ten unhas inercias difíciles de combater. A pesar de todo, estes docentes fórmanse e exercen a súa dura misión en horas non retribuídas, roubadas ás súas familias, ao descanso, ao lecer. Fomos coordinados con rigor e seriedade pola Asesoría de Bibliotecas Escolares pero sempre nos faltou o marco legal axeitado. A nosa misión é dura porque queda moito por definir. Na nosa inxenuidade e boa fe esperabamos conseguir progresivamente tempos e formación para seguir mellorando na nosa función se demostrabamos que eramos rigorosos e eficaces. Os nosos méritos como colectivo son dabondo coñecidos polos nosos gobernantes e acreditados por diferentes administracións e ámbitos a nivel estatal. Os numerosos e constantes premios anuais de boas prácticas concedidos polo Ministerio de Educación y Ciencia non caeron do ceo. Durante todos estes anos a formación recibida foi fundamental para levar a cabo actuacións rigorosas e enfocadas na dirección correcta.

Sabemos das cuantiosas axudas que a Dirección Xeral de Educación, Formación Profesional e Innovación Educativa, destina a outros proxectos, dos incentivos para a elaboración de contidos dixitais por parte das empresas editoriais, entre outras iniciativas. Non sería tamén interesante fomentar a produción de materiais propios e promover desde cada centro a estandarización de procedementos que axuden a xestionar a información entre o noso alumnado sen confiar todo a eses materiais externos que proceden da industria editorial, por valiosos que poidan ser? Por que non seguir aproveitando a experiencia e valía dos equipos das bibliotecas escolares nestes cometidos?. O noso empeño sempre foi crear nos centros pequenos focos que tentan estender esas boas prácticas de innovación e excelencia. Non entendemos este novo e repentino xiro na política de formación desta Dirección Xeral. Non nos parece xusto posto que, podemos dicir honestamente que, pola nosa banda, cumprimos con fartura. Ao desmantelar as estruturas que nos sosteñen o deterioro será proporcional ao entusiasmo e o esforzo investidos: inmenso e imparable. Algúns lembramos como o noso Conselleiro lanzou un bico ao aire ao despedirse dos asistentes aos últimos encontros despois dunhas entusiastas palabras de eloxio polos éxitos logrados polas bibliotecas escolares galegas a nivel estatal. Onde quedou ese entusiamo? Que interpretación debemos facer? O noso país pode permitirse tirar pola borda todo este traballo? E nós?. En que situación quedaremos agora diante das nosas comunidades educativas se despois de tanta insistencia é a propria Consellería a que nos invisibiliza?.

Colectivo dos equipos das bibliotecas escolares integradas no PLAMBE (Plan de Mellora das Bibliotecas Escolares Galegas)

Letras Galegas 2011: Salvando Libros

2011-05-17T00:00:00.007+02:00

SALVANDO LIBROS

Que libro salvarías ti?

Esta exposición xorde dun traballo colaborativo entre 96 bibliotecas escolares galegas e pretende ser unha chamada de atención sobre a importancia de apreciar, coidar e manter o noso patrimonio cultural escrito.

Pretendemos difundir a idea de que é imposible destruír os libros e os valores que neles se transmiten se somos quen de conseguir que formen parte de nós para sempre.

Maio 2011

Queremos dar moi especialmente as grazas a Jaime Eizaguirre Santillán, ex-alumno do IES Sánchez Cantón, que unha vez máis deseñou estes carteis tan fermosos para facer posible a actividade.

Podedes ver o perfil de Jaime, arquitecto e debuxante, aquí

e algunhas das interesantes cousas que fai aqui

e tamén aquí….

Grazas de novo, Jaime, pola túa xenerosidade

Moitísimos libros están a ser salvados nas nosas bibliotecas, que organizan as súas propias exposicións e actos.

Esta é só unha pequena escolma dos que representan a cada un dos centros que participaron na actividade.

Salvar un libro consiste en aprender de memoria un pequeno fragmento para simbolizar a asimilación de todo o seu contido. Entón xa seremos unha persoa-libro e poderemos preservalo para sempre.

A idea está baseada na obra de Ray Bradbury “Fahrenheit 451”.

Esta é a escolma de libros que representan aos centros de Educación Infantil

Esta é a escolma de libros que representan aos centros de Educación Primaria

Esta é a escolma de libros que representan aos centros de Educación Secundaria e algúns persoeiros relacionados co mundo das letras e a cultura

ESTA ACTIVIDADE FOI COORDINADA DESDE AS BIBLIOTECAS ESCOLARES:

IES LUIS SEOANE DE PONTEVEDRA

ESCOLA UNITARIA DE VIDE

IES SÁNCHEZ CANTÓN DE PONTEVEDRA
(Este último, autor desta entrada)

"O Cine na Comarca de Ferrol" (1897-2010)

2011-05-02T00:00:00.001+02:00

Hoxe, O Segrel quere recomendarvos un libro ben especial "O cine na comarca de Ferrol. As súas xentes. Os seus recursos (1897-2010)". Especial porque fala de cine, e xa sabedes o cinéfilos que somos, especial porque fala do cine na comarca de Ferrol, das súas xentes e os seus recursos, pero tamén é moi especial porque unha das súas coautoras é membro do noso club de lectura, María Xesús Arias Rei, "Pitusa" para todos nós.

Un ensaio sobre o cine da nosa comarca que vos recomendamos porque como nos lembran os seus autores na súa presentación...

"Es una noble misión rescatar del olvido a quienes merecen ser recordados"

Plinio el Joven

Na súa presentación no Casino de Perlío (Fene) Pitusa falounos dos cines de Fene, daquelas oito marabillosas salas das que hoxe non se conserva ningunha... a última, o cine perla, pechou no 2005 -sobran comentarios, non si?- pero tamén lembrou aquela primeira vez cando, ben pequerrecha, foi ao cine Cardoeiro cos seus pais a ver "Psicosis" e aqueles pesadelos nos que era asesinada por "Pepín o das barcas", pero non na bañeira, no seu caso, Pitusa morría no horta da casa... Un momento moi especial ao que contribuiron moitos dos asistenten contando as súas anécdotas e lembranzas.

E con tanta lembranza veunos á cabeza o noso primeiro día de cine ... O primo Carucho, quen anos despois tamen foi quen nos aprendeu a liar os pitos, (que ben recrea a escea o gran Luis Seoane) levounos ao cine de Covas, un edificio que soubemos, gracias a este libro, que é obra de Rodolfo Ucha... Aquela foi a nosa primeira saída nocturna e non somos quen de lembrar que película fumos ver! Máis o que nunca esqueceremos son os asubíos do público cando no momento en que os protagonistas estaban a piques de bicarse o que seguía era un "oportuno" corte... ai, aquela censura! Unha censura da que non se librou tampouco a literatura galega ...

E non podemos esquecer o "Cinema" e aquelas pelis que íamos ver sempre e cando "houbera moza", é que doutro xeito non nos gustaban... que novas éramos!!, e o "Avenida" e a nosa primeira peli para "maiores", o "Teatro Jofre", o Rena, o Capitol, o Callao, o Madrid-París... e tantos outros hoxe en día xa desaparecidos en Ferrol... Cantas lembranzas!!

Non deixedes de ler este ensaio, que como di na súa contraportada...
"Esta publicación, sobre o cine e a súa impronta na comarca de Ferrol trata de recoller a memoria colectiva dunha centena de anos e a súa importancia na sociedade"

Hoxe Cumplimos 4 Anos !!

