sábado, 4 de julio de 2009

Pechamos por Vacacións !!!!

Remata o curso.

Memorias enviadas, seguimento da programación feito, actas asinadas, organizado o calendario dos exames de setembro, avaliacións dos distintos niveis coordinadas... todo o papeleo listo.

Agora chega o momento de botar a vista atrás e ver todo o que aconteceu nestes nove meses. Tempo de analizar o traballo feito e o que quedou por facer, pero sobre todo é tempo de descansar, de coller novos folgos e prepararse para levar a cabo os proxectos do vindeiro curso.

Así que ...
PECHAMOS POR VACACIÓNS!!!

Chega ese tempo marabilloso que tanto ansiamos. Tempo de lecer, de disfrutar da familia, das amizades, das lecturas abandoadas en espera dun momento mellor, desa viaxe apaixoante que nos teñen preparada... en definitiva, tempo para nós!!

Pero non podemos marchar sen lembrar a tod@s @s que facedes desta andaina que agora remata unha fantástica experiencia: Grazas Plambeir@s polo voso bo facer, grazas compañeir@s pola vosa complicidade, grazas AMIG@S por ser como sodes, grazas a todos e todas pola vosa infinita comprensión, solidariedade e agarimo!!!!!!

Ata a volta, sede felices e xa sabedes... Saúde, libros e bicos!!

viernes, 3 de julio de 2009

Os Nosos Venres Musicais (LII)

Hoxe queremos falar de soños e de desexos, deses soños que esperamos se cumplan algún día e podamos dicir como Louis Armstrong, aquelo de...

What a Wonderful World !!



I see trees of green, red roses too
I see them bloom for me and for you
And I think to myself what a wonderful world.

I see skies of blue, clouds of white,
Bright blessed days, dark sacred nights
And I think to myself what a wonderful world.

The colours of a rainbow, so pretty in the sky
Are also on the faces of people going by
I see friends shaking hands saying how do you do
They’re really saying I love you.

I hear babies cry, I watch them grow.
They’ll learn much more than I'll never know
And I think to myself what a wonderful world

The colours of a rainbow, so pretty in the sky
Are there on the faces of people going by
I see friends shaking hands saying how do you do
They’re really saying I love you.



"My whole life, my whole soul, my whole spirit is to blow that horn"

"What we play is life"


miércoles, 1 de julio de 2009

O Galego Serve para Entendernos!!!

Vía Brétemas, un dos nosos blogues amigos, puidemos disfrutar coa lectura desta "carta", aparecida no Faro de Vigo hai unhas semanas, asinada por José Manuel Atanes Limia baixo o título de "O Galego serve para entendernos" e non queremos deixar de achegárvola.

Podese dicir máis alto, pero dubido que se poida facer de xeito máis claro.

Que para que serve o galego dicen algúns, pois para que vai servir??

O GALEGO SERVE PARA ENTENDERNOS!!!

Puxémoslle nome ás persoas: Suso, Maruxa, Mariña... apelido: Vázquez, Nogueira, Lagoa.... e alcume: o Bichoguizo, a Rachaoferro, as Piricas,....
Puxémoslle nome ás nosas árbores: amieiro, freixo,
teixo,... e apelidos: Carballa da Rocha, Castiñeiro da Capela, Carballeira de Mandiá...
Botamos aturuxos, arroutadas, regueifas.... e damos colo, apertas,
bicos....
Puxémoslle nome ás froitas: pexego, mazá,
abruño....
Aos arbustos: silva, xesta, piornos....
Ás nosas herbas: camariña, herba de namorar, fiuncho...
Ás comidas: grelos, cacheira,
cachelos.....
Puxémoslle nome aos insectos: vagalume, escornabois,
avelaiña......
Aos peixes: xouba, ollomol,
merlón .... e aos mariscos: vieira, zamburiña, navallas....
Ás nosas praias: de Rodas, A Rapadoira,
Ponzos, Areamaior, Lariño, Boca do río, ...

Ás serras: O Larouco, A Capelada,
Outes...
Aos montes: A Zapateira, O Galiñeiro,
A Bailadora...
As rochas: Pena Corneira, A Pedra de Avalar,
Os Cabalos...
Aos ríos: Toxa, Xallas, Eume, ...
Aos pobos: Soutelo, Peroxa, Lubre....
Aos males: Mal de Ollo, O Arangaño, O folgosalvo...
Aos nosos medos: A Santa Compaña, O Negro Meigallo, O home do saco...
Aos nosos heroes: O Foucellas, Roi Xordo, María Soliña...
Aos monstros: Sacauntos, Fendetestas, Urco...
As vacas: Marela, Xeitosa,
Roxa, ....
Aos disfraces: Peliqueiro, Boteiro, Choqueiro...
Aos sentimentos: morriña, agarimo,
aloumiño...
Aos santos: A Franqueira, O Corpiño,
San Andrés..
Ás nosas festas: A Rapa das Bestas, O Magosto,
Os Maios...
Á musica: os alalás, a chouteira,
as folías.......
Aos xogos: a billarda, a porca,
as lombas, ......
Ás partes do corpo: as costas, os xeonllos,
os beizos...
Aos paxaros: paporrubio, rula,
xílgaro...
Ao vestido: saia, polaina,
pololos...
Puxémoslle nome ás partes do carro: sabexugeuiro, chavella, fungueiros, caínzas,...
Inventamos verbos: acabicornar as vacas, rapaz a lá das ovellas ou o mel das abellas,...
Puxémoslle nome ás partes dea lareira; camballeira, fornela, tres pes, ...
En galego digo sacabeira e araucaria.
En galego sáeme dicir birbiqué e pendrive.
En galego podo dicir Obradoiro e Taj Mahal
e tamén sei dicir Afonso X e Michael Jackson
Digo axóuxere, nai, fala, e cada vez que falo galego ten sentido a nosa historia, ten sentido a vida da miña avóa, dos meus pais,...

....e agora veñen que para que serve o galego, pois e obvio, para entendernos.

E como nos propón Manuel Bragado, que vos parece se entre todos e todas imos ampliando esta fermosísima carta con esas marabillosas palabras que nos axudan a entendérmonos?

Animádesvos? Pois adiante!!!!

Actualizado o 2 de xullo. Grazas!!

Actualizado o 3 de xullo. E seguimos ampliando... Anímate, ti tamén contas!!

Related Posts with Thumbnails