2011-04-23T00:00:00.002+02:00

Así é, xa levamos catro anos e a experiencia segue a ser ben gratificante.

A través deste blog da nosa biblioteca escolar entramos na blogosfera o 23 de abril de 2007, e a partir de aí todo foi un non parar... ese primero ano creáronse tamén o blog do club de lectura, o blog dos segreis e o álbum fotográfico, ao ano seguinte sairon a nosa Radio Escolar e a Canle de YouTube, no 2009 entramos nas redes sociais a través de Facebook e o ano pasado en Twiter. E en todas estas ocasións a data clave foi o 23 de abril, o Día do libro e os dereitos de autor. Que mellor data para festexar nunha Biblioteca Escolar, non?

E que imos facer este ano? Cal será a sorpresa que O Segrel nos ten agochada?

Nesta ocasión a sorpresa ten que ver cun obxectivo que tiñamos en mente dende hai xa ben tempo, pero que por iso mesmo, polo tempo, ou mellor dito, pola falta del, non puidemos acometer ata este curso.

Como ven sendo habitual dende que entramos no Plambe, alá polo 2005, -canto camiño percorrido...!!- todos os cursos solicitamos un Grupo de Traballo xa que ese foi o compromiso asumido cando nos presentamos á convocatoria do Plan de Mellora. Con este, xa son 6 anos de formación continuada de todos os membros do grupo da biblioteca -máis de 2.400 horas de formación sumamos entre todos, e só tendo en conta as horas destes grupos de traballo-.

Nesta ocasión decidimos traballar na elaboración dunha base de datos de recursos que hoxe queremos presentarvos e animarvos non só a que a utilicedes, senón a que colaboredes con nós para continuar enchéndoa de contido e conseguir que sexa unha gran base de datos.

E non deixedes de entrar no que será a nosa base de cine, onde atoparedes non só información das películas dos nosos fondos, senón tamén guías didácticas para o traballo nas aulas.

Esperamos que vos sexa de utilidade!!

Podedes entrar nas bases de datos clicando nas imaxes.

Encontros do Plambe 2011

2011-04-09T12:26:00.007+02:00

Onte, e como xa ven sendo habitual nestas xuntanzas dos centros que formamos parte de PLAMBE, a labor da Asesoría de Bibes Galegas foi excelente. Excelente pola organización, (xefas, fantástica esa comida no campeiro...!!), @s magnífoc@s poñentes, -como sempre tamén nestas ocasións, tiñamos "o corasón partío " nas sesións simultáneas, así que decidimos ir ao obradoiro de Kiko da Silva no que xurdiu o que pode ser o Proxecto do vindeiro curso- (a cabesiña, que non para....!) o ambiente que se crea entre os asistentes, as reunións dos grupos de zona... todo sen excepción perfecto!! Parabéns Cristina e Pilar polo voso bo facer!!

Máis estes Encontros estarán sempre marcados por un peche moi especial, un peche extraordinario a cargo de D. Xosé Neira Vilas, quen, en palabras de Pilar Sampedro na súa presentacion é "o único clásico que aínda queda vivo" quen, "sempre amosou o seu compromiso con Galicia e a súa mocidade" e que grazas a xente como el "Galicia ten un lugar no mundo".

E que se pode engadir sobre un dos grandes do noso país que non se dixera xa?

Foi un verdadeiro placer escoitar a súa lembranza daquela escola rural a 8 km. da casa e cunha biblioteca chea de "vidas de santos". Do extraordinaria que foi para el a descuberta da escrita. Do seu gosto dende ben neno pola lectura. Dos libros agochados baixo as tellas. Dos cartos gañados "honradamente" para mercar máis libros. Daqueles libros mercados contra rembolso e do consello do seu pai "pide libros, pero con moderación"...

Da emigración a Arxentina, "emigro, en certo sentido, para achegarme aos libros", e a súa primeira relación alí coas bibliotecas escolares ás que lles doaba os libros que mercaba nas librerías de vello da Praza de Maio. O seu apadriñamento en Cuba do Colexio Concepción Arenal.

A súa labor á fronte da Editorial Follas Novas cuxo obxectivo era o de difundir a Literatura Galega. A publicación da revista "Zunzún" e a súa relación tan estreita e persoal cos lectores. As actividades de fomento da lectura que levaban a cabo e segue a levar dende a súa Fundación...

Neira Vilas falou as súas "experiencias persoais arredor do libro e a lectura" e coa presencia constante da súa compañeira Anisia con quen compartiu vida, soños e proxectos. Unha lembranza que nos fixo emocionar fondamente acompañada pola figura de Balbino "Memorias dun neno labrego" do que se está a celebrar o cincuentenario da súa publicación e que supuxo o comezo da literatura xuvenil en galego, "aínda que non fora escrita para nenos".

Con este grande das nosas letras rimos e choramos, compartimos lembranzas e o seu amor pola nosa terra, a nosa cultura e a nosa lingua.

Grazas Don Xosé!!

Ligazóns do artigo vía Asesoría

Programa dos Encontros clicando no cartel.

Todo sobre estes Encontros, no espazo Moodle no que se pode entrar como convidado.

Pasade e disfrutade case tanto coma nós!!

Roteiro polas Bibes de Ferrolterra (III)

2011-04-07T08:00:00.002+02:00

O pasado xoves, e seguindo con esta boa costume de facer as reunións do Grupo de Bibes de Ferrolterra de visita polas distintas bibliotecas escolares da comarca, chegoulle o turno á Biblioteca do CEIP O Ramo de Fene.

Unha biblioteca que está a ser renovada e á que xa se lle ve o marabillosa que quedará despois da ampliación. Pero antes de entrar na biblioteca, Flor e Rebeca fixéronnos un percorrido polo centro. Quedamos abraiadas polas marabillosas portas que están a deseñar para cada unha das aulas e que o alumnado, durante a hora de titoría, se encarga de facer utilizando distintos materiais, plastilina, serrín,... e cores, moitas cores.

Un centro que ten unha marabillosa ludoteca, un recuncho cheo de maxia e que, estamos seguras, fai as delicias de grandes e pequechos.

E unha vez feito o percorrido e xa na biblioca falamos de proxectos e ultimamos os detalles da homenaxe a Xoán Farias do pasado día 2, mentres dábamos conta de dúas deliciosas tartas con café e infusións. Que estas anfitrionas non perden detalle e xunto co café chegaron chocolates e libretiñas de notas para cada unha das asistentes.

A reunión foi tan estupenda, que a piques estivemos de esquecer darlles o cariño que lles levamos... Un exemplar de "La verdadera historia de los tres cerditos" Ufffffffffffff, vaia despiste!!!!

Foi unha tarde ben aproveitada e dende aquí o noso agradecemento as dúas magníficas anfitrionas coas que xa estivemos a argallar algunha actividade conxunta.

A próxima reunión podería ser o 27 de abril na Biblioteca Saturnino Hemida do IES Concepción Arenal de Ferrol. Que che parece Ana?

Homenaxe a Juan Farias no Día da LIX

2011-04-03T20:00:00.001+02:00

O pasado venres, en "O Segrel" celebramos o Día do Libro Infantil e Xuvenil cunha pequena homenaxe a Juan Farias, un dos grandes escritores da literatura xuvenil.

Unha homenaxe que xorde nunha xuntanza das Bibliotecas Escolares de Ferrolterra, a proposta da Biblioteca do CEIP de Pazos que leva o nome deste autor.

Nesta pequena homenaxe, connosco estivo non só un grande da literatura do noso país, Xabier Docampo, senón unha extraordinaria persoa para quen o valor da amizade é tan importante que non dubidou en achegarse á nosa biblioteca para compartir un par de horas co alumnado de 1º e 2º de ESO para falar, non da súa persoa, nin da súa obra, senón para falar da persoa e da obra do seu amigo Juan Farias de quen se recoñece un grande admirador.

Xabier falounos de Farias, desa fonda amizade que os une dende hai moitos anos, da súa vida, plagada de anédoctas, e da súa obra, centrándose especialmente na novela "Os nenos numerados" que foi a que lemos tanto nas aulas como no Club de lectura.

Dende O Segrel, agradecer a Xabier o tempo que nos adicou e o xeito tan agarimoso de achegarnos á figura e á obra deste autor.

Velaí tedes unha mostra dese fermoso encontro no que o alumnado tivo unha participación especial coa lectura de distintos parágrafos da novela elixidos por eles por ser os que lles provocaron algún sentimento especial. Ao remate desta lectura Sara Permuy, alumna de 1º de ESO, interpretou ao clarinete "Greensleves".

A vindeira semana teredes os vídeos deste encontro en Radio Barullo

2 de Abril con Xoán Farias

2011-04-02T00:01:00.004+02:00

Noraboa a todos os nenos e nenas, mozos e mozas que participaron e encheron de vida os libros de Xoán Farias.

Preme no cartel para acceder ás actividades dos distintos centros que participan nesta homenaxe.

Roteiro polas Bibes de Ferrolterra (II)

2011-02-20T13:05:00.007+01:00

O pasado xoves, e seguindo coa boa costume de levar a cabo as reunións mensuais do Grupo de "Plambeir@s" de Ferrolterra visitando as Bibes da zona, estivemos na Biblioteca do IES Fernando Esquío de Neda onde Begoña, a súa "alma mater" fixo de extraordinaria anfitriona. Unha reunión na que non faltou un bo café e un mellor biscoito feito por Mari Gelis, mebro do fantástico equipo desta biblioteca exemplo de bo facer.

E arredor dese café falamos de libros, fixemos algún que outro intercambio de lecturas e demos os últimos toques a un proxecto común que levaremos a cabo con motivo do Día da Literatura Infantil e Xuvenil e que xa vos comentaremos máis polo miudo...

Grazas Begoña, foi un placer compartir proxectos en tan boa compaña e nunha biblioteca tan chea de vida!!

Velaí tedes unha mostra deste traballo en equipo que tanto nos gusta....

Fotografías: Maribel (CEIP Os Casais - Fene)

Montaxe: Rosana (CEIP de Pazos - Ferrol)

Grazas compañeiras!!

Reportaxe tamén en Biblioteca Xoán Farias

A próxima reunión será o 23 de marzo no CEIP O Ramo de Fene. Alí estaremos!!

Sobran Etiquetas !!

2011-02-15T12:00:00.001+01:00

Sobran etiquetas, catalogacións, compartimentos estanco, illamentos... !!

Fóra prexuizos, muros, barreiras ...!!

Vía Grazas Jose

Poemas no Día do Amor !!

2011-02-14T10:00:00.000+01:00

E que mellor xeito de celebrar o "Día do Amor" que cunha pequena escolma dalgúns dos máis fermosos poemas de amor...

Cal é o teu poema preferido?

Lecturas con Moito Amor !!

2011-02-11T00:00:00.002+01:00

Calquera motivo é bo para sacar dos andeis do Segrel unha pequena selecciòn dos nosos fondos.

Calquera momento pode ser o axeitado para achegarvos algúns deses títulos que vos poden facer pasar un momento inesquecible...

Nesta ocasión, a festa de "Cupido" é a que nos leva a facervos estas suxestións. Unhas suxestións que teñen que ver co AMOR con maiúsculas, no máis amplo sentido da palabra...

Que, anismádevos a coller algún deles?

Feliz 4709, O Ano do Coello!!

2011-02-03T08:00:00.002+01:00

Hoxe, segundo o calendario Chinés, comeza o ano 4.709, o ano do coello.

Que vos parecería como recomendación, para que pasedes un fantástico momento de lecturas compartidas coa familia ou os amigos, unha pequena obra de arte onde aparece un "coello" moi especial?

Xa sabedes que somos uns namorados dos pop-up, así que hoxe vos traemos un que, para nós, foi todo un descubrimento, alo menos nunha das súas versións. "Alicia en el país de las maravillas" para ipad!!

Tíñades visto algo tan chulo antes? Nós, debemos confesar que non...

Cal vos gusta máis?

Nós non sabemos cal elixir...

"Blaksad" tamén nos nosos fondos...

2011-02-01T10:00:00.001+01:00

Vía La Cárcel de Papel

Blaksad é un cómic que está a arrasar, dentro e fóra das nosas fronteiras, e que, como non podía ser menos, forma parte dos fondos da nosa biblio.

Anímate e descúbreo, se aínda non tiveches ocasión de facelo.

30 de Xaneiro: Día da Non Violencia e a Paz

2011-01-29T12:00:00.011+01:00

Pequena selección dos nosos fondos sobre Paz e Non - Violencia.

Cando chegará o día en que non sexa necesario reivindicar o Dereito a Vivir en Paz?

"Co puño pechado non se pode intercambiar un apretón de máns"

Indira Ghandi

Pola convivencia pacífica entre todos,

Polo respecto ás diferencias que nos enriquecen,

Pola PAZ!!

"IRMAUS": Fuxan os Ventos

Máis Música pola Paz!!

Nas noites de inverno

2011-01-27T11:48:00.013+01:00

Nas noites de inverno, os colosos cubertos de neve saben que os campións pasan pero eles permanecen.

Bicis + Lectura = Aventura

Daniel Cassany: Ler e escribir en tempos de internet

2011-01-08T12:00:00.002+01:00

Literacidade Crítica

Influencia das TIC

O rol do profesorado...

Cassany, tan claro coma sempre.

Vía Twitter Manuel Area

Muda o Ano, Mudemos Metodoloxías Caducas!!

2011-01-05T12:00:00.000+01:00

Enfrentar ao alumnado a experiencias reais para que aprendan por sí mesmos. Interactuar co mundo real.

Plantexar problemas e permitirlles que den rienda solta á súa creatividade para atopar as posibles solucións.

Aprender dos erros...

Cantos estamos dacordo con estas premisas, alomenos así o manifestamos públicamente, e logo cando chega o día "D" se seguen a escoitar frases do tipo...

"Que mágoa, estábao a facer moi ben, pero o exame saiulle fatal...."

"Non sei que lle pasa, pero nas probas non é tan brillante como nas súas respostas diarias na aula...."

Ata cando pensamos agardar para modificar metodoloxías caducas?

Cando comezaremos a por en práctica o sentido común? Aínda que pensandoo ben, é miaxiña complicado, se como dí un bo amigo, "é o menos común de todos os sentidos", pero poderíamos intentalo, non si...?

Feliz volta ao traballo!!

(É posible ver este vídeo subtitulado, só tedes que premer en "view subtitles" e elixir a lingua...)

Vía El balcón abierto

O noso 2010 en Imaxes!!

2011-01-03T14:00:00.001+01:00

Estes son, recollidos en 35 segundos, algúns dos momentos vividos no Segrel durante o 2010. Un ano que para nós rematou dun xeito ben especial, cun premio que recibimos cunha grande ledicia, polo premio en si que nos enche de orgullo, pero tamén polas extraordinarias mostras de agarimo que tantos e tantos amigos e amigas nos fixeron chegar.

Velaí tedes unha mostra do que realmente nos alegra e emociona, por vir de quen está a facer este camiño con nós. Grazas por estar sempre aí...

Todo o Mellor Para o 2011 !!

2011-01-01T00:00:00.003+01:00

Moreas de Desexos !!

2010-12-30T00:00:00.002+01:00

Moreas de fermosos momentos de lecturas compartidas!

Moreas de lecturas que nos fagan vivir momentos inesquecibles!

Moreas de momentos nos que vivir outras vidas!

Moreas de vidas que nos permitan ser outras persoas!

Moreas de persoas donas de mil e un soños!

Moreas de soños, os vosos/nosos soños, feitos realidade!

“Hai quen non pode imaxinar un mundo sen paxaros; hai quen non pode imaxinar un mundo sen auga, no que a min se refire, son incapaz de imaxinar un mundo sen libros”

Jorge Luis Borges

Queres Deixarnos Unha Mensaxe?

2010-12-27T18:00:00.001+01:00

Podes facelo utilizando esta ferramenta.

É ben doado, so tes que seguir estas instrucións:

Clica en "clear" para borrar as mensaxes anteriores.
Arrastra as letras ou os números elixidos da parte baixa á pantaia superior.
Para borrar unha letra ou un número so tes que volvelo arrastrar á parte baixa.
Escribe o teu nome ao final para que saibamos quen nos deixa esa mensaxe.
Unha vez escrita a mensaxe clica en "save"
Abrirase unha pantaia para que deixes o teu nome e o do teu blog.
Calquera que entre na páxina verá a túa mensaxe ata que escriban outra.

Anímate, é divertido!!

Suxestión de Lecturas, Nadal 2010

2010-12-19T12:00:00.001+01:00

A Noticia do Premio Espállase !!

2010-12-17T23:58:00.013+01:00

O Concello de Fene moi implicado na difusión do premio conseguido por "O Segrel do Penedo". Pero este non é un feito que nos sorprenda, xa que sempre sentimos o recoñecemento ao noso traballo e o seu apoio e colaboración en todas e cantas iniciativas lle propuxemos dende o centro.

RadioFusión, nada máis coñecer a noticia, fíxonos unha entrevista. Uns minutos entre clase e clase foron suficientes para intentar contarlle aos veciños do concello, a pesar dos moitos nervos, o que nos estaba a acontecer, a inmensa alegría que viñamos de recibir. Se entrades en Radio Barullo podedes escoitala.

A concellería da Cultura, a través da súa páxina web, tamén espalla a noticia.

Como podedes comprobar, no concello celebraron este premio como algo propio, como así é. E nós contentísimos e orgullosos deste recoñecemento á nosa tarefa cotiá. Como nos dicía o alcalde na súa felicitación, enviada a través do seu perfil en facebook, " [...] os recoñecementos sempre dan folgos para seguir adiante" e nesa estamos, dispostos a seguir adiante, con "máis folgos" se cabe...

E, como non podía ser menos, na páxina web do IES de Fene tamén contamos a nova... que nos sentimos ben orgullosos e queremos facervos partícipes de tan extraordinaria noticia.

Moitísimas grazas a tod@s!!

2º Premio Nacional de Boas Prácticas !!

2010-12-15T23:04:00.008+01:00

Efectivamente así é... o noso centro ven de acadar o 2º PREMIO do MEC no CONCURSO NACIONAL DE BUENAS PRÁCTICAS para a dinamización e innovación de Bibliotecas Escolares, dotado con 10.000 euros.

O Equipo da Biblioteca O Segrel do Penedo está moi orgulloso por este recoñecemento que quere dedicar especialmente ao noso alumnado e a todos os membros da comunidade educativa que durante anos teñen participado na mellora da biblioteca escolar e deste xeito na mellora da calidade do ensino público de Fene. Grazas pola vosa dedicación e o voso esforzo.

E nesta ocasión tampouco estamos sós. Somos 8 os centros premiados:

PREMIOS INFANTIL / PRIMARIA
1º PREMIO
· CRA Mestra Clara Torres.Tui (Pontevedra)

2º PREMIO
· CPI Tino Grandio. Guntín (Lugo) · CEIP de Cervo. Cervo (Lugo)

3º PREMIO
· CEIP Os Muíños. Muxía (A Coruña) · CEIP Quintela. Moaña (Pontevedra)

PREMIOS SECUNDARIA
2º PREMIO
· IES de Fene. Fene ( A Coruña) . IES Monterroso.Monterroso (Lugo)

3º PREMIO
· IES Manuel Antonio. Vigo (Pontevedra)

Os nosos parabéns ás comunidades educativas de todos eles e a quen fai posible que as Bibes Galegas sexan un referente nas Bibliotecas Escolares do estado. Grazas Cristina e Pilar!!

Emocionante despedida de Alsira.

2010-12-15T01:32:00.007+01:00

O pasado luns, no noso club de lectura de pais, nais e profes, durante a xornada de celebración e despedida do ano, tivemos un momento máxico no que a emoción nos embargou a todos. Alsira despediuse do noso club, pero a súa despedida non se limitou a un par de bicos e unha aperta a todos e cada un de nós, o seu "ata o curso que ven" foi, como ela mesma é, algo moi especial que, por suposto, non esqueceremos e co seu permiso traemos hoxe ao Segrel.

CARTA DE DESPEDIDA DE ALSIRA

"No resulta fácil condensar en unas pocas palabras todos los sentimientos, emociones, y sensaciones que, una vez vividos, se incorporan a nuestro bagaje personal y que nos acompañan ya para siempre. Durante un tiempo hemos tenido el privilegio de compartir aula, experiencias, y enseñanzas, con una profesora que ha tenido la virtud de hacernos ver, en la realidad paralela al devenir cotidiano que conforman el cine y la literatura, un universo que va más allá de un primer visionado, de una primera lectura, intentando inducirnos a mostrar una mente abierta, capaz de captar un segundo mensaje, una segunda intención, pretendida o no por sus autores.

A lo largo de la breve trayectoria académica en la que he estado inmersa en este Centro, todos los profesores han intentado enseñarnos algo más importante que el mero aprendizaje repetitivo de una materia. Han conseguido que aprendamos a tener una visión amplia no sólo de la enseñanza, sino de la propia existencia. Así ha ocurrido en esta biblioteca, donde hemos participado, en el placentero trabajo de contemplar las películas y de leer los libros que Loly nos sugería, logrando que disfrutásemos de un apasionante tiempo de ocio, en un ambiente de camaradería y de amistad, consiguiendo que anhelásemos su propuesta de nuevas tareas, en la certeza de que las películas o los libros seleccionados, iban a aportarnos ese toque de innovación, de magia, de aquello que trasciende lo ya visto, lo ya conocido, la cotidianeidad, para trasladarnos al mundo particular de creadores superlativos. Nuestra profesora ha sabido motivarnos para que compartiéramos con ella el goce de los pequeños tesoros artísticos que había elegido para nosotros.

Junto con una gran profesora, he tenido la fortuna de contar durante este período, con unos compañeros de una calidad humana excepcional, lo que ha propiciado que se diera una confluencia de intereses y afinidades, que convirtió el curso en una experiencia enriquecedora y motivadora, tanto desde el punto de vista académico como del personal.

El conocimento adquirido, la asimilación de una nueva forma de ver lo que se nos presenta como realidad y, sobre todo, la asertividad y la calidez del trato, tanto por parte de la profesora como por parte de los compañeros, han logrado marcar en mi alma, de manera indeleble, el significado profundo de las palabras afecto y agradecimiento, hacia los que considero, ya de por vida, mis amigos"

Alsira.

Ata sempre Alsira, foi un pracer poder compartir contigo lecturas, experiencias, anécdotas, moitas risas, e sobre todo un tempo marabilloso que nos permitiu coñecer a unha gran muller.

Esperámoste o vindeiro curso!!

Obradoiro de Manga na Bca. Municipal

2010-12-11T10:00:00.001+01:00

Como todos os cursos, na formación d@s nos@s usuari@s non pode faltar unha visita á biblioteca municipal, onde Sonia Iglesias, a bibliotecaria, sempre nos ten un fantástico agasallo. Nesta ocasión foi un obradoiro de manga da man de Marisa Irimia, prestixiosa ilustradora, contacontos... galega, que foi todo un achádego para nós.

Marisa fixo unha exposición moi didáctica -que clariño lles deixou a necesidade de utilizar as distintas fontes de información para documentarse moi ben e poder realizar os magníficos traballos do que é autora-. Toda a información que nos presentou estaba marabillosamente documentada e ilustrada e a parte práctica foi, iso, moi práctica. Marisa estivo con todos e cada un dos rapaces e rapazas axudándolles na creación dos seus personaxes, dándolles consellos, facéndolles bocetos... Unha extraordinaria profesional que nos deixou convidados para organizar outro encontro con ela.

Parabéns a Marisa e gracias a Sonia, a nosa "Bibliotecaria favorita"

Día dos Dereitos Humanos

2010-12-10T08:00:00.006+01:00

Para traballar os DDHH e saber máis:

Como se asinou a Declaración dos DDHH

Educar en e para os DDHH

Relación de Webquests sobre DDHH

Cine e DDHH

DDHH e Medios de Comunicación

Unicef - DDHH d@s nen@s

Música e DDHH

Rato de Biblioteca

2010-12-09T10:00:00.001+01:00

Vía Bibliotequear

As Mochilas Viaxeiras Non Paran !!

2010-12-08T12:00:00.000+01:00

Así é, porque a saída do pasado venres é xa a terceira deste curso.

É esta unha iniciativa de lecturas compartidas que as familias, despois de tres anos, seguen a ver como moi positiva:

"Está moi ben esta iniciativa de compartir a lectura cos fillos"
"Unha idea moi orixinal e positiva para pais e fillos. Unha actividade moi educativa para toda a familia poder compartir cultura."
"Unha actividade coa que se aprende moito, é moi interesante."
"É unha actividade fantástica, podemos ler e logo comentar o contido das mochilas. Hai para tódolos gustos."
"É unha actividade moi educativa, pois podes ler todo tipo de lecturas, ver peliculas ou escoitar música"

A través dela podemos saber cales son os libros que máis lles gustaron:

A miña planta de laranxa lima
El asombroso viaje de Pomponio Flato ("Lectura chea de sorpresas e risas")
El asesinato del profesor de matemáticas
Padres brillantes, maestros fascinantes
Cousas da vida

E coñecer as súas suxestións:

Mago por correspondencia de Joles Sennell
Los amores de Nikolai de Marina Lewycka
Sabor a chocolate de José Carlos Carmona
El arte perdido de la conversación de José Carlos Carmona
Herba moura de Teresa Moure

E, por suposto, as súas queixas, que no caso das Mochilas é só unha, que aínda que non é xeneralizada non por iso deixamos de tela en conta...

"O tempo que nos deixades as mochilas paréceme moi curto xa que non hai tempo físico para ler e ver todo o material"

Contidos das Mochilas de 1º ESO

Vargas Llosa ou o Eloxio da Lectura

2010-12-07T21:46:00.003+01:00

Así comezou o seu discurso ante a Academia Sueca o Premio Nobel de Literatura Mario Vargas Llosa, facendo un fermosísimo eloxio da lectura...

"Aprendí a leer a los cinco años, en la clase del hermano Justiniano, en el Colegio de la Salle, en Cochabamba (Bolivia). Es la cosa más importante que me ha pasado en la vida. Casi setenta años después recuerdo con nitidez cómo esa magia, traducir las palabras de los libros en imágenes, enriqueció mi vida, rompiendo las barreras del tiempo y del espacio y permitiéndome viajar con el capitán Nemo veinte mil leguas de viaje submarino, luchar junto a d’Artagnan, Athos, Portos y Aramís contra las intrigas que amenazan a la Reina en los tiempos del sinuoso Richelieu, o arrastrarme por las entrañas de París, convertido en Jean Valjean, con el cuerpo inerte de Marius a cuestas.

La lectura convertía el sueño en vida y la vida en sueño y ponía al alcance del pedacito de hombre que era yo el universo de la literatura. Mi madre me contó que las primeras cosas que escribí fueron continuaciones de las historias que leía pues me apenaba que se terminaran o quería enmendarles el final. Y acaso sea eso lo que me he pasado la vida haciendo sin saberlo: prolongando en el tiempo, mientras crecía, maduraba y envejecía, las historias que llenaron mi infancia de exaltación y de aventuras."

Vía

No Día Contra a Violencia de Xénero...

2010-12-07T10:00:00.005+01:00

Crédito da Imaxe "Macus Romero"

Como xa é habitual, ano tras ano, no Día internacional Contra a Violencia de Xénero, nós tamén dicimos "Basta Xa!" e facémolo con música e poesía.

Nesta ocasión foi o alumnado de 1º de ESO quen, durante o recreo, quixo amosar o noso rexeitamento a esta lacra social que xa leva acabado coa vida de 67 mulleres a día de hoxe, 7 de decembro. Ata cando!!

6 de Decembro "Día da Constitución"

2010-12-06T08:00:00.002+01:00

A Constitución Española, en vigor dende o 29 de decembro de 1978, é a norma suprema á que están suxeitos os poderes politicos e os cidadanos de España.

Para saber máis:
A Constitución Española (pdf)

Constitución Española de 1812

Xogos e actividades para coñecer mellor a Constitución
Parlamento de Canarias

Junta de Andalucía

Junta de Castilla León (Vía)

Que aconteceu no ano...

2010-12-05T12:00:00.003+01:00

... que naciches?

Queres saber cal foi a película que gañou o Oscar, o libro máis vendido, a quen se lle concedeu o premio Nobel de literatura e moito máis?

Pois non tes máis que entrar en What happened in my birth year? e Voilá!!

Que, anímaste? Admite dende o 1900...

Nós xa o fixemos e estes son algúns dos acontecementos do 2007, ano no que saímos á blogosfera...

Vía

É un Libro!!

2010-12-04T12:00:00.002+01:00

Xa o tiñamos visto, pero hoxe achegounolo unha boa amiga. Será porque esta longa ponte invernal invita a quedar na casa (animados por uns controladores aéreos ben "profesionais"!!) e disfrutar da lectura dun bo libro...

Grazas Maribel (a pesar dese "pequeno intruso" esgochado baixo o sombreiro) !!

Berlanguiano

2010-11-29T08:00:00.002+01:00

Remata novembro. Este mes no que nos visitou o papa e se marchou Berlanga. As películas do valenciano teñen un carácter universal do que non se ten falado o suficiente. Recordouse a descrición que facía da España da segunda metade do século XX, pero sen insistir en que os asuntos locais adquiren un carácter universal cando son tratados por un xenio. Por algo existe o adxectivo "berlanguiano".

Tomemos, por exemplo, “Bienvenido, Mister Marshall”. É o retrato dun caso que pode darse aquí ou en América. Aínda que non fai falta ir tan lonxe. Algo diso lles pasou aos que agardaban a Bieito XVI na estrada de Lavacolla. Foi “berlanguiano”.

Unha das cousas que máis me gusta das súas peliculas é o retrato coral. Unha morea de xente e cada un aparece coa súa personalidade ben definida.

No caso que nos ocupa poderíamos poñer ao que ten máis sorte que o resto e puido ver de cerca ao papa. Agora non para de ensinarnos as fotos.

Non debería faltar o chufón, esa criatura “superior”, aínda que minta tanto como fala. Seguro que posúe algo único: unha foto do papamóbil no garaxe.

Teríamos ao supercrítico que se fixa nun detalle para renegar da humanidade. En vez de ir a Santiago a ver ao papa, paseou pola rúa do Vilar e quedouse mirando para un escaparate cun sorriso.

Fixádevos no estante superior.

E, para acabar, sempre estará a beata que nos pedirá respecto e nos regalará unha estampiña, que para este blog será unha visita virtual e gratuíta á Basílica de San Pedro.

Roteiro pola Bibes de Ferrolterra (I)

2010-11-26T00:00:00.001+01:00

O pasado mércores, 24 de novembro, as bibliotecas escolares do Plambe Ferrolterra, celebramos a nosa habitual reunión mensual dun xeito ben especial. Comezamos o noso Roteiro Bibliotecario pola Biblioteca Xoán Farias do CEIP de Pazos, pero nesta ocasión ampliamos o grupo de amig@s e Chispa, a mascota da Biblioteca, fixo extensible a invitación a todas as bibliotecas escolares, Plambeiras ou non, desta zona. Magnífica idea, non si?

Nesta xuntanza compartimos proxectos, intercambiamos ideas... que xa volas explicaremos máis polo miúdo segundo se vaian plasmando, pero o máis importante de todo foi a ilusión e as gañas de levar a bo porto esta nova "andaina bibliotecaria".

E claro, como non podeía ser menos, velaí tedes a reportaxe gráfica do acontecido. Non farei máis comentarios ao respecto, as fotos falan por si soas -dunha fermosísima biblioteca moi viva - e os pés de foto... para non deixar de lelos!!

O noso agradecemento a Rosana, Profe Rosa, Feli, e por suposto a Chispa, unhas magníficas anfitrionas que nos agasallaron cunhas preciosísimas chapas da súa marabillosa biblioteca, verdadeiro referente das Bibliotecas Escolares.

Parabéns mozas, puxéchedes o listón ben alto, veremos como conseguimos estar á altura....?

Tod@s Contra a Violencia de Xénero!!

2010-11-25T00:22:00.006+01:00

A VIOLENCIA APRÉNDESE!!

Educación 2.0 : "A Tecnoloxía Invisible"

2010-11-23T20:00:00.000+01:00

Vía Educación Tecnológica chegamos a esta extraordinaria presentación na que Ana Laura Rossaro nos fala de Educación 2.0 e dos cambios que conleva, do "novo paradigma educativo":

Cambios na relación co saber
Novas formas de aprender e ensinar
Cambios na relación pedagóxica
Cambios institucionais

La tecnología invisible

View more presentations from Ana Laura Rossaro.

Homenaxe a Miguel Hernández

2010-11-19T22:00:00.003+01:00

No centenario de Miguel Hernández, o departamento de Lingua Castelá e a Biblioteca Escolar organizamos a nosa particular homenaxe a tan extraordinario poeta.

O venres día 29 de outubro dedicamos case toda a mañá ao visionado do documental "Miguel Hernández el poeta del pueblo" e á lectura dalgún dos seus poemas. Lectura realizada polo alumnado de ESO acompañado por Sarai ao piano, Andrea coa viola e Serafín co acordeón. Foi unha xornada ben fermosa...

Alumnado que dedicara algunhas das súas clases a afondar sobre a vida e obra de Miguel Hernández, clases nas que elixiron canda seu poema e que posteriormente ilustraron. Como podedes comprobar, nestes grupos hai moit@s artis@s.

En 1º, algúns deles tamén elaboraron un cartaz multimedia utilizando unha ferramenta moi intuitiva, e que lles gusta moito, como é Glogster .
Velaí tedes algúns deles...

Joel Mirad

Juan Ramón Vázquez

Sarai Pico Suárez

Andrea Fornos Seco

Carlos Aguado

Noelia Freire

Andrea Goti

Raquel Varela

!Flavors.me" A Nosa Páxina Persoal

2010-11-17T00:20:00.003+01:00

A través do Twitter de Antonio Alonso, como tantísimas veces xa ten pasado e tantas outras que pasará..., chegamos a unha extraordinaria aplicación web que nos permite agrupar as redes sociais nas que participamos, as fotos, os vídeos e o blog da nosa biblio.

En flavors.me/osegrel temos integrados no mesmo espacio os nosos perfis en Facebook e en Twitter, o noso álbum de Picasa, a Canle de You Tube e, por suposto, o blog do Segrel. Que vos parece?

Velaí vos deixamos un vídeo en Vimeo sobre Flavors.me

Flavors.me from Jack Zerby on Vimeo.

Que, animádesvos a crear a vosa?

De Imprescindible lectura!!

2010-11-14T12:20:00.003+01:00

Vía o Twitter de Planeta Lector coñecimos este extraordinario documento sobre o uso das TIC nas aulas...

Un documento de imprescindible lectura.

Conclusiones Focus Gropu

Las TIC han de introducirse en las aulas y centros educativos, pero para contribuir al cambio, la calidad, la innovación y la mejora del sistema educativo, y no para llenarla de nuevos "artilugios"

García Berlanga: In Memoriam

2010-11-13T15:32:00.016+01:00

Hoxe despedimos a Luis García Berlanga, e con el morre un estilo, unha voz, a visión dun país, unha cultura, unha filosofía propia sobre o xénero humano, zurcida a dúo con outro xenio, o guionista Rafael Azcona. (El País.com)

"En 1986 recibió el Premio Príncipe de Asturias de las Artes y en 1993 el Goya al mejor director por Todos a la cárcel. Su película Plácido fue nominada para el Oscar a la mejor película extranjera en 1961. Ha recibido la Medalla de Oro de las Bellas Artes en 1981, el Premio Nacional de Cinematografía en 1980 y la orden italiana de Commendatore." (Famosos valencianos)

Fonte da imaxe

Non esquezades acercarvos á farmacia e facervos cun par de caisiñas destas pílulas máxicas, senón para vós, sí para eles...

Vía Biblioteca Xoán Farias

Estábalo pedindo.

2010-11-02T08:00:00.003+01:00

Estou farto destes sustiños do Samaín e do Halloween. Hoxe vou facer as cousas en serio, moi en serio.
Vas a ver a exhumación dun cadáver. Sentirás medo, pero porque queres. Es libres de ver o vídeo e vas a elixir darlle ao play. Non me culpes. A curiosidade e o morbo por ver a putrefacción cadavérica son teus. Levas días pedindo pasar un mal rato. Incluso temes que mañá esta entrada non exista e daraste presa por vela. Veña. Dálle. Sempre quixeches saber que lles pasa aos mortos.

Reportando as San Lucas 2010 (Mondoñedo)

2010-10-22T08:00:00.001+02:00

É no gran libro da xeografía galega onde Don Álvaro comenta que baixar pola estrada de Vilacampa ao Valadouro é sentirse como unha folla caída que leva o río. Non é de estrañar que, cando Primitiva T.V.chegou por aí ás San Lucas (since 1.156), se alegrara de ver a atracción da foto.

Isaac Asimov e o "impacto" de Internet na Educación

2010-10-19T22:00:00.001+02:00

"Fai que disfruten aprendendo
e eles continuarán facéndoo"

(Entrevista realizada, en 1988, ao escritor Isaac Asimov no programa "El Mundo de las Ideas")

Videoxogos Educativos na Aula

2010-10-15T09:00:00.000+02:00

Manual (clica na imaxe)

Cantas veces, como docentes, nos preguntamos sobre os beneficios da utilización dos xogos na aula, sobre os beneficios pedagóxicos dos videoxogos e a forma de poder utilizalos como recurso educativo e motivacional.

A través do Twitter de Jordi Adell atopamos unha extraordinaria publicación elaborada no marco do proxecto "Juegos en los centros educativos" de European Schoolnet. Un manual para docentes que proporciona información teórica e práctica que axudará a tomar decisións fundamentadas sobre a elección e o uso dos videoxogos na clase e a disfrutar de todos os beneficios que estos aportan.

A realidade sobredimensionada

2010-10-13T08:00:00.001+02:00

O cine anda un pouco revolucionado con iso do 3D. Que se é un truco para conseguir cartos, que se é un paso adiante como o cine sonoro ou en cor, ...
Á vista da imaxe do San Froilán que nos envía Primitiva T.V., a especialista en novas tecnoloxías e festas populares deste blog, o da sétima arte non é nada comparado coa que se vai armar no mundo do teatro.

Eu tamén me apunto a este blog!

2010-10-11T08:00:00.002+02:00

Sen querer dar leccións a ninguén, mostraremos cousas chulas da vida (para iso son as biblios, ou non?) aproveitando o que se pode encontrar na rede e usando un pouco de imaxinación.
Por exemplo, empezamos a semana cunha canción optimista.

Biblioteca Escolar: Un Mundo de Oportunidades

2010-10-10T00:00:00.006+02:00

Dende o ano 2008 a IASL dedica o mes de outubro as Bibliotecas Escolares e difunde un cartel e un lema co que se pretende poñelas en valor.

Este é o cartel, obra de Marina Seoane, que, baixo o lema "Biblioteca Escolar: Un mundo de oportunidades" a Consellería de Educación, como xa ven sendo habitual nestas datas, enviará a todos os centros educativos, según aparece no blog da Asesoría das Bibes Galegas "co fin de lembrar as posibilidades da biblioteca escolar, e apoiar a visibilidade do traballo que o profesorado dos centros vén realizando para facer útiles estes importantes recursos educativos"

("Será verdade que a nosa administración ten tan claro o papel das bibliotecas escolares e o traballo que está a desenvolver o profesorado? Ogallá, e así sexa!")

En O Segrel está a ser este un mes ben activo.

A primeira semana organizamos as Bibliotecas de Aula de 1º e 2º de ESO e comezamos a Formación de Usuari@s co alumnado de 1º.

A segunda, saíron as Mochilas Viaxeiras de 1º e 2º de ESO.

O vindeiro luns día 11, teremos a primeira xornada do Club de Lectura de alumnado e o 18 o de pais, nais e profesorado.

Convocamos un Concurso de Marcapáxinas co tema da "Biblioteca Escolar"

E o día 29 remataremos cun recordo moi especial á figura de Miguel Hernández no centenario do seu nacimento.

Non está mal para ser este o primeiro mes, non si? Pero xa vos iremos contando máis polo míudo todas estas actividades.

70 Aniversario de John Lennon

2010-10-09T12:00:00.000+02:00

O noso pequeno tributo a John Lennon.

Un mito que hoxe cumpliría 70 anos !!

Homenaxe a John Lennon

Canle en YouTube de John Lennon

Imaxes de John Lennon

Citas de John Lennon

John Lennon documentary

Mario Vargas LLosa: Premio Nobel de Literatura 2010

2010-10-07T21:30:00.007+02:00

Mario Vargas LLosa, o escritor de orixe peruano que tamén obtivo a nacionalidade española no ano 1993, recibe o Premio Nobel de Literatura 2010.

O autor de obras como "La tía Julia y el escribidor", "¿Quién mató a Palomino Molero?", "Lituma en los Andes" (Premio Planeta 1993) ou "Travesuras de la niña mala" é o primeiro escritor en lingua española que recibe o premio Noble despois de vinte anos.

"El Nobel se lo debo tanto a la Academia Sueca como a España"

"El Nobel reconoce el español y la literatura hispanoamericana"

O vindeiro 3 de novembro sairá publicada a súa última novela "El sueño del celta". Podedes ler as primeiras páxinas aquí.

Escritores en lingua española premiados co Nobel de Literatura

Crédito da imaxe

Breve entrevista ao profesor Manuel Area Moreira sobre escuela 2.0. libros de texto, Internet e outras cousas interesantes

2010-10-05T18:22:00.003+02:00

Xa estamos de volta!!

2010-10-01T12:00:00.000+02:00

Así é.

E esa volta tivo como protagonista no seu primeiro día a unha xove escritora galega, Iria López Teixeiro, veciña de Fene e ex-alumna do IES de Fene, que foi a encargada de inaugurar o curso escolar.

Iria comezou a súa intervención lembrando o seu paso polo centro e nos falou da súa traxectoria literaria, "o meu soño dende que teño uso de razón" que compaxiña coa súa profesión de montadora de vídeo, unha profesión que "se nota no ritmo e na narración das miñas novelas"

A gañadora do "I premio Biblos-Pazos de Galicia" coa súa novela "Meniña de cristal" presentounos o súa curta "Dous homes e un suicidio" e agasallounos cun exemplar da súa segunda novela "Santa Matriusca"

Foi un placer coñecela e quedou invitada a compartir con nós unha sesión dos nosos clubs de lectura.

Ata pronto!!

Suxestións de Lecturas Para o Verán

2010-06-25T20:00:00.001+02:00

POR UN VERÁN CHEO DE LECTURAS COMPARTIDAS!!

FELICES VACACIÓNS !!

E NON ESQUEZADES QUE...
O SERVIZO DE PRÉSTAMOS
PERMANECERÁ ABERTO DE 11 A 13 HORAS TÓDOLOS DÍAS ATA O 11 DE AGOSTO.
QUE SEIQUE O INSTI SEN VÓS É MOI ABURRIDO...!!

English Project: "Xacobeo"

2010-06-22T20:20:00.016+02:00

Durante o presente curso académico, e por primeira vez, decidimos traballar cun proxecto en 3º de ESO.

Eliximos o Xacobeo e a experiencia foi moi positiva, sen pasar por alto que tod@s temos moito que aprender na aplicación deste tipo de metodoloxías... decir que o alumnado, en xeral, traballou moi ben e ao longo do curso achegámonos a distintas ferramentas e recursos que a chamada Web 2.0 pon á nosa disposición.

Hoxe, último día de curso, tod@s eles/as pediron continuar utilizando a mesma metodoloxía o vindeiro curso, a pesar de que confesaron que había que traballar máis que utilizando o libro de texto...

Hummmmm, estades de acordo con eles? Vexamos o que fixemos ao longo do curso...

Comezamos realizando distintas actividades ALFIN elaboradas polo equipo da biblioteca e que foron traducidas polo departamento de inglés "Let's do research"

E a partir de aí, pasamos á busca de información e a posterior elaboración de distintos documentos. Primeiro foi unha presentación en PowerPoint, logo, cada alumn@ deseñou o seu propio folleto sobre un aspecto concreto do Xacobeo e finalmente un libro virtual e, como non podía ser menos, velaí tedes o cartel virtual que preparou Ana.

Rosa Aneiros cos Clubs de Lectura do Segrel

2010-06-22T00:00:00.004+02:00

O luns día 7 de xuño celebramos o fin de festa dos clubs de lectura do Segrel cun fantástico encontro con Rosa Aneiros.

É esta unha experiencia que ano tras ano vimos realizando como remate das sesións dos clubs de lectura e, como ides comprobar, cunha extraordinaria aceptación por parte de tod@s @s asistentes.

Cando, hai xa tres anos, comentamos a nosa idea de facer unha reunión conxunta cun autor, naquela ocasión foi con Fran Alonso, e os membros dos clubs de lectura de alumnado e o de pais, nais e profes, houbo algún compañeiro que nos amosou as súas reticencias porque, segundo parecía, aos 15 e 16 anos non nos gusta estar cos nosos pais e nais neste tipo de actividades, que a rapazada non disfrutaría...

Que equivocados estaban os que así falaban! A experiencia non pode ser mellor nen máis positiva. En todas as ocasións son eles, os mozos e mozas, os que piden que se volvan a repetir estas xuntanzas conxuntas.

O encontro con Rosa Aneiros foi inesquecible. Comezaron Jose, un pai, e Laura, alumna, facendo unha estupenda presentación de Rosa. Laura fixo unha breve reseña biográfica e Jose falou do que para el supuxo a lectura de "Sol de inverno". E a partir de aí, e durante máis de tres horas falamos de libros, de lectura, do proceso que se segue para escribir un libro; falamos de "Inverno" e analizamos a numeración dos capítulos de "Ás de bolboreta", que era algo que intrigaba moito a algún dos nosos rapaces,... e, por suposto, coñecemos unha miaxiña máis a esta extraordinaria escritora e mellor persona, e así soubemos que...:

"A literatura é todo o que os lectores van conformando a partir do que leron"

"Cando máis aprendo dos libros é cando os comparto"

"Cando remato unha novela os personaxes deixan de ser meus"

"A min o que me dá para escribir historias é vivir"

Velaí tedes algunhas imaxes do que alí aconteceu...

E non podíamos, nin queríamos esquecer o que opinan sobre Rosa Aneiros e esta experiencia conxunta algúns dos asistentes:

Pais, nais e profesorado:

"Poucas veces coñecín a un escritor ou escritora que fora tan asequible como Rosa Aneiros. Agradable, sinxela, comunicativa, clara, concisa, familiar... Dáche a sensación de que a coñeces de sempre, de toda a vida. Encántalle escoitar aos demais e aos demais nos encanta escoitala a ela. Unha auténtica profesional"

Mª Carmen Arnoso

"Hai veces que as verbas escritas dun autor/a fannos imaxinar unha personalidade, unha presenza, un estar, porque -imaxino- en cada obra hai algo de si mesm@s, do seu propio ser, do seu pensamento. Adoitame pasar con es@s escritor@s que te aferran ao libro ata rematares, nos que calquer obriga que te separe das páxinas é un contratempo. Logo, un día, coñécel@s e, como cando ves unha película logo de ler o libro, sintes que non era es@ @ autor/a que ti imaxinaches, e sintes un pouco de mágoa, un "para-que-viría". Con outr@s (Fran Alonso, Agustín, Marilar...) o encontro é fantástico e gozoso.
Con Rosa Aneiros foi fantástico, gozoso e fabuloso. Levou con tanta naturalidade a timideza d@s que alí estabamos para iniciar as preguntas, con tanta prestancia as preguntas d@s rapaces e rapazas, facéndolles atopar por si mesm@s as respostas ao que preguntaban, foi tan sincera nas respostas, que por un intre, escoitándoa falar dos seus personaxes, do seu padriño, das súas primeiras experiencias na escola de Valdoviño, pasoume polo maxín que a Biblioteca do IES se transformara e alí estabamos tod@s, sentad@s polo chan, nas alfombras, nos sofás, tomándonos uns cafés (cacao para menores non acompañad@s), nunha charla de xente que se coñece de hai moito tempo.
O sorriso constante, a naturalidade, as respostas concretas, claras, a falta de présa dunha persoa que non vive disto, que ao día seguinte tería que erguerse cedo para acudir ao seu traballo, o humor... Non sei se se nota que quedei prendada desta persona, porque da escritora xa estaba. Que é desa xente de quen podes decir sen medo a errar que ten calidade humana. E tamén "calidez". Cando vai volver???"

Maribel Serantes

"Foi unha experiencia moi positiva. O saber estar de Rosa Aneiros nos fixo pasar un rato do máis agradable. Cunha soltura propia dunha gran escritora como é, deunos todo tipo de detalles e anécdotas sobre as súas obras, de como as foi elaborando e fixo posibles dende un principio. A familiaridade e atención con que nos tratou foi para min o que máis me chamou a atención. Por sorte, vexo nela un claro exemplo de humildade nunha persoa que dada a súa traxectoria podería considerarse unha celebridade"

Juan José López

"Pasoume o mesmo que con Agustín, se non tivera lido nada dela iría rápidamente a mercar algúnha das súas novelas. Encantoume!"

Inma Rodríguez

Alumnado:

"A actividade levada a cabo no club de lectura gustoume moito porque gracias a Rosa Aneiros todos os compoñentes do Club (nen@s e adultos) aprendimos algo máis desta marabillosa escritora e dos seus libros e tamén dos mellores escritores Galegos"

Laura López

"Pareceume un bo día no club de lectura xa que veu Rosa Aneiros e deunos ideas para facer as nosas propias historias.
Ademais estivemos xuntos rapaces e adultos!"

Diego López

"Realmente creo que foi unha tarde ben productiva. O ritmo de preguntas foi constante, de maneira que o intercambio de opinións, consellos e pensamentos non se detivo en ningún momento. Ademais, Rosa posuía unha capacidade oral moi fluída, e estiven de acordo en case todo o que ela dicía. Respondeu a todas as preguntas satisfactoriamente."

Roi Gándara

"Rosa Aneiros inspiroume!"

Juan Carlos

Se queredes ver a reportaxe gráfica podedes entrar no noso Álbum Fotográfico ou ver unha presentación de Picassa

Axiña a reportaxe en Radio Barullo e na canle de You Tube do Segrel.